- 積分
- 40433
- 貢獻
- 4789
- 參與
- 31120
|
本帖最後由 chanchan0909 於 2019-5-9 15:32 編輯
朱婷返黎做訪問時都講左 上一年已經規劃定今年唔會出國打
我就覺得正常既
始終土耳其聯賽長 同要打歐冠
...
小糖 發表於 2019-5-9 04:41 明白人 !
我自己一直就諗好嗰方面去諗
原因係我一直相信朱同團隊有計劃
當初朱可以有得揀俱樂部嘅時候 , 佢同 Jenny 都係經過好長時間考慮最後揀左銀行
其實呢兩年無論國家隊定俱樂部 , 佢地都有好多計劃
特別係 Jenny , 成功人士點解成功 , 最關鍵嘅要素係具有長遠眼光以及充足嘅準備
點解最後決定要回國 , 我相信一定有好嘅因素 , 我完全係好放心
我知道佢地一定有 plan 有部署 , 無論佢做咩決定都係好嘅 , 因為我知道佢地一定係考慮得清清楚楚
所以我唔會話係有咩外在因素要令到佢返黎 , 朱話好鍾意歐洲嘅呢種比賽
但以佢嘅性格 , 國家需要佢都會返黎 , 因此就算比佢個人選擇 , 佢都會揀回國
咁可以討論下點解朱要回國呢 , 可能就係其中你講嘅其中一點
土超歐冠時間長 , 另外下季中間仲要加插一個歐洲區資格預選賽
最後完都可能係 4 月中 , 可能國家隊覺得時間唔係好夠
另一個原因可能就係將精力專心於奧運 , 免得喺歐洲為爭取冠軍獎盃而分心
同時就引申出究竟朱嘅水平同狀態嘅穩定性
但其實返黎打較低級數唔代表會影響到水平同狀態嘅穩定
而會唔會對高手嘅技術認知會生疏 , 我認為太片面同唔客觀
因為呢個唔一定係一個必然嘅結果
比如金哥離開費內去上海再去 E 家呢個過程
其實都未因經過上海嘅一年而喺技術上嘅下滑以及對對手嘅認知會生疏
或者阿金喺久光打左兩年 , 喺國家隊嘅能力仍然好突出
呢個好因人而異 , 但從以上兩個例子可看出
其實未必會因為暫離豪門而減弱左個人實力
講完朱方面 , 就講佢國家隊嘅隊友 , 其實都同朱有密切聯繫
首先係 朱喺國家隊同隊友配合 抑或係 唔喺國家隊同隊友配合
其實兩者係無任何衝突
因為無論係咩情況之下教練團嘅指導下都一定會令隊員有所得著
咁點解國家隊會希望朱一齊去同隊友集訓同配合呢
除左可以花時間培養更多默契之外 , 更多嘅係身教
以往朱出國打球 , 佢更多嘅係見識學習 , 拓展眼光 , 加強國際視野 ... 都係以學習嘅心態去交流
過去一年我地可以見到佢更多嘅係他人向朱學習 , 而唔係佢學習
所以佢可以將過往累積嘅經驗用言語或者行動黎傳授比隊友
對於佢班隊員黎講 , 或許會有更為顯著嘅進步
而對於朱黎講可能更係一個新鮮嘅挑戰 , 無論喺場上場下都需要擔當精神領袖
我估計佢地嘅 Plan 比我諗嘅野會更多
但點樣都好我相信佢地係揀左一條對朱同對國家隊都好嘅一條路去行 |
|