Cool Music Forum - Powered by Discuz! Board

標題: 姜濤向床哥道歉：佢接唔接受我都尊重 [打印本頁]

作者: losyes 時間: 2024-11-28 20:59 標題: 姜濤向床哥道歉：佢接唔接受我都尊重

本帖最後由 losyes 於 2024-11-28 21:02 編輯

床哥@JFYT昨晚（28日）直播，就「抽水事件」回應，提到與Edan（呂爵安）有開玩笑共識，但暗串姜濤「衝出嚟」。

Edan、姜濤、Anson Lo 、Lokman 、AK、陳卓賢今晚（28日）現身時裝盛典。Edan 再就事件開腔，他表示立場一直以「大事化小，息事寧人」為主，而自己亦有釋出善意，但床哥如何回應是他個人選擇，所以無得判斷對與錯。「佢同我立場有少少唔同，未達成共識，係有少少可惜。」Edan又向對方表示「唔好搞大件事」，床哥亦有收到，但他認為無得強迫對方做任何事。

姜濤表示見到需要出聲嘅地方都會出聲，而他亦有睇晒床哥直播。「我會更加了解我哋之間嘅嘢，佢覺得開玩笑啫，無做成傷害，但而家有，我哋承認佢係無惡意，以後大家將心比己，要尊重所有人。佢覺得我講冇品佢會唔舒服，對唔住，如果俾我揀多次，我會用溫和啲嘅字眼，我已經道咗歉，佢接唔接受，我都尊重佢，佢道唔道歉都係佢嘅選擇。」

Link

JFFT連同YT開live回應事件，YT首先表示已跟Edan道歉，床哥解釋指上星期落區拉票親見很多爵屎，才有感而發，絕非「老屈」或抺黑，強調：「已經脫粉嘅，可以投我哋。我直播咩人都會講，唔會因為係MIRROR而唔講，當時只係好輕咁提吓，大約一分鐘，但就被人cap出嚟做文章。」床哥表示已透過YT親自與Edan溝通，大家都知是講笑：「我同Edan其實係OK，有個共識，大家係玩吓。我甚至有邀請佢遲啲上嚟直播。」他再三強調絕無惡意：「我完全唔係惡意攻擊，只係客觀陳述事實，我都保持住中立態度。我真係冇惡意，真係冇惡意。」

對於姜濤留言「冇品」，床哥以行動表示不認同，在名號加上「有品」二字，他續說：「之後突然有位師兄，我懷疑佢未了解、唔知頭唔知路。我有睇佢今日個訪問，個訪問佢講大家可以了解多啲先，其實呢句說話，可以用返落佢自己度。佢冇了解、冇同隊友溝通，（只講）一句『冇品』。因為呢句，已經令事情收拾唔到，一發不可收拾。佢就擺底兩個字，之後完全唔覆，我係咪就要硬食？」同時他分享follower突破10萬的喜訊，寫道：「突破十萬，係一個值得紀念嘅日子，Follow之餘記得投票。」他認為今次打入「叱咤我最喜愛組合」五強，連ERROR都要為MIRROR拉票，正顯示MIRROR並非穩陣奪獎，小組合如JFYT也可造成衝擊，雖然未必一定成功。

最後，床哥跟YT劃清界線，指自己言論與YT無關，擔心影響YT：「我哋JFFT本身口沒遮攔，即使JFFT收皮都唔緊要，只係唔想影響到YT大哥。」拍檔米爺立即拍拍YT，講笑道：「使唔使1月1號即刻宣布，解散JFYT？」YT自言剛剛與MIRROR成員參與903籃球賽，在球場上互為戰友，沒料到事情會鬧大，身為導演和幕後製作人的他表示，曾間接與Edan合作，十分欣賞Edan親力親為，分享Edan鮮為人知的一面：「好多人唔知，佢自己MV係會親自剪埋。」

Link

陳卓賢自認被動內斂

同時Ian感謝大家賞識，獎項是bonus，他說：「我不是衝住獎去做音樂，有人聽我的歌曲及聽到背後信息已開心，今年出了5首歌來講故事，故事已告一段落。（如何為自己拉票？）我好被動和內斂，但衷心感謝粉絲收工後四出為我拉票，未來會默默耕耘，做好自己作為回報。粉絲對我好不是必然，多謝他們陪伴我成長。」

說到JFYT成員「床哥」近日與姜濤和呂爵安的風波，問Ian對事件看法？他說：「我不知此事，我好少玩社交平台，MIRROR昨日（27日）出席活動才知道。每個人有自己觀點和睇法，要互相接受和尊重。」

Link

延伸閱讀：
Edan認與床哥通話姜濤：唔係一句講笑就可以冇事

作者: ~蛋撻~ 時間: 2024-11-28 22:41

點會影響唔到？最衰我早咗投，唔係一定唔投周殷廷（雖然最後都一定係上弦一二贏）

其實真係受夠嗰啲口沒遮攔扮真性情

作者: losyes 時間: 2024-11-28 22:54

宜家有啲想投笑容真係好似樹熊，打排球叻、唱歌又好聽、又識樂器、又靚仔、連喊都得意過人嘅Ian陳卓賢