【是的，我們曾不和】傅穎突自揭遭Cookies某成員抹黑排擠

本帖最後由 Kyle_ 於 2015-4-17 16:20 編輯

昔日嘅女子組合Cookies，即使解散咗，都是非多多，始終都係一班女仔嘛，o依家呢個年紀都開始結婚，好似退出嘅成員何綺玲（Elaine）同蒲茜兒（Serena）已經嫁咗做人妻，不過咁啱得咁橋，佢兩個結婚有請餅碎去飲，唯獨就係冇請最近傳出嫁內地富二代嘅舊成員傅穎(Theresa)。

日前Theresa自己喺微博貼咗隻手戴巨鑽嘅相，咪就係惹來各方猜測，仲有周刊去追訪傅媽媽，當時Theresa受訪表示:「其實都嚇到媽咪，突然有人影佢相。」每次Cookies成員結婚都冇請佢，其實交情唔深就一定嘅，不過Theresa今日突然開咗個新浪博客寫咗篇文，除咗承認同Cookies一班成員冇聯絡，又話每次Cookies有咩事又搵佢回應冇乜意義，仲間接承認以前Cookies內部的確係有「分黨分派」，佢仲被排擠，節錄如下:

「近幾年，我已經無心再為一些假新聞和假消息作回應了，因為我明白到，無論我怎樣解釋也是徒然。當別人帶著有色眼鏡看你，你在別人心中便有了一個既定形象，然後你說甚麼都會給你加上語氣助詞，做甚麼都會給你加上目的。」

關於結婚報道:

「這並不是我第一次被揑造新聞，我還好，但騷擾到我家人，就很不好。如果是你的親人被騷擾，你會怎麼樣？」
「我並沒有秘婚，也還沒有結婚，戒指是戲裏的道具。」
「這麼多年了，關於我的新聞總要問十多年前的組合成員作回應。坦白說，我們確實很多年沒聯繫，相信我們彼此也不太清楚對方現在的為人和生活。除了在她們生日和結婚時我有送上祝福，其他時候我們並沒聯繫。找跟當事人沒交流的人作回應，好像沒有什麼意義。就如同每次她們出新聞時問我回應，我除了站在保護她們的立場去回答，個中因由我確實不瞭解。」

關於前隊友：
「很遺憾我跟她們沒變成知心好友，對上一次真正的溝通應該是2012年吳雨霏辦演唱會的時候，被邀請時我也感到很高興，也很希望能夠參與其中，當時她們更對我的顧慮作出保證：不會有人在那時候向媒體對我作出言語上的攻擊。可惜當下我在台灣拍攝電視劇，實在分身無術。」

「後來前隊友在專訪裏也有說到我們以前分黨分派的來龍去脈，我被問及時沒多作解釋和回應，因為我覺的那些已經是很多年前的事了，現在大家各有各的工作和生活，實在沒必要再提。但事實說明，有些事情，不明說反而讓人惦記。所以這一次，我不希望借別人的嘴巴，也不希望借別人的筆，就想簡單的回應這一次。」

「是的，那時候被排擠了，所以我們的關係一直沒有很親密。關於排擠，是抹黑也好，誤會也罷，那段不愉快的時間都已經過去了，而且也過去很久了。現在我們都長大了，有些更成家了，就算私下我們沒有交集，我也希望她們每一位都幸福安好。至此以後，有關於我們不和的實情，不用再旁敲側擊了。是的，我們曾不和，現在也不熟，可我們不是敵人。」

source: http://hk.apple.nextmedia.com/enews/realtime/20150416/53639766

--------------------------------------------------------------------
之前都已經好好奇, 自從佢地單飛, 到後來各自離開金牌時,
點解好似成日都唔見Theresa同其他餅碎有任何聯繫同同場咁

原來當年話佢地不和係堅既....睇黎當年Theresa同stephy 真係爭隊長

更估唔到Theresa竟然係哩個時候爆哂seed....

