從都市柔弱女生轉型到自信新女性 – 吳雨霏《豔羨》

艾石仔

「恨人亦要花氣力」、「分手要狠 比相戀勇敢」、「如我知錯　可否乃念最初」三首成名作曾經為當日單支發展的吳雨霏定下了主流市場的女性慘情歌地位。但自從入主新藝寶，吳雨霏的轉型開闊了她的音樂道路。由《我本人》的都市女性柔弱，到《My January》女性情感描述，《State Of Mind》獨立自我宣言……上幾回有梁榮駿為她製作年度主打，今次班底更強，找來林憶蓮恭碩良人山人海及藍奕邦為她度身訂做這次的大碟，是好聽的。整張唱片大底可以分為上下半場，上半場電音帶點r&b的節奏感較重；下半場著重情感抒發細說現代都市女性愛情觀。

Make it Groovy – 一分鐘的豔羨令人想入非非
是很有節奏的開場，《豔羨》的編曲很對板，輕快得來又有點型格。當然功勞是歸於幕後的朋友，Jun 在節奏的特色加上Sandy唱法兩者二合為一就成為了吳雨霏的《豔羨》。再加上周耀輝的詞實在靚得很，「水仙的事業」「從此拖七色尾巴」「紅的舌」「一絲牽掛」性感得來又帶點神秘，當然吳雨霏的氣聲都下了不少功夫。如果《豔羨》是對板，下一隻《一分鐘稀客一分鐘色誘》是去得更盡。同樣的班底加上了藍奕邦的名字，由周耀輝的文字挑逗到藍奕邦的單打獨鬥兩者都增加了吳雨霏的可聽性。開場的「呼吸」「指尖」「誘惑」「看透」已經令人想入非非，整隻歌vocal上不太著眼，因為太用力反而破壞美感。再轉到《想入非非》這次又回到周耀輝身上，整個畫面立刻變得詩情畫意。由人山人海主理的《想入非非》，吳雨霏唱得有些少黃耀明的影子，當日的輕聲氣聲比起《一分鐘稀客一分鐘色誘》更輕，中間還帶些少扭音，算是新嘗試。「黃蜂」「蝴蝶」「雪霜」「想花」整份詞雖然是FF但有歌詞意景十分美麗，就如山水畫一樣的美。


無限解讀的《一千個假想結局》
頭三隻是靚的是有型的，但回到現實又是否盡如人意？《一千個假想結局》同樣是JUN X SANDY的班底，歌詞更找來大師級的潘源良主理。就如行貓步一樣走到中間總會有些過場音樂轉一轉曲風。這回《一千個假想結局》令吳雨霏重回人間，歌詞雖有無限解讀，但開首的「沉默有多恐怖」已經有些少現今社會畫面，就算入夢想逃過結局，但歌詞都告訴聽歌人「但長夜漸深 要睡卻太早 心跳像一把尖刀 我未能逃」。曲風相對比較DARK，亦聽得出吳雨霏在錄音室下的苦功。由第一段輕聲去到尾面的爆發，唱得十分肉緊的一次，應該是整張唱片氣氛較沉重的一首歌。

不再自怨自哎，找到真正的超男友
來到下半場，算是談談愛情講講自身的一回。如果真的是人歌合一的話，那吳雨霏一定經歷過千萬段的失戀，來到今天回頭一看，其實情愛就如流螢一樣，一閃即過的。是延續了上半場的輕快感覺，應該是少有C.Y. Kong的曲式。本來用《流螢》比喻愛情的一閃即過其實是靚的，但林若寧又用字奇奇怪怪，甚麼「背泳」「雙腳害怕固定」後段更重複多次「開開心心」。吳雨霏這回的放下跟《生命樹》唱得更放開，無他因為已經找到真正的超男友。既然放得下，就勇敢去愛去找真命天子。之後的兩首《我敢愛》《超男友》都睇怕是吳雨霏愛情體會，曲調輕快得來帶點甜品，特別是《超男友》帶點《小小癡纏》的感覺。整張唱片重心想不到是最後的《真過份》，歌如其命《真過份》。找來林敏聰何山蔡德才主理，帶點上半上氣氛來一個首尾呼應。半RAP半唱的吳雨霏試過幾次，《Control》都算是失手的一次，這回《真過份》RAP得有型唱得跳脫。

