chanchan0909

2017 亞洲女排俱樂部錦標賽 今日開賽

中國由天津隊 11 人 , 其中 3 名自由人出戰
其實帶 3 個都唔係問題 , 點解唔用曬 D 名額呢 ... 又唔係唔夠人

日本由久光出戰 , 此前因為久光已經傷左長崗同新鍋
可能出於保護隊員 , 同埋成績唔理想 , 外援合約都到期之下
今次久光係以替補出戰嘅

不過今次嘅比賽仲有 2 隊都係值得留意嘅
一隊係今年泰國聯賽冠軍 Supreme
有眾多泰國國手 , Piyanut , Wilavan , Ajcharaporn , Soraya
另外仲有租借國手 Pleumjit 同埋 Chatchu-on
外援 黎自美國嘅副攻 Chloe 同埋黎自 塞內加爾嘅接應 Fatou 都係值得留意

另一隊係今次比賽嘅東道主 Altay
仲好記得舊年 81 打佢地都打得好辛苦
同玻璃隊都係激戰 5 局先分到勝負
證明佢地都真係有實力
作為今次嘅東道主
為左想拎更好嘅成績
Altay 以短期合約嘅方式買左 塞爾維亞接應 Brakocevic !!!
仲有 塞爾維亞二傳 Radulovic , 加加埋埋呢隊波已經有 6 名外援
有左 Brakocevic 嘅加盟 , 球隊嘅實力一定有提高
而佢喺第一場已經首發出場

聽日將會進行小組賽第 2 場
B 組嘅 久光 同 天津 會喺 18:30 開賽
A 組嘅 Supreme 同 Altay 會喺 21:00 開賽

chanchan0909

竟然買到Brakocevic今晚Supreme 對Altay應該幾好睇
stopzi 發表於 2017-5-26 09:20

Brakocevic 做左媽媽要賺下奶粉錢 佢下個賽季都確定左會轉會去 Kazan
去國家隊打歐預賽無錢賺 我諗 Altay 今次應該出左唔少錢
不過真係幾開心有球會有咁樣嘅舉動 至少可以有翻 D 話題 亞俱賽實在太悶

chanchan0909

日本女排今日開記者會 , 宣佈身披 3 號球衣嘅岩板名奈成為新一屆隊長
恭喜 nana

chanchan0909

2017 亞洲女排俱樂部錦標賽 小組賽 焦點之戰 賽果

05.26 18:30　天津渤海銀行 1 : 3 久光製藥　　　(25:21 25:22 14:25 25:18)
05.26 21:00　Altay 2 : 3 Supreme Chonburi　(21:25 19:25 25:17 25:21 9:15)

chanchan0909

Supreme 險勝
stopzi 發表於 2017-5-27 11:56

尋晚呢場睇左前兩局 , 無睇到 Altay 點樣追返 2 局
不過尋晚呢場 Brakocevic 無上 睇黎留力打淘汰賽

chanchan0909

中國女排因擔心朱婷過於疲勞 決定暫時唔會派朱婷參加國際比賽 直至另行通知

chanchan0909

Jenny同安導應該好心痛
全運會預賽係咁用朱朱 都出唔到線啦
遲下仲要去雲南打排位賽 xx(

聽聞丁霞隻腳 ...
Wonders 發表於 2017-5-27 20:01

其實我覺得用朱朱唔係問題 , 因為無論點都好 , 今年國家隊首要目標係發掘新人 , 咁本身朱朱都唔需要打咁多比賽呢個係肯定嘅 , 去到國家隊我相信都會比佢放長假
個問題係河南嘅媒體同埋官員等人道德綁架朱朱 , 話咩飲水思源係應該 , 又話朱朱唔攰
但其實喺全運會嘅比賽 , 同埋我見到有 D 現場球迷嘅描述 , 好明顯朱朱已經係好攰好攰
另外仲有一樣野想講好耐 , 之前朱朱打完土甲就要即刻返去河南 , 跟住世俱前一日先出發 , 嘩你河南真係夠大牌 , 前一日先肯放人 , 比着我係銀行我就真係無咁大方
而家朱朱無得話事先咩都話好咩都話唔攰 , 明知球隊唔掂都話會有信心拎到好成績 , 又話唔會放棄 , 一個為家鄉出心出力嘅人 , 嗰 D 人竟然利用佢嘅好心黎話佢做嘅野係應該
真係好彩有 Jenny 同教練組有呢個權力 , 無啦啦公布件事應該係向河南施壓 , 既然國家隊都唔敢過度使用朱朱 , 咁河南就更應該珍惜隊員

