張敬軒忍唔住叫停抽水李逸朗反擊：怕你爆血管

Don今日就喺fb就反擊返。(網上圖片)

就係呢張同Mandy嘅合照，Don話自己當兵，仲拍埋片抽自己水。(網上圖片)

李逸朗(Don)早前將同舊拍檔蔣雅文(Mandy)影嘅合照放上自己嘅fb，跟住仲上「毛記電視」拍片話自己「Don兵十年」，結果引嚟張敬軒都喺佢自己fb叫Don收手:「逸朗兄，收手啦。」

喺今日，Don就喺自己個fb度大呻，話簡單嘅一張合照，點解大家會聯想到咁多嘢:「我都唔明，簡單一張合照，幾年冇見做個紀念，加上大家都識嘅4隻中文字，點解大家可以聯想到咁多嘢！？唔通，一個歌手開音樂會唔應該請嘉賓？唔應該有觀眾？一個演員拍電影應該改哂個原裝劇本？由喜劇改到變文藝片先可以接？又還是，去100毛做個節目，我應該抹殺掉現在年輕人的幽默創意，見到份稿之後拍抬走返屋企？我唔明，不如你地教我丫(呀)。我做嘢，喺唔人身攻擊嘅前提下我玩到好盡，如果唔認同我做法，求你唔好follow我所有news，因為我怕你爆血管(出自真心同關心)。我亦從來唔鍾意解釋，因為愛我嘅人唔會需要我解釋，唔愛我嘅解釋都多餘。我係咁㗎啦，改唔到嘅，多謝。」

又好有道理咁喎!

【don兵】得罪很多人

o依家做藝人，唔單止要有聲色藝，仲要有公關，但係都仲係唔夠o架，仲要抽水夠快，真係有機會抽抽下水，曝光率激增。

好似李逸朗(Don)咁，由內地回歸香港娛樂圈至今，由於其訪問時態度同對應同以往有好大分別，當時已有高登仔笑言，Don係因為得唔到女神Mandy(蔣雅文)搞到咁，Don同Mandy以前以情侶組合姿態拍過唔少嘢，不過後來Mandy淡出香港，移居台灣開店仲嫁埋人，所以高登仔先會有咁嘅反應。

Mandy早前回港搞限定店，好多高登仔都直言話Don嘅機會嚟喇!雖然呢個想法只係高登仔嘅一廂情願，但Don一於「成人之美」，真係走咗去Mandy間舖同佢合照之餘，仲po上fb寫住「七年之約」，之後，仲上埋「100毛」瘋狂自抽，直認「Don兵」話:「係100毛我先會陪你咁玩」，實行玩到盡，但此舉惹來好多Mandy粉絲不滿。

有人喺fb質問佢:「尊重Mandy等於俾翻少少尊嚴你自己啦！連嗰少少尊嚴都唔要..可想而知你有幾唔要面..翻去當兵啦你」

阿Don今日喺fb打咗一大段嘢:「我都唔明，簡單一張合照，幾年冇見做個紀念，加上大家都識嘅4隻中文字，點解大家可以聯想到咁多嘢！？唔通，一個歌手開音樂會唔應該請嘉賓？唔應該有觀眾？一個演員拍電影應該改哂個原裝劇本？由喜劇改到變文藝片先可以接？又還是，去100毛做個節目，我應該抹殺掉現在年輕人的幽默創意，見到份稿之後拍抬走返屋企？我唔明，不如你地教我丫。我做嘢，喺唔人身攻擊嘅前提下我玩到好盡，如果唔認同我做法，求你唔好follow我所有news，因為我怕你爆血管(出自真心同關心)。我亦從來唔鍾意解釋，因為愛我嘅人唔會需要我解釋，唔愛我嘅解釋都多餘。我係咁㗎啦，改唔到嘅，多謝。」

網民繼續狙擊:「咁但係你有無顧及到蔣雅文嘅感受嘞，蔣雅文想同你一起玩咩，會同你一樣咁中意博上位咩，你用你個腦霖下你自己做得岩唔岩啦，咩七年之約，你咁寫擺到明想令人誤會啦，有約定先叫七年之約啊，你同佢都好耐無聯繫啦，你咁叫一廂情願啊。難道你真係唔覺得你騷擾緊佢嘅正常生活？可笑，你自己反省下啦！」

Don就繼續回應: 「想問下，我地離開舊公司時約定過要為生活好好打拼，為自己爭氣算唔算約定？駛唔駛同你交代？你講得咁有道理，不如你又講下張相應該寫咩先啱大家心水呢？」

今次真係口同鼻拗，相信要Mandy走出嚟回應一下，啲網民先會平息怒火。

惹來好多Mandy粉絲不滿 (李逸朗fb圖片)