Dear Jane主音Tim疑當眾勃起 台上激凸有前科
2003年港姐亞軍楊洛婷(Rabeea)於2014年離巢TVB,同年12月嫁畀樂隊Dear Jane主音黃天翱(Tim),婚後誕下大女Tanya及細仔Tristan。二人已結婚8年,人前人後都好恩愛。日前Rabeea同老公夫妻檔出席活動,Tim攬住老婆嘅時候疑似出現生理反應,結婚咁多年都仲係咁,真係好難得!
Rabeea同老公Tim盛裝出席活動,Rabeea著上希臘風嘅白色掛頸背心長裙,仙氣得嚟又索,而Tim則著上深藍色西裝加煲呔。Rabeea post出同老公嘅短片同合照,留言:「His Boss is back! (佢老闆返咗嚟!)」其中一張相,Rabeea同Tim深情對望,近到幾乎啜啜到,而Tim右手就輕摟老婆臀部,左手插袋,畫面有愛又有型!著上合身西褲嘅Tim,仲疑似勃起,褲襠對上位置一泡突起,非常雄武!
其實小Tim之前都試過出其不意咁出嚟say hi!2019年Tim著上皮褲出席叱咤頒獎禮,當佢上台時,下身竟有「動L」,成為全場焦點。Tim事後喺慶功宴上尷尬回應:「因為諗起老婆(楊洛婷)啫,呢排成日做gym,泵咗啲蛋白質出嚟。」Tim又話老婆都有問係咪諗起自己。當時大家提議佢同陳柏宇可以組「激凸」樂隊,佢就話:「咁全場女性應該流鼻血,但我唔會因為咁而唔著皮褲!」Rabeea第二日都喺IG留言取笑老公:「雖然台上佢無多謝我,但係見到佢呢個反應,我已經好滿足!老公,你好勁呀!」
不過Rabeea同Tim都曾經鬧出「婚變」小風波,上年Rabeea突然於IG出Story:「MY HUSBAND CHEATED ON ME!(我老公對我不忠)」。仲Tag埋老公嘅社交平台帳號。雖然冇耐之後佢已經Delete咗限時動態,但好多人都戥Rabeea不值,感嘆Tim「佢咁正都偷食」,不過事後Rabeea解釋Tim「外遇」對象係「地表最強小三」囡囡,虛驚一場。
Link |