「變臉」G.E.M.辣着星級排舞師

GEM & 張丹最新傑作

新一期《好報》踢爆自以為紅遍宇宙銀河系的「國際漿」G.E.M.，近日在香港舉行個唱牽起連番風波被眾星狠批外，G.E.M.出神入化的變臉神功，就連幕後一樣辣着！身為容祖兒及陳奕迅等紅星指定御用的星級排舞師High King，2013年曾為G.E.M.的個唱合作，但有傳High King跟G.E.M.方面反目，自此永不合作！High King接受《好報》訪問直言：「因為有人變臉囉！總之合作時明明講好我收5萬，之後有人叫我3萬蚊搞掂，所以我只係做完澳門同北京兩個站後，同佢講Bye bye，之後我唔會再接。我慶幸自己走得夠快！永遠唔會再合作！人紅咗，成個人都變晒！」張丹大吵大鬧High King說張丹和G.E.M.在參加《我是歌手2》前，為人「好Nice、乜都話冇問題」，但《我2》之後就變臉，他說：「有次張丹走上嚟我公司大吵大鬧，原因係張丹要求我唔可以接其他artist嘅騷。但係我一年前已經畀人book咗，照行規係唔能夠推，佢咁做係唔合理。呢件事之後，G.E.M.見到我即刻面左左，唔敢望我！容祖兒同陳奕迅咁紅，從來唔會傷害人，又合作得開心，唔似得佢哋咁！我都唔明點解會有呢啲artist，我諗佢哋好睇小香港樂壇，叫佢唔好返嚟香港做喇！（如果張丹再揾你合作？）再翻兜都唔會再接！有次有個廣告客上嚟傾合作，我一聽係G.E.M.，價都未問，即係話唔接，寧願嗰十幾萬都唔賺！」零粉絲即面黑另外，曾為G.E.M.2013年的個唱擔任導演、現職NowTv導演阿花，有傳當年曾同G.E.M方面發生爭執，有人以粗口問候，最後不歡而散。阿花表現得不欲多言，只說：「過咗去，我唔會再講，唔方便講嘢！」話明只專注音樂，其他事都「不在意」的G.E.M.，於周日（18日）全體工作人員在酒店舉行的慶功宴苦等至凌晨一時半，才見G.E.M.施施然現身，而G.E.M.驅車直達酒店時，儼如外國巨星來港般在缷貨區下車並即場落閘。直至凌晨3點半才離開慶功宴返回荃灣住所的G.E.M.，見到酒店門外零粉絲只有記者，即使面對鏡頭也照樣黑口黑面！據知跟G.E.M.方面同樣鬧不快的主辦單位，至今未有表態，其實是因為敢怒不敢言，據知該主辦單位之後仍要跟G.E.M.合作新加坡及美國兩站巡迴，故暫時息事寧人。