chanchan0909

仲有亞錦 慘


其實幾慘 分左係死亡之組到
stopzi 發表於 2017-5-28 17:09

有可能全年都唔打國際比賽 , 要視乎河南晉唔晉到級
如果晉唔到就應該會打 大獎賽總決賽 同 大冠軍盃
世預賽對手太弱 , 斐濟 澳洲 中華台北 哈薩克 , 呢 D 對手唔使朱朱去打 , 派二隊拎前兩名基本上都無問題
亞錦賽好似已經唔太重要 , 又唔會計世界排名 , 又唔係大賽資格賽 , 而且係喺大獎賽 Final 幾日之後打 , 分分鐘可以今屆主力唔去 , 派 U23 去都唔定

chanchan0909

2018 FIVB Volleyball Women's World Championship European Qualification (2nd Round)
Date: 23/5 - 5/6
...
stopzi 發表於 2017-5-28 07:40

啱啱睇左捷克同波蘭嘅 set 1 局尾 , set 4 局尾 同埋 set 5
其實波蘭有好多機會 , 但實在太多無厘頭嘅失誤
決勝局領先 8 比 2 , 但最後打左個 1 比 13 , 連續打出界 , 雖然有球快攻打喺界內屬於誤判 , 但係成隊波真係好唔穩定
捷克嘅 Havlickova 雖然實力下滑 , 但關鍵分都係靠得住 決勝局就係佢嘅發球輪由 8 比 2 反超至 8 比 11
捷克出唔出到線要睇埋最後一場 塞隊 VS 波蘭 , 雖然波蘭整體無塞隊好 , 塞隊贏嘅機會非常大 , 不過波蘭 2 位副攻進攻攔網都幾好 , 睇下可唔可以攔得住 Miha 同 Boskovic

chanchan0909

2017 亞洲女排俱樂部錦標賽 小組賽 最終排名

A 組 - 1. Supreme Chonburi - 3 勝 0 負 - 8 | 2. Altay - 2 勝 1 負 - 6 | 3. Sarmayeh Bank - 1 勝 2 負 - 3 | 4. 台灣電力 - 0 勝 3 負 - 1
B 組 - 1. 久光製藥 - 3 勝 0 負 - 9 | 2. 天津渤海銀行 - 2 勝 1 負 - 6 | 3. Vietinbank VC - 1 勝 2 負 - 3 | 4. Rebisco-PSL - 0 勝 3 負 - 0

chanchan0909

2018 年女排世錦賽歐洲區預選賽 B 組 最佳陣容

MVP - Tijana Boskovic (SRB)
主攻 1 - Brankica Mihajlovic (SRB)
主攻 2 - Michaela Mlejnkova (CZE)
副攻 1 - Stefana Veljkovic (SRB)
副攻 2 - Agnieszka Kakolewska (POL)
接應 - Tijana Boskovic (SRB)
二傳 - Bojana Zivkovic (SRB)
自由人 - Silvija Popovic (SRB)

chanchan0909

2017 亞洲女排俱樂部錦標賽 半準決賽 賽果

05.29 13:30　久光製藥 3 : 1 台灣電力
05.29 16:00　Supreme Chonburi 3 : 1 Rebisco-PSL
05.29 18:30　天津渤海銀行 3 : 0 Sarmayeh Bank
05.29 21:00　Altay 3 : 0 Vietinbank VC

chanchan0909

估唔到 Supreme 同 霏妹 要打得咁激烈 set 4 都要打到 27 比 25 先贏到
霏妹 2 號真係鶴立雞群呀

chanchan0909

2017 亞洲女排俱樂部錦標賽 準決賽 賽果

05.30 18:30　Supreme Chonburi 3 : 1 天津渤海銀行　(25:22 25:23 24:26 25:23)
05.30 21:00　Altay 2 : 3 久光製藥　　　　　　　　　　(25:18 17:25 21:25 25:22 14:16)