整張唱片可聽性真的很高，由封面亮麗到歌曲選擇都很林憶蓮。很難想像吳雨霏LIVE的時候會是如何演繹這8首歌。至於吳雨霏歌路，或許有人會怪得唱得太過林憶蓮，甚至抄林憶蓮，但由《State of Mind》開始已經在歌詞上的自我自主。我相信這個轉變是一個里程，之後吳雨霏或會如楊千嬅一樣找回真正自己做到人歌合一。

==================================
Btw唔該吳雨霏下次練好d咬字，我唔想無啦啦聽到咩「前度叫豬扒」。
Btwwwww歡迎捉錯字

rubylovessss

高質碟評來了

一分鐘稀客一分鐘色惑歌曲都帶點性感
想入非非每次聽都似王菲唱個種感覺

siongguan

第9首歌係邊首-.-

艾石仔

第9首歌係邊首-.-
siongguan 發表於 2015-3-24 14:03

記錯左SOM

wchild

講到咁正, 心郁郁想買

aussie2013

成隻碟曲詞編都非常優秀，美中不足係Kary真係未handle到呢類作品，如果vocal換成林憶蓮呢隻碟又係一張神作。

dongbb2332

貼比ngk睇啦
ng g k會留咩美言呢

吳雨霏

多謝支持！

屮SiU霖屮

ISSAC好勁呀<3
連美霏都要送香吻比你

stephybest

吳雨霏都大駕光臨

Samuel0919

多謝支持！
吳雨霏 發表於 2015-3-24 15:13

   係咪堅噶？

wchild

多謝支持！
吳雨霏 發表於 2015-3-24 15:13

真定假丫

Kyle_

woow 高質碟評
今次專輯的確曲風多變
我地亦見到不一樣既吳雨霏
甚至比in control 有更多變既風格

真心覺得今次美霏又升lv
完勝同代既歌手

remus

如果係林憶蓮唱我一定買，大部樂評人(微博或豆瓣)暫時都係話佢駕馭唔到啲歌，唱歌水平麻麻，有啲浪費咗隻碟，

mrshadowll

客觀來講，全碟無首歌係聽得入耳～～我好客觀～～btw I am her fan

kevinlai1621

聽得出今次隻碟係好有heart, 雖則vocal方面始終係弱點(整體好過上次across 嘅)
不過我覺得個feel已經完勝

-Prince-

如果係林憶蓮唱我一定買，大部樂評人(微博或豆瓣)暫時都係話佢駕馭唔到啲歌，唱歌水平麻麻，有啲浪費咗隻碟 ...
remus 發表於 2015-3-24 16:34

利申 碟就未聽既

頭三隻派台歌都係高質既
但第一次聽都即刻令人諗起蓮母而唔係霏妹
無哂個人風格其實唔係好事
今次佢係成功突破 定只係歌有人無得個殻 其實係值得三思

而同樣地呢隻碟既歌套用係另一個歌手
再有蓮母親身教唱歌同用長時間去錄 又會唔會有一樣甚至更好既效果呢

remus

利申 碟就未聽既

頭三隻派台歌都係高質既
但第一次聽都即刻令人諗起蓮母而唔係霏妹
無哂個人風格其實唔 ...
-Prince- 發表於 2015-3-24 20:03

我估轉俾李幸倪(Gin Lee)唱呢啲歌，可能效果好好多

屮SiU霖屮

利申 碟就未聽既

頭三隻派台歌都係高質既
但第一次聽都即刻令人諗起蓮母而唔係霏妹
無哂個人風格其實唔 ...
-Prince- 發表於 2015-3-24 20:03

   蓮母 我笑到停唔到口
不過的確成隻碟真係好憶蓮FEEL

艾石仔

利申 碟就未聽既

頭三隻派台歌都係高質既
但第一次聽都即刻令人諗起蓮母而唔係霏妹
無哂個人風格其實唔 ...
-Prince- 發表於 2015-3-24 20:03

又唔是咁講既....睇下佢下隻碟會唔會蓮母上身lor._.
呢d野玩一次就夠, 睇下佢下隻碟點勁法仲好

可能搵王菲做師父._.

