Janice - Love And Other Things 專輯實體館

喇呢個唔是碟評，介紹一下Janice出碟既一個小搞作「Love And Other Things 專輯實體館」。

專輯實體館，就係結集Janice過去畫既作品，作一個展覽再加佢既文字同聲音介紹每個作品，透過畫作同音樂更加去了解呢個歌手。
個場地唔算太大，小小Visual 再加片同文字影像都夠一個下午去睇既。

畫之外都有野比樂迷帶走，就係小小既Postcard。大會幾有心思既係安排左個郵筒，等入場既朋友可以即時寫Postcard，仲講明Janice會幫你寄出呢D postcard比你既朋友。呢個舉動幾有心思，一黎可以比偶像去寄自己既Postcard，二黎唔寄的話樂迷可以收藏佢既畫作，係加分既。 PS: 仲要唔洗錢架

再講，歌手要係展覽出場唔係必現，但我去果陣Janice係現場，入去果陣仲心諗點解排咁耐。原來係合照同簽名。
呢個合照簽名真係唔簡單，Janice好親切咁去認識每一個入場既朋友，最估唔到既係華納同大會員工唔趕，仲每一個送左一張即影即有比入場朋友。
即影即有唔係咩錢，但睇得出公司好重視呢個Project，歌者亦好用心去同入場既朋友交流。講音樂講畫作都可以，甚至歌者仲會幫樂迷祈禱，呢個舉動我真心動感左。

時代唔同左，出歌出片已經唔同以前。其實作品減少已經令一班唱歌好差既人out走左。留得落黎既一係好有錢一係好有心既人去做音樂。

音樂作品少有少做，每年幾隻Single兩年集結成唱片已經成為潮流，但都可以做得好有心思。有方皓玟係小店搞簽唱會同樂迷近距離接觸，亦有王菀之集結三年作品再加相集畫作搞展覽，近距離作舞台劇演出，今次Janice亦放下身段同樂迷接觸。唔再靠商場大公司去做所謂既簽名活動，反而咁樣仲好親切地同樂迷交流。

出碟出歌有好多方法，有心做既其實仲有好多人。即使隻碟打歌打左兩年，有K歌有港女歌都好，都可以好有心思地去將自身感受同人Share，而唔係等左你兩年就淨係得一隻好冷冰冰既Single Collection，相比之下Janice 呢隻碟既處理手法溫暖得多。

ps :希望黎緊許廷鏗既新唱片會有更多新鮮既方法去介紹比樂迷

#Janice Vidal 衛蘭
#華納唱片
#LoveAndOtherThings #專輯實體館
#新碟 #Postcard #畫作 #簽名會 #即影即有