chanchan0909

2017 亞洲女排俱樂部錦標賽 準決賽

05.30 18:30　Supreme Chonburi 3 : 1 天津渤海銀行　(25:22 25:23 24:26 25:23)
第 1 局 - 8 : 5 | 16 : 14 | 25 : 22 | 1 : 0
第 2 局 - 5 : 8 | 13 : 16 | 25 : 23 | 2 : 0
第 3 局 - 7 : 8 | 15 : 16 | 24 : 26 | 2 : 1
第 4 局 - 6 : 8 | 12 : 16 | 25 : 23 | 3 : 1

chanchan0909

2017 亞洲女排俱樂部錦標賽 準決賽

05.30 21:00　Altay 2 : 3 久光製藥　(25:18 17:25 21:25 25:22 14:16)
第 1 局 - 8 : 3 | 16 : 15 | 25 : 18 | 1 : 0
第 2 局 - 8 : 7 | 12 : 16 | 17 : 25 | 1 : 1
第 3 局 - 7 : 8 | 10 : 16 | 21 : 25 | 1 : 2
第 4 局 - 8 : 7 | 16 : 14 | 25 : 22 | 2 : 2
第 5 局 - 4 : 5 | 9 : 10 | 14 : 16 | 2 : 3

chanchan0909

Altay 背水一戰都仲未換 Brakocevic

chanchan0909

每逢奧運年 , 各項嘅運動都會引黎大家嘅關注
而喺排球方面 , 奧運必定係運動員嘅目標
那怕實力未必足以拎到奧運冠軍
但係都希望可以拎到奧運會嘅入場劵
為自己嘅職業生涯多一份嘅經歷

連續第 3 年同大家重溫一下中國女排喺 2016 年嘅十大比賽
2016 年 , 中國隊打左 28 場比賽
戰績為 21 勝 7 負
前年重溫 2015 嘅時候話中國女排係苦盡甘來嘅一年
2016 年中國女排帶比我地嘅係四隻字 , 逆境自強
一間就會同大家數數有邊 10 場比賽值得重溫
雖然全年打嘅比賽唔多
但係其實都真係幾難揀
因為好多場都打得好好睇

今年睇左好多比賽
除左各隊國家隊嘅比賽之外
仲睇左唔同地方嘅聯賽
喺到都會推介返一 D 過去一整年其他國家隊值得重溫嘅比賽
聯賽好睇嘅都會提下

chanchan0909

第十位 : 女排奧運會 小組賽 第五輪 中國 1 : 3 美國 [25:22 17:25 19:25 19:25]
http://2016.cctv.com/m/v/?id=VIDENxuqJT0Jz9zZD5HckJj1160815

呢一場原本係小組賽嘅焦點之戰
但最後就變左練兵之戰
經過前面嘅小組賽
美國隊已經鐵定小組第一
而中國隊就肯定係小組第四
機本上呢場嘅勝負唔會影響小組最終嘅排名

其實唔知有幾多人係真係有睇呢一場嘅直播或者有重睇返
我嗰時因為鬧鐘無響遲左起身
不過都睇到後 2 局嘅 live
後尾都重睇左幾次呢一場
呢一場其實都有好多嘅討論嘅空間

第 1 局美國隊慢熱失誤較多
而中國隊就打出應有嘅水平
值得一提嘅係呢一場中國隊嘅首發
朱朱同小惠搭檔主攻線
寶寶打接應
呢個陣其實之前我地呢度都有人提過
嗰時仲記得自己都話呢個陣好好
不過就覺得 Jenny 會留住用
估唔到喺呢場已經用
而後面 3 場淘汰賽呢個陣都有用到

而後 3 局美國隊打返應有嘅水平
有威脅嘅發球 , 穩定嘅一攻 , 非常快嘅防反
令到中國隊都無咩方法
不過雖然呢場中國隊一直處於下風
但喺比賽裡面可以見到中國隊一直全力爭取分數
喺第 3 同第 4 局打左一段小高潮
呢種唔放棄嘅精神值得鼓勵
而呢一場嘅練兵之戰絕對係為後面嘅比賽打左一個好好嘅基礎

chanchan0909

支持實力小陳陳
Wonders 發表於 2017-5-31 13:07

係 亞俱賽之後呢個賽季就真係正式完結啦

chanchan0909

第九位 : 世界女排大獎賽 澳門站 第二輪 中國 3 : 2 塞爾維亞 [27:25 17:25 20:25 25:22 15:9]
https://www.youtube.com/watch?v=P-PBXYAy1Mo&t=7730s

