Cool Music Forum - Powered by Discuz! Board

標題: Edan認與床哥通話姜濤：唔係一句講笑就可以冇事 [打印本頁]

作者: losyes 時間: 2024-11-27 19:50 標題: Edan認與床哥通話姜濤：唔係一句講笑就可以冇事

男團MIRROR、COLLAR、ERROR、ROVER、P1X3L、陳健安及小塵埃，將於12月20日假啟德體藝館，分別跟泰國樂團及組合，還有泰國天后BOWKYLION作Crossover演出，今日（27）號舉行記者會公布詳情，而現場數百鏡粉逼爆商場，其中Anson Lo，Edan及Ian的粉紛霸正記者會兩旁的最佳位置，姜濤的粉絲主要分遍在樓上3層樓。

談及周殷廷（YT）組合JFYT成員「床哥」在網上開Live，為打入叱咤「我最喜愛的組合」5強拉票時，表示Edan粉絲「爵屎」為偶像拉票期間，Edan卻飛到台灣與緋聞女友林明禎行夜市，所以Edan流失的票數，歡迎投YT和JFYT，又說：「如果真的可以上台拿獎，第一個要多謝保錡，第二個要多謝Edan。」有暗寸Edan拍拖及有明抽水之嫌，而姜濤則代隊友反擊留言：「無品」。

問到Edan被「床哥」抽乾水未？他表示：「未，仲好水潤。呢件事，我首先要多謝姜濤先，佢想保護我，我覺得好Sweet嘅。」他亦有留意JFYT，並大讚：「佢哋有佢哋特色同風格，我都有睇床哥一啲片同發言，譬如佢同游學修傾偈，我哋冇交雜，但認識佢個人，佢畀我印象係好有諗法同聰明，我相信佢言論唔係有惡意，都係開吓玩笑。just for fun，但當然有啲時間開玩笑可能會影響到其他人或者會過咗火，最重要係大家互相尊重。我覺得大家都唔想無啦啦挑起不必要嘅紛爭，冇必要製造到一個好對立嘅情況，做呢行都係想帶啲歡樂畀觀眾呀。（講到你唔專心工作，對你唔公平？）我想澄清工作對我嚟講係首位，我唔會畀人影響到我工作，我對工作都係100%投入同對待。」

問覺得開玩笑玩得太大？他就覺得：「開玩笑嘅拿捏程度冇諗咁多，或者佢哋一般嘅風格都係咁。」Edan又指和YT是朋友，所以已傳訊息關心他，又說：「YT話睇到啲嘢，如果影響到你唔好意思，佢幫我了解吓。其實我都有同YT同床哥用電話傾吓偈同了解吓發生咩事，交流吓啲諗法，大家男人咪傾吓囉，完全了解到佢哋唔係惡意，希望呢件事唔好繼續畀佢去發酵，引起更大爭執所以之後唔會啦。」

問到是否因傾過而令床哥在「跪低」在網上公開道歉？Edan重申「冇呢件事」，只是表達大家想法，純粹成年人成熟溝通，希望日後大家互相尊重。又說要借機會向「爵屎」說：「近期可能過得辛苦，聽到好多唔同聲音，我好感謝佢哋，無論拉票或各方面，佢哋都好為我好，同好努力為我付出。我感受到，我知道，我都好多嘢想同佢哋講，睇吓有冇好嘅Timing ，但我一定用我好作品同工作報答佢哋囉，希望大家等我。」

另外，姜濤公開大鬧床哥「冇品」，他說：「首先我想講番尊重每個單位同音樂人嘅作品，我都尊重每個人喺近年尾用自己方法去為獎項拉票，但我睇到呢段嘢覺得拉票可以，但係咪用呢啲方式爭取就值得討論囉，喺我心目中唔認同，我先講嗰番說話，如果再畀次機會我，我或用啲溫和啲嘅字眼講，我係有小小衝動嘅，可以開玩笑，但我哋係公眾人物，一行一言都受到好多人注視同倣效，我經歷過類似事情，所以我哋講嘅嘢係幾有分量，而佢哋亦係5強嘅單位之一，我就覺得身為公眾人物應將心比己，如果嗰個係你朋友，你會唔會咁講啦，我呢係我初衷，以後再有啲乜嘢都唔再回應，係針對件事同音樂。（依家啲粉絲話將票全投你)，我冇呢個諗法，我唔想大眾覺得呢樣嘢而去留言，我唔想對於係咩人設或風格，都唔應該咁容易去評論一個人。」

再問到Ian在12子中成為唯一一位打入「勁爆男歌手」5強成員，可覺得勝數大？他說多謝外界欣賞自己今年的音樂作品，獎項有固然開心，但最開心被關注成長，其音樂帶出的訊息，可覺得自己最叻？他又覺得不應和其他成員比較，各自做音樂各自有身份，不會想比較而是想進步，還預告明年有更多歌可以推出，愈多愈好。