dongbb2332

利申 碟就未聽既

頭三隻派台歌都係高質既
但第一次聽都即刻令人諗起蓮母而唔係霏妹
無哂個人風格其實唔係好事
今次佢係成功突破 定只係歌有人無得個殻 其實係值得三思

而同樣地呢隻碟既歌套用係另一個歌手
再有蓮母親身教唱歌同用長時間去錄 又會唔會有一樣甚至更好既效果呢
-Prince- 發表於 2015-3-24 20:03

講得有道理
但正如吳雨霏自己都講, 佢今次響林憶蓮身上學到既野係發掘更多自己把聲既可塑性,
響佢錄音果陣, 憶蓮都係響霏妹身邊聽住佢錄而唔係響出面錄,
咁樣指導之下響呢堆歌身上搵到林憶蓮既影子都係理所當然,
仲要蓮母糸霏姐個嘔像, 霏姐模仿佢都係意料中事


講個人特色? 其實吳雨霏既個人特色究竟係咩呢?
一諗起吳雨霏大家又會將佢點樣定型呢?
講謝安琪我地會話佢草根型
講薛凱琪我地會話佢少女型 (雖然而家已經變左熟女)
講王菀之我地會話佢藝術型
講楊千嬅我地會話佢賣感情


講真上面咁多歌手都係靠k歌上位架啦,
但佢地唱k歌之餘又可以Construct到各自既Image出黎

吳雨霏呢? 如果要搵三個字黎形容佢, 佢會係個乜乜型, 或者賣乜乜既歌手呢?


佢上位作都係一堆k歌,
金牌既時候都還可以勉強將佢定型為唱ROCK歌快歌有一手既女歌手
但去到環球既佢已經將呢個rock妹形象推翻左,
SOM sell 唱作, Across每隻歌都有唔同既唱腔,
搵到林憶蓮幫手佢最大既得著真係可以試好多唔同既曲風, 嘗試用更多唔同既唱腔黎唱歌


而家佢面臨最大既問題係, 根本唔知應該定佢做一個咩類型既歌手
一時又sell唱作, 一時又霏式情歌, 一時又電子upbeat野
呢樣係環球最需要要檢討既野

我自己就覺得, 其實吳雨霏自己都唔知自己想點,
由環球5碟黎睇, 佢根本唔知自己想做乜, 所以就咩都試下, 咩都試左先, 試下咩曲風先係最岩佢
(不過靠既就仍然係一堆K歌續命, 你睇下咁_多人鍾意留不低沒有花收的日子同流螢就知)

或者佢真係可以試下做一個VOCAL多變既歌手,
亦都可以試下做多啲迷幻風既歌

形象呢啲野, 唔係從一而終既時候, 佢已經好難再BUILD UP一個統一既IMAGE比樂迷,
大紅大紫就一定冇佢份咖啦, 唯有希望佢可以繼續突破自己啦

jose

講得有道理
但正如吳雨霏自己都講, 佢今次響林憶蓮身上學到既野係發掘更多自己把聲既可塑性,
響佢錄音果陣, ...
dongbb2332 發表於 2015-3-24 21:02

我自己覺得因為吳雨霏既樣子
所以吳雨霏hit親既都係苦/自憐情歌 eg 愛是最大權利->逼得太緊...->我本人->一千個假想結局
你叫佢plug流螢，句句我愛你，歸宿呢類係一定唔會hit得起
個term我都唔知叫咩

dongbb2332

我自己覺得因為吳雨霏既樣子
所以吳雨霏hit親既都係苦/自憐情歌 eg 愛是最大權利->逼得太緊...->我本人-> ...
jose 發表於 2015-3-24 21:15

歸宿真係plug得好失敗, 完全冇noise既2nd plug
果時都唔知佢plug呢首係plug比邊個睇

球記5碟派名
豔羨>=Across>SOM>我本人>MJ
個人其實中意ACROSS多過豔羨, 可能因為聽得多, 同埋我真係勁喜歡弄潮兒偶然苦苦呢3首
不過音樂性就梗係豔羨嬴啦

jaydeng

呢只碟真係霏霏最好聽噶一隻碟
唔系講笑

jose

歸宿真係plug得好失敗, 完全冇noise既2nd plug
果時都唔知佢plug呢首係plug比邊個睇{:1_9: ...
dongbb2332 發表於 2015-3-24 21:22