呢場比賽前一日
塞爾維亞隊以 3 比 2 大逆轉嘅比分擊敗巴西隊
令到有好多人更加關注呢一場
而到左呢一場嘅首發相信大家都知啦
中國隊派主力塞隊派替補

仲記得有人怪塞隊派替補
不過其實塞隊某 D 隊員嘅體能真係唔太好
比佢地休息下都係好事
而且塞隊嘅替補都係好強勁嘅
佢地嘅主力同替補之間嘅差距應該喺強隊之間偽最少嘅
所以佢地喺呢一場派上替補陣容
對佢地黎講係磨合嘅一個好機會
而對於中國隊可以熟悉一下佢地嘅替補亦都係好事

呢場比賽打得激烈都係賽前預料到嘅
兩邊嘅強攻同攔防亦都係打得好有實力
比賽中段塞隊亦曾佔上風
大比分 2 比 1 領先
第 4 局 11 比 4 領先之下
被中國隊通過發球同攔網奮力追趕
並且最後 5 局逆轉獲勝
對於中國隊黎講亦都係一場收獲信心嘅鍛煉

chanchan0909

第八位 : 女排奧運會 小組賽 第一輪 中國 2 : 3 荷蘭 [23:25 25:21 25:18 22:25 13:15]
http://2016.cctv.com/2016/08/07/ ... aBibJzP160807.shtml

喺大賽第一場往往都係好難打
因為大賽嘅氛圍喺比賽前預備係好難嘅
都係需要有一定嘅大賽經驗先得
再加上喺呢一場嘅比賽
為左要照顧亞洲嘅觀眾
所以喺賽程上面都安排喺香港時間夜晚 10 點 35 分
球迷睇波唔使捱夜對我地係好事
但對佢地黎講就真係辛苦啦
因為場波開打係當地時間朝早 11 點 35 分
要早早就起身就要有個好嘅狀態去打比賽其實真係好難好難

喺今屆嘅奧運陣容裡面
12 人只得 3 人有參加奧運嘅經驗
而喺奧運會小組賽第一輪嘅首發陣容方面
只係大麗麗一人有參加過奧運
可以話上面各種嘅場外因素加埋一齊
再有出咁唔保守嘅首發名單
確實係一個大膽嘅決定

最後比賽嘅結果大家都知道啦
中國隊係輸左嘅
反覆睇左呢場比賽幾次
覺得其實中國隊都打得唔錯

第一局最後一分一傳衝網令到荷蘭打左一個好靚嘅防反
呢球輸得比較可惜
而第一局整體表現都係打得好正常

第二同第三局贏波
中國隊喺發球同攔網都係做得非常出色
不過值得一提嘅係
第二局曾經係 24 比 14 獲得 10 個賽點之下
比荷蘭連救 7 個
呢個時候就突出左丁霞為左想快 D 拎到呢到傳球有 D 急
換入月月穩定軍心
亦都好成功咁確保第二局同第三局嘅勝利

第四局亦都曾經領先 16 比 14
最後失利但其實打得都係正常嘅

第五局其實都一樣曾經 10 比 7 領先
但最後輸 13 比 15
有一球輸得幾致命
就係 12 比 11 , 大麗麗發球失誤
跟住就到小宇宙進攻出界
令到成個形勢扭轉左

雖然輸得可惜
但中國隊發揮出水平
而荷蘭隊嘅賽前相信都花左唔少功夫
成場比賽其實係好睇嘅

chanchan0909

第七位 : 世界女排大獎賽 香港站 第一輪 中國 3 : 0 荷蘭 [25:22 25:23 25:21]
https://www.youtube.com/watch?v=wrLfx6zmP2E&t=2600s

又係中荷對戰
自從荷蘭升上一檔之後
呢班球員喺 2016 年打左好多比賽
歐洲區資格賽 , 聯賽 , 落選賽 , 瑞士賽 , 大獎賽 幾乎都可以見到佢地
以賽代練令到佢地喺水平同狀態上面確實提升唔少

喺呢場比賽
論激烈程度
呢場就未必係前十名
因為除左第一局落後幾分之外
中國隊幾乎都係一直領先
不過喺呢場荷蘭隊喺發球方面比左好多麻煩中國隊
呢場比賽我係喺現場睇嘅
真係好快好飄 , 一 D 都唔好接
所以喺第二局比荷蘭隊好成功咁連續追分都係正常嘅

