- 積分
- 4675
- 貢獻
- 504
- 參與
- 4171
|
155#
發表於 2015-5-2 02:21
| 只看該作者
睇完喇....個SHOW 真係幾正, 我會比80分可能本身哩場先係頭場, 氣氛好好~!!
等我廢UP 幾句先
驚喜/難忘/正評位
- 安哥狀態大勇, 好厚實既聲, 流淚行勝利道比1/1果晚唱得好好多, 好有水準
- 整體舞台效果都幾好, 仲估唔到D 條狀screen 係咁玩法^^
- 喜歡你是你 D LIGHTING好好好靚!!!
- 兩PART 跳舞我覺得OK WOR....選歌驚喜同埋新編曲幾正, 估唔到揀左學行同與神對話, 翻騰哩個編曲幾正, 冇左浸老歌味
- 第一PART 跳舞好好睇, D舞好齊同有心思, 安哥都好比心機去跳
- 第二PART 末日救世PART, 我好喜歡哩PART, 頭三首歌揀得好同埋好MATCH主題, 但最大敗筆係冇啦啦變左救世主咁唱愛妳, 雖然係幾MATCH, 但冇啦啦成件事SAMMI 上身變左做宗教MODE ==
- 有唱爛泥!!!!
- BIG 4 輪流上台合唱/SOLO, 最後再4子齊人大合唱, 全場氣氛高漲
- 昨遲人同眼前一亮 個bg visual effect 好嬅麗
- 同健仔唱明星果陣安仔喊左....搞到我都眼濕濕, 首歌真係好催淚同埋令人諗起好多往事
失望/嬲/負評位
- 未日救世 愛妳果幕, 佢做救世主雖然岩個故事flow, 但成件事好odd咁
- 係咁換衫....搞到唱得比預期中少歌, 心諗男歌手都換衫換得咁密集做咩者
- 蘇永康真係好_ 扮野, 頂佢唔順, 仲要聽左兩次那誰....因為第一次唱果陣蘇支咪冇聲, 故全場要求重唱
- 點解可以完全冇唱東亞時期既歌?????????????????????? 心諗前程錦繡同情人甲都幾多人識呀, 點解都唔唱
- 冇左雨後陽光!!!!- 點解你的秀係主題曲, 但都唔唱=.=
- 今次揀歌, 飛走太陽果2首歌, 成個show 可以早於2005年開
HEHE欣賞位
- 安仔真係成日show 肌肉
- 第一part 跳舞套衫(黑色透視果套)....sexy到不得了, 一出場全場嘩然起哄
- 過場介紹dancers 果part, 有d dancers 幾靚仔同埋佢地著白色緊身褲~激突!!! |
|