豔羨應該係唯一一隻唔洗飛住聽既碟
我會咁排
1. 豔羨
2. SOM (thatgirl)
3. MJ (信徒，就有就有 )
4. Across (沒有花收, 弄潮兒, 行人禮 )
5. 我本人 (歸宿,東京3月,幾個字,初會 )

ps 大紅大紫就一定冇佢份咖啦, 唯有希望佢可以繼續突破自己啦
見到呢句好想痛哭
當王菀之 薛凱琪有得雙線發展 靠電影紅
呢位小姐次次未出新碟就已經仆去錄下一隻碟
佢既演藝人生就係得唱歌，出fashion show，拍廣告，唱歌，出fashion show...
因為吳美麗 觀眾緣又無乜
個個聽歌都係聽把聲 唔認埋個人
所以先會搞到有人以為越難越愛係佢唱。。唉

dongbb2332

豔羨應該係唯一一隻唔洗飛住聽既碟

我會咁排
1. 豔羨
2. SOM (thatgirl)
3. MJ (信徒，就有就有 )
4. Across (沒有花收, 弄潮兒, 行人禮 )
5. 我本人 (歸宿,東京3月,幾個字,初會 )

ps 大紅大紫就一定冇佢份咖啦, 唯有希望佢可以繼續突破自己啦
見到呢句好想痛哭
當王菀之 薛凱琪有得雙線發展 靠電影紅
呢位小姐次次未出新碟就已經仆去錄下一隻碟
佢既演藝人生就係得唱歌，出fashion show，拍廣告，唱歌，出fashion show...
jose 發表於 2015-3-24 22:08

我打呢句野果陣個心都up左幾秒
電視又冇電影又冇, 冇得響影壇髮展, 娛圈生活淨係得唱歌不特止,
仲要啲碟成日有特價又多二手
佢仲要咁後生30歲都未夠, 果兩位阿姐老過佢又紅過佢勁多
希望佢35歲之前都可以學呢兩位阿姐咁n棲發展啦

你專霏藍又時既喂
其實而家隻隻碟都聽慣左, 所以你會霏果啲歌我都好少霏
有一排狂霏沒有花收, 果期覺得悶到爆但而家又覺得ok

-Prince-

講得有道理
但正如吳雨霏自己都講, 佢今次響林憶蓮身上學到既野係發掘更多自己把聲既可塑性,
響佢錄音果陣, ...
dongbb2332 發表於 2015-3-24 21:02

無錯 其實佢金牌初期都有既定形象 只不過去到後期先開始愈行愈亂
即使係咁 間唔中都會有歌睇到吳雨霏既特質 好似狼狼狠狠咁
但今次三隻派台歌已經比林憶蓮蠶食哂

Samuel0919

#18  We love her simply for she's Kary Ng，not for 有無憶蓮教唱歌 or deserve唱呢首歌，
其實都係一個gimmick only

#21 好明顯你講左咁多only prove佢行既係好似容天後既百變路線，for 佢地都係多變既雙子

Anyway既然佢自己都知道自己無觀眾緣and無論點都唔會大紅大紫，何不任性D去做一點自己想做的歌？

總會有一少部分樂迷係支持同識欣賞佢，而唔想佢好似D好有個人風格既歌手咁不斷重複做相同既野

利申：買左呢隻碟同聽曬D歌，Pingpung果陣已經開始留意同鐘意佢

fifty1205

如果係林憶蓮唱我一定買，大部樂評人(微博或豆瓣)暫時都係話佢駕馭唔到啲歌，唱歌水平麻麻，有啲浪費咗隻碟 ...
remus 發表於 2015-3-24 16:34

呢隻碟我覺得同Across(除左逆轉)音樂係好高質好多曲風
但佢唱得差拖累作品係事實，差唔多每一首歌聽起黎都一定有d位唱得差，尤其流螢，"來迷惑眼睛"真係好un耳呢句

不過今次佢總算突破自己，值得讚下

艾石仔

無錯 其實佢金牌初期都有既定形象 只不過去到後期先開始愈行愈亂
即使係咁 間唔中都會有歌睇到吳雨霏既特 ...
-Prince- 發表於 2015-3-24 22:28

後期都d k歌開始唔k
隻隻都soft哂咁._.
特別係隻here we areeeeeeeeeeeee高音到一個點

dongbb2332

後期都d k歌開始唔k
隻隻都soft哂咁._.
特別係隻here we areeeeeeeeeeeee高音到一個點 ...
艾石仔 發表於 2015-3-24 22:33