至於cm天后阿霏, 可能佢年齡較細, 被人照顧多,
好似冇點見佢同其他成員有不和
反之仲好似幾fd咁

Kyle_

金牌會員

Rank: 6 Rank: 6

積分: 4675
貢獻: 504
參與: 4171

2^#

發表於 2015-4-17 16:17 | 只看該作者

其他相關新聞:
【餅碎結婚】傅穎冇被邀請 Stephy：又唔係我結婚！

至於噚日個婚禮，Cookies唔齊人喎，Stephy都話:「係其中五個齊咗。」點解唔請傅穎Theresa、要佢一個人喺ig晒微罅咁陰公？佢就話:「又唔係我結婚，我都唔知佢有冇請佢(傅穎)。所以我哋只係約圍內幾個。」又話:「唔好再話我哋不和啲嘢，講咗好耐，唔想影響大家，大家都唔想回應。」

咁驚唔驚下次見面尷尬？Stephy謂:「咁又唔會，真係咁耐都冇見過，亦都冇一齊做嘢。唔想越講越複雜，一旦答咗又令人誤會。」佢又坦言冇再同Theresa聯絡:「真係冇聯絡，睇報道知對方成日唔喺香港。」

【同Angela唔妥到出面】傅穎自爆俾餅女指住嚟鬧

突然「被結婚」嘅傅穎，今午突然於微博貼長文，一則澄清冇秘婚，同時亦交代佢同餅女Cookies眾成員之關係，傅穎更寫道，對上一次真正溝通應該係2012年吳雨霏開演唱會，當時眾成員更對佢作出保證：「不會有人在那時候向媒體對我作出言語上的攻擊」，究竟呢個「有人」係邊個？好自然令人聯想到，就係以「舊同事」形容傅穎嘅Angela區文詩。

去年7月，傅穎接受周刊專訪時，已曾大談同眾餅女關係。當時九餅時代嘅Cookies，已略聞分黨分派；到四餅，不和傳聞更不脛而走。四餅之一楊愛瑾(Miki)更直言佢哋同傅穎「冇偈傾」到好出面，傅穎憶述一次九餅時代一齊拍網劇 :「我哋喺一架雙層巴士上，突然間其中一個隊員走過來指住我鬧。內容、有冇講粗口，我已經忘記，當時我好surprise。後來我問另外一個隊員點解佢會咁樣鬧我？佢話因為某人話我咁樣咁樣，於是謠言四起，我話：『我真係冇呢啲咁嘅嘢！』」

到四餅年代，又一次，傅穎話:「有一個畫面係我哋四個出席活動，佢三個唔講嘢，但又笑得好開心。或者如Miki所講，我要求很高，對自己嘅鞭策好嚴謹，所以都會俾身邊人帶來壓力。」

傅穎同Mike、Kary吳雨霏都有偈傾，至於同Stephy鄧麗欣，大多都係當年因為兩人經常被比較，自自然然就傳不和。但傅穎同區文詩，似乎真係唔妥到出面。

去年區文詩生日，被問到沒有邀請傅穎出席生日派對，區文詩話：「唔會因為外間點睇而請自己唔想請嘅人。」傅穎接受訪問時講起區文詩，就話:「我真係唔知道原因，不如你幫我問問佢。有時聽收音機，佢喺節目偶爾都會提及我，又會講一、兩句唔太好嘅說話。雖然我不明白原因，但我都希望佢好。」又笑言:「呢十多年來，佢一直都沒有忘記過我，我依然喺佢心中……哈哈！」

all source from apple daily

Hanson 發短消息加為好友 Hanson 當前離線帖子 2230 積分 1362 貢獻 488 參與 874 AP 0 最後登錄 2023-9-29 禁止訪問積分 1362 貢獻 488 參與 874	23^# 發表於 2015-4-17 22:28 \| 只看該作者提示: 作者被禁止或刪除內容自動屏蔽
	簽名被屏蔽
	TOP

【是的，我們曾不和】傅穎突自揭 遭Cookies某成員抹黑排擠

[收藏此主題] [關注此主題的新回復]

[通過 QQ、MSN 分享給朋友]

【是的，我們曾不和】傅穎突自揭遭Cookies某成員抹黑排擠