最後當然有一球需要拎出黎講啦
相信都係 2016 年至少嘅五佳球
講緊嘅係朱朱喺第一局嘅反手扣球得分 !!!
連佢自己都笑左出黎
確實可以做到呢個動作係真係唔容易架 !

chanchan0909

第六位 : 世界女排大獎賽 中國站 第三輪 中國 3 : 1 美國 [25:20 25:19 15:25 25:23]
https://www.youtube.com/watch?v=hS-AOIu0EkE

中國隊喺最近咁多年國際大賽對住美國隊都係輸波
所以都希望可以喺大獎賽呢 D 練兵比賽可以贏波
喺呢場比賽中國隊開局狀態大勇
連下兩城
之後第三局一傳唔好大比分輸左呢局
第四局都係一直落後之下
靠住大家嘅贏波嘅決心拎到呢局
從而取得呢場勝利
喺第四局嘅局尾階段打得好好睇
有一球特別深刻
雙方打左好幾個來回球之後
對方三人攔張寶寶
張寶寶打左一個劏肚
少有見到中國隊打到美國隊一個劏肚
而且可以喺關鍵分打到
簡直係士氣大增

chanchan0909

支持陳陳

返工好悶
唯有睇下野
呢條link係總決賽架
呢到有香港站 ...
stopzi 發表於 2017-5-31 15:48

哈哈 咁你有無 down 返 D 奧運比賽睇
我到而家都仲 down 緊
我都係搵返官方嗰個 唔要黃子忠 不過都 thank you

interesting
希望有奧運對巴西果場 因為我係補課上youtube睇住佢地贏 LOL

我年頭果陣都有諗過寫2016 WT ...
bagfgfcde 發表於 2017-5-31 15:53

呢場無可能無 差在排第幾
嗰陣我 11:30 要上堂 , 為左想睇到直播早早就出門口去學校圖書館睇
睇到心跳加速 最後真係贏左好想大叫
下年寫 2017 啦 , 決賽未必係最好睇 , 所以都好想睇下一你地嘅推介

现在想想2016年奥运会如果不是小组第四
低开高走~~可能不一定能拿到冠军~~~
因为第四 因为死里逃生   姑娘 ...
youfuqi 發表於 2017-5-31 15:53

絕對有呢個可能性

chanchan0909

第五位 : 女排奧運會 小組賽 第二輪 中國 3 : 0 意大利 [25:21 25:21 25:16]
http://2016.cctv.com/2016/08/09/ ... Tr59N6P160809.shtml

中國隊喺奧運會打左 4 場生死戰
除左 3 場淘汰賽之外
其實仲有呢場嘅小組嘅生死戰

此前喺小組賽
中國以 2 比 3 惜敗荷蘭
意大利以 0 比 3 輸比塞爾維亞
兩隊喺第二輪再輸就幾本上處於死亡邊緣
相反贏波嘅一方就好大機會小組出線
所以呢場絕對係提前到來嘅生死戰

雖然喺賽前
大家都會覺得中國隊最後會贏
最後亦都係一如所料
不過睇直播嘅時候係覺得驚心動魄嘅
因為意大利隊嘅 Egonu 真係好惡佈
有身高有彈跳有力量
一人撐起全隊嘅進攻端
並且喺發球方面都係有非常出色嘅表現
因為佢嘅出色發揮
中國隊經常喺佢喺前排嘅時候同佢喺發球嗰一輪卡輪
好在中國隊無比佢嘅發揮而嚇到
仍然敢打敢拼
加上 Egonu 自身失誤都唔少
令到中國隊喺每局局尾成功拉開比分
亦都收獲一場關鍵一戰嘅勝場

可惜喺呢場最後一球 , 筐筐又受傷了

chanchan0909

Sure
好記得條片勁lag
最後一球一完 我就嗌左出聲  



應該會寫2017
同時都有計劃要寫Ma ...
bagfgfcde 發表於 2017-5-31 16:37

好 到時一定支持

chanchan0909

第四位 : 世界女排大獎賽 澳門站 第三輪 中國 3 : 0 巴西 [25:23 25:16 25:20]
https://www.youtube.com/watch?v=UHZTEsr_llA&t=1643s