諗唔明果期既金牌係咪想幫佢轉型 行柔和風 派埋啲咩HWA 蠶豆
竟然唔派最K果隻小愛
(呢首以前唱K必點)

艾石仔

諗唔明果期既金牌係咪想幫佢轉型 行柔和風 派埋啲咩HWA 蠶豆
竟然唔派最K果隻小愛
(呢首以前唱K必點{:1_9: ...
dongbb2332 發表於 2015-3-24 22:36

馬戲團之戀 愛德華時代都ok既,
但d詞就唔知想點-_-
sell唔到個image出黎, 反而我本人成隻碟就好soft

bagfgfcde

只能講吳雨霏係環球時期實在仲未有能力建立自己既品牌
環球頭兩隻碟係呢方面簡直係0關注 首首歌各自有各自發展 就算有關係都唔知幫到佢形象啲乜
另外頭兩隻既歌實在太過冇內涵 兩首例外既係生命樹同吳哥窟

至於SOM, 比前兩次走前一步, 有左gimmick曲風上亦趨向統一
敗筆係自己既旋律 每首悅耳流暢又有流行潛質但就欠缺個人特色 令人記唔住佢 亦都好難怪有人會覺得佢紅歌但歌冇帶協到佢紅
不過由於呢隻碟既色調以致派台俾人感覺都好舒服 所以咁樣簡簡單單反而令隻碟聽得下
另外, 個人認為忍應該出現係呢隻碟而唔係Across 只因為Across每首都偏向情感上dark一啲, 就算係正面既歌個曲風都係比較靜 融入到入其他作品 而Across本身打造吳雨霏既形象根本就唔成功 只因為宣傳奇差 入面既歌亦都唔受大眾關注
其實所謂形象 有時都要大眾所同意 如果佢根本口碑欠奉 更加唔好講定立形象

豔羨同林憶蓮合作 歌曲質素已經受到肯定 Gimmick亦有 可惜憶蓮團隊作既好有憶蓮style既歌俾吳雨霏唱 係好多人心中已經係浪費
經常聽到點解憶蓮唔唱翻等等 亦有唔少人認為吳雨霏扮憶蓮扮得太過分唔係好事
不過相信吳雨霏今次隻碟都係只屬試驗性 唔會長久發展落去
結果呢隻碟以後就會變成一隻大家心中吳雨霏短暫扮過林憶蓮同自己偶像合作過一隻碟既專輯
最後都係對佢歌唱定位冇幫助 失敗


前面講得太多吳雨霏冇清晰定位 而家講翻隻碟先
豔羨打頭炮 之後兩首都好迷幻 實在太少聽到吳雨霏呢一面
去到一千個假想結局 四首都去得好順暢 特別鍾意一千個游走係主流同非主流之間
去到bridge一段好有大熱作既感覺 好澎湃 如果live表現得好果下我在祈禱wo一定係震撼級
幾首輕快作品未有交行貨 前後兩部分自成一格 如果可以係細節位加啲心思聯繫翻兩部分既作品 會令專輯音樂上更加互相緊扣
後半部分輕快作品都係快熟作品 未知會否襟聽 不過睇cm部分會員就知應該麻麻地耐聽
我敢愛流螢未見有好強好特別既聯繫 mv分上下集個人感覺有啲r頭
真過份高不成低不就 又想玩味又未到頭四首水平 將全碟水平拉低

艾石仔

BTW 一分鐘稀客一分鐘色誘 其實佢好姊妹STEPHY應該唱得仲好聽

rubylovessss

無限感激

艾石仔寫得好好喔

stephybest

BTW 一分鐘稀客一分鐘色誘 其實佢好姊妹STEPHY應該唱得仲好聽
艾石仔 發表於 2015-3-24 22:58

應該搵好姊妹STEPHY合唱

HOTMAN

只能講吳雨霏係環球時期實在仲未有能力建立自己既品牌
環球頭兩隻碟係呢方面簡直係0關注 首首歌各自有各自 ...
bagfgfcde 發表於 2015-3-24 22:53

