- 積分
- 9979
- 貢獻
- 642
- 參與
- 9023
|
呢幾日睇咗好多唔同人寫頒獎禮,有感而發想問一大堆問題...
過去係應該懷緬的, 但過去的確過去,過份懷緬風光的日子是否對未來有益處呢?
無可否認梅艷芳、張國榮係巨星,現在的確唔多呢類型巨星出現,但可唔可以俾啲機會去了解新一代歌手呢?例如鄧小巧把聲好靚又唱得,有冇好多人大力去講呢?最討厭聽到的是:「嘩,聽都未聽過,佢係邊個?」現在有咁多平台,youtube又係免費,要search有幾難呢?有冇用心去聽同了解吓現今樂壇呢?亦請苦心自問有幾耐無買過碟同合法下載歌來聽呢?
好,再來,請問邊個敢話容祖兒唔唱得?又點解要嫌棄佢攞咁多年獎呢?年年考第一真係唔得架咩?
評論是要多留意及多看作為日後改進空間,但發現現今的評論多數是做咩都是錯,是否要去到唔做唔錯的局面?亦知道有人會答我,多人睇先多人講,多人講會多人知,但真心知點解要咁做嘅用意又有幾多個會去了解?
好,講返叱咤頒獎禮,有心安排特別啲嘅theme,用心去講解一首歌係點樣誕生,做歌其實係經歷幾多嘢,點知原來有人會覺得咁叫悶,照舊唔變又話無新嘢、無驚喜。請問咩大家先覺得驚喜呢? 評論好易,串啲講:「咁叻,你攪一個頒獎禮來睇吓啦! 失驚無神叫你上台攞獎,無得rehersal同開定聲就要講得獎感受同演唱,又睇吓係咪人人都做到精彩兩字!」
其實點解唔可以欣賞每一個頒獎禮同為歌手攞獎而高興呢?2017年感恩我們仍可以聽到音樂,何不為默默耕耘做好音樂的歌手及一班幕後音樂人仍努力去支持一吓呢?
做人其實係咪可以學習Appreciate 一點呢?令網上世界多點正能量呢?
最後,個人堅鍾意本年度的叱咤台,所以用返台相來為呢段文作一個記錄啦!歡迎大家來友善討論。 |
|