賽前仲記得有人同我講過
話呢場中國應該要保留陣容
唔好咁快比巴西睇到
等到里約先爆發

我就諗咁係呀話
想像係美好嘅
保留陣容都唔一定可以喺里約爆發
對於中國隊打巴西隊點解會喺 8 年間輸左 18 次
最大嘅問題係打得唔夠自信
實力係其次嘅問題
過往嘅 18 場
其實中國隊有好幾場都係有機會贏嘅
但係好可惜都係輸左
主要嘅問題都係關鍵分打得唔夠自信

喺呢幾年間中國隊提升左自身嘅實力
雖然未去到最強大
不過已經係可以有同強隊抗衡嘅實力
所以黎到呢一場
可以有一個咁難得嘅機會喺奧運前喺主場挑戰巴西
點解仲要保留呢 ?

呢場開局中國隊打得非常主動
5 比 0 領先
隨後通過攔網拉開比分
及後巴西隊開始反擊
打左好多個漂亮防反
特別係有一球比分喺 17 比 15 嘅呢球
巴西隊展現左佢地嘅高防反能力
最後中國隊真係好好彩
24 比 23 嗰球丁丁同小袁失配將機會比左巴西隊
不過 Fe Garay 進攻亦都出界
中國隊第一局險勝 25 比 23

第二局中國隊曾經 6 比 11 落後
通過丁丁同朱朱兩輪發球逐漸追近比分
然後喺局尾又輛到丁丁連續發左 7 個好波到完場
中國隊反勝 25 比 16 , 中國隊喺落後之下打左個 19 比 5
巴西隊少有地出現被對手完全壓制嘅情況

而第三局巴西隊變陣
第一局首發主攻 Natalia 被 Jaque 換走之下
喺第三局替補 Sheilla 以接應身份出場
不過中國隊仍然表現強勢
特別係攔網方面
中段仲試過巴西前排三個攻手比中國每人直接攔死
最後筐筐一記發球得分
終止左中國隊對巴西嘅 18 連敗
呢場嘅勝利絕對對中國隊增添左唔少信心

chanchan0909

18連敗 好誇張
令我諗起Maria vs Serena


希望呢位會員唔好放閃 ...
bagfgfcde 發表於 2017-5-31 17:23

11 年巴西傷兵滿營 狀態不佳
世界盃中國隊曾經喺決勝局 14 比 13 拎到賽點 , 但最後輸 15 比 17
如果呢場贏左 , 同埋前面打意大利喺決勝局 8 比 4 領先能夠把握好機會 , 大梅呢一屆都可以拎到世界冠軍

不過好似 Maria 都仲未翻到身

chanchan0909

第三位 : 女排奧運會 決賽 中國 3 : 1 塞爾維亞 [19:25 25:17 25:22 25:23]
http://2016.cctv.com/2016/08/21/ ... CKOUQVT160821.shtml

3 場嘅淘汰賽場場都好重要
要排次序真係要諗一諗

經過半準決賽同準決賽之後
中國隊好成功走出左小組賽嘅低迷
就只剩最後一步
所有運動會嘅夢想
奧運會冠軍 !!!

喺賽前大家都認為巴西同美國會係決賽嘅對手
但最後係中國同塞爾維亞之爭
喺過往嘅大賽大熱門
最後都未能獲得冠軍
可見排球嘅偶然性真係好高

喺呢場比賽嘅第一局比賽
塞隊率先喺發球做文章
4 個直接得分取得主動權
而中國隊一個都無
另外張寶寶呢一點無發揮到出黎

所以喺第二局中國隊變陣
由筐筐上陣
而全隊嘅發球亦都加強
而且進攻速度亦都加快左
令到比賽嘅主動權掌握左喺中國隊手中

喺第三局中段塞隊換上 Veljkovic 之後
中國隊有 D 唔適應
尤其係佢嘅發球
喺落後幾分之下追左上黎
好在中國隊喺前面嘅比賽已經適應呢 D 比對手連續追分嘅情況
賽前相信已經做足左困難嘅準備
最後朱朱嘅一個發球得分
中國隊又成功渡過一個難關以局數 2 比 1 領先