其實有架，個品牌咪"時代女性"，呢個形象仲幫佢搵到唔少廣告架 ; 不過佢隻隻碟都轉一次性格咁，而且經常流於歌詞層面

我本人=獨立女性（僅限愛情層面）
My Janauary=知性女子
SOM=有性格的時代女性
Across=感性女子
艷羨=？？？？自信新女性？？？

John

利申：未聽碟

Kary打從入環球, 已經係扮憶蓮架啦
如果講形象, 反而我本人一路到The Present演唱會做得最好, 最一貫
簡單黎講就係一個「我敢愛」既都市女性, 外面有時代感, 裡面就好感性, 同埋好多好都市人好複雜既感情, 例如「半個我渴望自由 半個我害怕失重」或者「其實我地係度等緊車丫 抑或係等緊一把火 foot一聲」
封面有時唔係好靚, 但整體你睇到想造咩形象
音樂上就Play safe為主, 但Eric Kwok好多歌都幫佢開拓到另一面, 歸宿既唱腔其實都幾令人有印象, 更唔少得大量音樂實驗

之後想變, 但又唔知想點
State of Mind想型但係封面同內頁相都幾唔型, 係好在音樂夠率性, 雖然都係好似率性得隻明日再打算, 搭多隻生我的命, 但浸都市溫柔味道就唔見哂, 雖然我都唔係好介意, 而用作主打的今夜煙花燦爛亦繼續係向來環球吳雨霏既野
反而Across就應該係一路以黎做開既野, 留不低 花收都係想走返舊路, Eric Kwok同霏姐合作亦越黎越理想, 而市場反應本身suppose係成功既, 可惜當時合約問題, 令到兩首主打歌反應弱左一截, 就算花收M記播到2015年3月都冇用, 結果近兩年都係憑環球一姐身份強搶豬肉

去到今年吳雨霏結婚, 佢既身份危機都即刻出現
而家人妻幸福結婚市場既女歌手好多,
吳雨霏入環球後, 全力狂谷都市女性嫁唔出既慘慘豬市場, 都係佢得以承虛而入既重要因素,
但當佢既身份再配唔上呢類歌的時候, 好懷疑原本辛苦建立既市場會點

今次頭兩首主打歌豔羨同一千個假想結局其實都寫得好虛
好聽係好聽, 但豔羨好唔吳雨霏, 因為佢豔唔起, 一千個假想結局就比較適合佢既聲線
至於我敢愛, 只能講佢唱法極度憶蓮

仲有, 扮憶蓮不可不提既係由唔唱得變成好唱得, 由好唱得變成收放自如
但吳雨霏近幾年係由唔唱得變成更唔唱得, 當然感情收放係好左好多

kenneth

我打呢句野果陣個心都up左幾秒
電視又冇電影又冇, 冇得響影壇髮展, 娛圈生活淨係得唱歌不特止,
仲 ...
dongbb2332 發表於 2015-3-24 22:16

   佢演技好多人都讚好架喎，岩岩入環球拍我本人都SELL好演技。

屮SiU霖屮

前度叫豬扒 <<<<<<

我都聽到
第一次唔覺意聽到個時O曬咀

kenneth

前度叫豬扒
屮SiU霖屮 發表於 2015-3-25 02:19

   我一聽就無由呢個方向諗同聽，但畀樓上講完入曬腦。

艾石仔

同埋我又發現, 呢隻碟個backing vocal只係想入非非到寫左阿妹個名,
其他只係寫vocal producer 係蓮母

disappoint

我一聽就無由呢個方向諗同聽，但畀樓上講完入曬腦。
kenneth 發表於 2015-3-25 02:27

    邊首

hehemamama

講得有道理
但正如吳雨霏自己都講, 佢今次響林憶蓮身上學到既野係發掘更多自己把聲既可塑性,
響佢錄音果陣, ...
dongbb2332 發表於 2015-3-24 21:02

好驚霏妹做下一個容祖兒
無自己風格同路線嘅歌手 當市場上都有一二線歌手確立到明顯形象 好易被淘汰
尤其霏妹無雞蛋老細做後台

我等我在

好驚霏妹做下一個容祖兒
無自己風格同路線嘅歌手 當市場上都有一二線歌手確立到明顯形象 好易被淘汰
尤其 ...
hehemamama 發表於 2015-3-26 11:17

經過今次呢隻碟，佢係音樂上，已經超越祖兒成條街

dongbb2332

經過今次呢隻碟，佢係音樂上，已經超越祖兒成條街
我等我在 發表於 2015-3-26 22:29

呢句真係...我要比1000000萬個LIKE!!!!!!!!!!

Kyle_

希望阿霏將來既成就可以超越阿菲