李克勤收六百萬人民幣參加《蒙面歌王》首集即奪冠

李克勤代表香港參加內地歌唱節目《蒙面歌王》，他以張學友的金曲出戰，獲贊唱得比原唱更動聽！他不負眾望，當晚憑出色唱功贏得歌王寶座，一度感動得眼泛淚光！

過往有不少香港歌手參加內地歌唱比賽節目，如GEM、古巨基及泳兒等，今次輪到同是唱得之人的李克勤唱出香港！本報早前獨家披露他以天價600萬人民幣（約750萬港元）代表香港出戰江蘇衞視由韓國購入版權的《蒙面歌王》，首集前晚播出，克勤成為該集冠軍，贏得「歌王」美譽！

當晚共有6位歌手分兩輪作賽，每輪由300名現場觀眾票選賽果，並由伊能靜及巫啟賢等擔任評審團。

「比學友更動聽」
克勤以全白造型登場，戴白色面具的他外號「白梭鏡」，選唱陳奕迅的《富士山下》及張學友的《忘記你我做不到》。唱《富》曲時，評審團一聽便知道他是香港歌手，指他有李克勤的味道，亦有評審猜他是古巨基或許志安，唱至《忘》曲時，評審團之一的戴軍更激讚他唱得比歌神學友更動聽！到最終投票時，克勤獲得122票，以20票擊敗102票的第2名，成為首集冠軍！

身為贏家的克勤最後揭開面具展現廬山真面目，他笑到四萬咁口，又一度感動得眼濕濕，笑言唱了30年歌都未曾如此緊張。由於只有冠軍才可揭開面具，不少網友都猜測首集的其他參賽者包括內地歌手孫楠及丁當等。由於每集冠軍都可以直接進身第2輪複賽，據知下集將由曹格頂替克勤。另外，據知第2集由丁當勝出，第3集則由孫楠勝出，所以克勤將會與丁當及孫楠等爭奪最終「歌王」寶座！

譚詠麟：為港人爭光
克勤受訪時透露曾猶豫是否參賽，由於是次可蒙面參賽有新鮮感，終下定決心參賽，亦想藉此為兒子樹立榜樣：「等佢知道呢個世界充滿競爭，凡事都要盡力做先會有成果！不過都會同佢講比賽輸贏唔係問題，最重要係有冇盡力！」提到得獎時眼泛淚光，他指觀眾得悉其身份後即合唱他的名曲《紅日》，出乎他意料之外。

首集播出後，克勤表示會向經驗豐富的校長譚詠麟問意見，校長昨晚出席活動時透露有留意克勤的表現，更大讚他為港人爭光！

------------------------------------------

歌手李克勤最近代表香港出戰內地人氣歌唱節目《蒙面歌王》，仲喺第一集就勇奪冠軍，為港爭光！咁威威豬，作為香港人嘅大家梗係要即刻上網睇番克勤出色嘅表現喇，意外嘅系，一眾評判嘅表現仲出色呀！

戴住面具嘅克勤喺比賽度先唱出陳奕迅嘅《富士山下》，當時評判巫啟賢就話：「他有李克勤的味道，但他肯定不是。」而伊能靜就答咗句：「他肯定不是，他比李克勤年青。」內地評判戴軍仲拎埋個望遠鏡出嚟睇，睇完之後仲搖搖頭，話畀大家知佢真係睇唔出究竟系邊個，直到克勤唱完佢哋都係「認」唔到。

去到第二首歌，今次就唱張學友嘅《忘記你我做不到》，五個評判狂贊克勤唱得好，戴軍就覺得系「李克勤與古巨基之間」話：「我都想不到哪個男歌手唱得那麼好！」巫啟賢仲講咗句：「又有點張學友嘅味道。」戴軍就回應話：「比學友唱得好！」贊到克勤天上有地下無咁滯！

克勤真係咁難認？

節目出街之後，引嚟香港網民瘋狂轉載，兼瘋狂留言話無可能認唔到嗰個就係克勤，仲大鬧班評判表情同說話都超誇張，根本就一早知道系李克勤，但係就扮出一個「o翕到口唇邊」嘅樣，講得出古巨基同許志安，都認唔到系克勤係無可能嘅事。加上，克勤不停咁使出自己嘅「招牌震音」，點會認唔出系佢！有網民仲話，李克勤嗰種「潮中帶娘」嘅颱風，系絕對化咗灰都認得出佢咁話。

網民又大爆其實巫啟賢同克勤差唔多時間出道，巫啟賢仲幫過佢寫過首歌叫《沒有你贏了世界又如何》，所以網民都鬧爆佢扮嘢。而幾位評判都一路聽一路跟住唱，網民就狠批佢哋唔專業同阻住觀眾聽歌，對此伊能靜就喺微博致歉話唔知聲音會播出嚟，仲話下次唔會，連佢自己都話：「表情做足！但木（沒）有聲音～～～哈哈～～」嗱！佢自己講架！「表情做足」呀！唔通佢哋啲表情真係「做（造）」出嚟嘅！

另外，克勤拎冠軍嘅時候就喜極而泣，但係網民就唔多buy，仲話佢連「最受歡迎男歌星」都拎過，依家只係成為當中一集嘅冠軍，都未到總決賽就喊成咁，有啲造作咁話呀！

網民有話兒：

Mxxxxda Wxxg：佢把聲好易認喎
Sxxxxen Cxxu：點會認唔到。。。。克勤都交足戲咁激動
Cxxxx Cxxn：一聽把聲第一粒音都知系佢啦！
Axxxe Lx：拜託...一听就知是李克勤，評審好假...=.=\"
Cxxxxb Txx 認真就輸了
Pexxx Mxxxx Txx：香港歌手... 根本無人似李克勤... 樣冇似... 聲冇似... 李思捷都扮唔到似... 點會認唔出呀... 評判太假了吧... 而且聽歌就唔好伴唱啦... 評判...
Exxxx Txxg：戴面具「認唔到邊個」，我以為只（只）有《寵物小精靈》入面鋪鋪都認唔出火箭兵團嘅小智。餵大佬你哋成班專業歌手嚟嘎（架），點會認唔出歌手把聲同唱腔，要扮蟹夾戲都專業少少啦，好無？

rubylovessss

論壇元老

Rank: 7 Rank: 7 Rank: 7

積分: 13065
貢獻: 217
參與: 12848

2^#

發表於 2015-7-28 00:28 | 只看該作者

送禮勤唔係無人識嘛咁都認唔出

李克勤收六百萬人民幣參加《蒙面歌王》 首集即奪冠

[收藏此主題] [關注此主題的新回復]

[通過 QQ、MSN 分享給朋友]

李克勤收六百萬人民幣參加《蒙面歌王》首集即奪冠