環球歌手被通知唔使出席無綫騷 Kelly承認：有啲拗撬

環球同TVB又仲咩?

咁以後都係搵星夢英皇歌手算啦

http://hk.apple.nextmedia.com/enews/realtime/20150805/54054380

有報道指大台先前邀請咗環球唱片，派歌手演出《星光熠熠耀保良》，到上月底又通知歌手不用出席，報道指係因為余詠珊背後「操控」云云。

Kelly今日被問及環球歌手是否突然被無綫通知不用出席時，承認確實有此事，又話感到可惜未能獻唱新歌。問到對方有冇解釋原因？佢話：「有啲拗撬，咩原因就唔知，不嬲關係都唔係咁好。」

談到有指係環球歌手未有簽歌星合約，佢話：「我都冇簽好多年，之前都好咗啲，我都有上去唱歌，咩原因真係唔知。」由於只係一晚演出，所以Kelly表示唔會對工作有太大影響。

無綫反口拒Kelly吳雨霏演出
環球高層：冇理由咁兒嬉

http://hk.apple.nextmedia.com/enews/realtime/20150805/54055451

近年無綫綜藝節目收視插水，有報道話無綫嚟緊搞《星光熠熠耀保良》節目，搵咗環球歌手陳慧琳、吳雨霏等助陣，點知演出前，無綫高層余詠珊反口，下令踢走晒所有環球歌手冇份演出，有指原因係環球歌手唔肯簽歌星合約，年尾勁歌頒獎禮又唔撐場，冇理由搵佢哋做大騷。

本報向環球助理總經理譚先生求證，佢接受電話訪問承認：「兩個月前，無綫問我哋有冇人做保良？公司覺得冇問題，無綫就話想搵李克勤、陳奕迅、陳慧琳（Kelly）、關楚耀、吳雨霏（Kary）、Mr.，陳慧琳有新歌同年尾開騷，公司度咗Kelly、盧冠廷、Kary嘅檔期，陳奕迅同李克勤檔期就唔得，公司仲提議Kelly同Kary做一part，一直研究唱乜歌，盧冠廷就同Robynn & Kendy，但2星期前收到無綫電話：『Sorry！演出名額滿晒，今次大家合作唔到，下次再合作。』」

譚先生話好奇怪係呢個原因：「冇理由咁兒嬉，覺得好奇怪，公司之前同歌手度期，都要同佢哋嘅經理人交代。」問原因係咪唔玩勁歌頒獎禮？譚生承認：「唔知，第一回優秀選的確冇出席，公司今年都冇玩頒獎禮，但《勁歌》就照上，奇怪點解係呢個答案，一個都冇得留低。」

會否影響以後同無綫合作？佢話：「講真唔會反面乜都唔做，但會問清楚係咪真係落實，下次加倍小心。」