Edan指水仍未被抽乾。

姜濤為隊友Edan發聲獲讚有義氣。

陳卓賢才華洋溢。

Link

姜濤：成年人會對說話負責任
姜濤直言，藝人每句說話都可能有自己的追隨者效彷，所以每句說話都要思考過，「唔係一句講笑就可以冇事。」姜濤認為，可能會有人被那句「講笑」而受到傷害，如果不作回應，不知下次會否有其他事以同樣方法處理。他直言不認同這種做法，認為值得討論。至於床哥之後以模仿自己之前的限動出帖「道歉」，姜濤表示不是在他的思考範圍內，尊重他的每個回應，自己則不會再回應這件事。他認為每個成年人都會對自己的說話負責任，包括他自己。

Edan：周殷廷有表示唔好意思
至於Edan回應時表示，首先多謝姜濤，認為對方是出於想保護他。Edan指平時有留意JFFT，間中亦有看床哥的片段，認為對方是一個很聰明和有想法的人，相信他們不是有惡意，但有時開玩笑都會無意中影響到其他人或過火。「最緊要互相尊重，冇必要引起不必要的紛爭。」Edan又透露，Yan Ting（周殷廷）昨晚都有發訊息表示唔好意思，重申不希望事件發展成對立的層面。

有網民合拼兩篇帖文，發現床哥並非真心致歉，反而再嘲姜濤。

Link

延伸閱讀：
床哥多謝Edan 姜濤留言直斥冇品

作者: boy4dudes 時間: 2024-11-27 21:44

延伸閱讀：
Edan 演唱會棟篤笑被指冇品姜濤發文表示接受了道歉即引無限揣測

其實 Edan 同 JFFT 大家都一樣冇品, 姜b五強最後投票時期撐冇品 Edan 扮正義想搶教主票? What a 心機 boy

作者: ~蛋撻~ 時間: 2024-11-27 22:20

周殷廷梗係唔想對證立啦，一個公關最怕就係關公，假如被姜糖針咗，就浪費曬過去幾年努力。
BTW我投早咗投咗佢，如果係今日先投就一定唔會投佢，寧願唔投，反正5個都唔值

作者: LushKillYourMus 時間: 2024-11-27 22:42

佢地啲歌無好聽左
係咁

作者: kwanie 時間: 2024-11-27 22:44

男同組呢堆有幾多今年嘅歌係真係好聽丫
係IAN 叫好少少咋嘛

其他嘢就唔講啦
一張白紙入嚟玩呢個遊戲就必死無疑嘅

作者: Willjohnson 時間: 2024-11-28 01:03

男同組呢堆有幾多今年嘅歌係真係好聽丫
係IAN 叫好少少咋嘛

其他嘢就唔講啦
一張白紙入嚟玩呢個遊戲就必死 ...
kwanie 發表於 2024-11-27 22:44

Agreed

作者: 米色蘇 時間: 2024-11-28 03:03

原來要對抗到鏡安法呢樣嘢只可以做爛仔，做君子係行唔通

作者: 1d14 時間: 2024-11-28 11:07

叱咤頒獎禮咁就贏左，成功製造noise，又躺著贏

作者: siuhei.areyou 時間: 2024-11-28 13:42

何紀秋最冇品收左華納巨額金錢但谷唔到蕃薯女金

作者: kwanie 時間: 2024-11-28 13:46

原來要對抗到鏡安法呢樣嘢只可以做爛仔，做君子係行唔通
米色蘇發表於 28/11/2024 03:03

要同班C9 打係咁上下

作者: FY5856 時間: 2024-11-28 15:54

何紀秋最冇品收左華納巨額金錢但谷唔到蕃薯女金
siuhei.areyou 發表於 2024-11-28 13:42

舊年已經拎左女金啦，噪音女金/瑕疵女金呀嗎

作者: LushKillYourMus 時間: 2024-11-28 20:21

原來要對抗到鏡安法呢樣嘢只可以做爛仔，做君子係行唔通
米色蘇發表於 2024-11-28 03:03

其實掃掃掃後大家何嘗唔係做左爛仔發泄咩
不過依個爛仔就快做到「世上只可以有佢自己一個爛仔」嗰個vibe
隨時令903以後自己跳左2024

作者: Serendipity 時間: 2024-11-28 21:15

東網繼承咗照妖鏡？做乜影到姜濤Ian咁嘅樣？

作者: siuhei.areyou 時間: 2024-11-29 11:52

東網繼承咗照妖鏡？做乜影到姜濤Ian咁嘅樣？
Serendipity 發表於 2024-11-28 21:15

生得唔靚點影都係醜

作者: hkbaby 時間: 2024-11-29 23:41

東網繼承咗照妖鏡？做乜影到姜濤Ian咁嘅樣？
Serendipity 發表於 2024-11-28 21:15

個鏡頭比較寫實

無添加

作者: agafan4ever 時間: 2024-11-30 00:08

何紀秋最冇品收左華納巨額金錢但谷唔到蕃薯女金
siuhei.areyou 發表於 2024-11-28 13:42

上年咪女金咗囉，盲反

作者: agafan4ever 時間: 2024-11-30 00:13

本帖最後由 agafan4ever 於 2024-11-30 00:17 編輯

舊年已經拎左女金啦，噪音女金/瑕疵女金呀嗎
FY5856 發表於 2024-11-28 15:54

舊年仲有個噪音女銀添(傑作:Dum Dum)，今年仲想做埋史上最娘最無聲氣女金LMAO

歡迎光臨 Cool Music Forum (http://www.cmusichart.com/discuz/)