第四局雙方爭持激烈
塞隊換入新人 Busa 替下喺呢場發揮一般嘅 Mihajlovic
Busa 始終都係啱啱出道
綜合實力無 Mihajlovic 咁好
所以對於中國隊黎講攔防方面係容易左嘅
而塞隊亦都嘗試 2 點換 3 點
前面講過我覺得塞隊係咁多隊裡面板凳深度係最高嘅
所以希望可以透過換人令中國隊唔適應
雖然塞隊都好成功咁渡過前排 3 輪
並且都賺到分
不過就無影響到中國隊嘅情緒
越戰越勇
去到局尾塞隊嘅壓力就越黎越大
因為一直都係落後 1 到 2 分
而且前排攔網唔好苦瓜比朱朱打中 2 次
呢 D 波其實對於被打中嘅球隊都幾傷士氣
23 比 23 嘅關鍵一分
奧運會最佳發球 Rasic 嘅發球失誤更加增加將全隊嘅壓力
最佳 Jenny 換上張寶寶發球
根據賽後佢地講返
本身已經準備好同對手打 Deuce
不過真係無諗過一個發球搞掂
寶寶話原本派佢上去佢都唔太知要發比邊個
對方叫左個暫停就即刻搵 Jenny 問
Jenny 同佢講隨便發
上到場之後
寶寶話見到佢地接發位置企後左
於是發球就無發力
點知收獲成效
過網急墜
Popovic 無接好 , 小惠叉燒將比分鎖定喺 25 比 23
3 比 1 嘅局分
事隔 12 年重新上到奧運會嘅最高領獎台
圓夢里約 !!! 恭喜恭喜 !!!

chanchan0909

第二位 : 女排奧運會 準決賽 中國 3 : 1 荷蘭 [27:25 23:25 29:27 25:23]
http://2016.cctv.com/2016/08/19/ ... Zs05fG6160819.shtml

中國隊喺奧運會裡面打得最激烈嘅一場
最後嘅局分都係 2 分嘅差距

賽前被喻為中國隊嘅復仇之戰
喺進入四強球隊
都係出自同一個小組
實屬少見
而且進入四強嘅三個隊伍
都係中國隊喺小組賽輸過嘅對手
都係需要全力爭勝

第一局中國一上黎就落後
荷蘭開局以 12 比 5 領先
中國隊 2 點換 3 點換上丁丁同筐筐之後
展開全力追趕
喺中局階段已經追成 15 平
局尾更以 24 比 20 領先
跟住 Buijs 嘅發球輪追平比分
好在朱朱輪到前排穩住中國隊嘅局面
成功以 27 比 25 取得呢一局嘅勝利

第二局爭持得好激烈
中國同荷蘭隊都曾以微弱嘅優勢領先
不過最後一球小惠嘅進攻被攔死
荷蘭以 25 比 23 取得勝利

第三局曉彤首發頂替小惠
但發球被追發
荷蘭隊華麗開局 6 比 0 領先
暫時嘅時間小惠鼓勵大家只係輸一局唔好放棄呀
於是又換返小惠上場
同埋換上顏妮
之後又 2 點換 3 點丁丁同小宇宙上場
開局已經換左半個陣
2 比 8 落後之下
中國隊同第一局一樣急起直追
丁丁同顏妮嘅精彩配合
朱朱嘅穩定發揮
小惠上前排嘅時候進攻亦都打得好出色
中國隊艱難地喺 23 平之後
小袁攔網攔死 Sloetjes 嘅吊球
24 比 23 , 中國隊喺呢局首次比分領先

隨後嘅 Deuce 真係心跳加速
荷蘭隊曾經挑戰成功將比分反超
而中國隊喺隨後嗰分通過防反
丁丁單手救球
球到位 , 小惠開網搶攻打喺界內挽回局點 !!!
呢球真係提升士氣嘅一球
隨後中國隊又領先
小惠去到後排發球
荷蘭隊一傳無接好
朱朱攔左一個叉燒
中國隊取得一局非常唔容易嘅勝利

第四局兩隊仍然打得好激烈
開局有一球朱朱扣左 2 球都比荷蘭攔網
然後丁丁再傳比朱朱
不負眾望終於打中
朱朱舉起食指加上眨嘴嘅呢個動作成為左新一代表情包
隨後中國以微弱嘅優勢領先

去到局尾被荷蘭追平之下
朱朱仍然喺後排之下
Jenny 叫左個暫停
然後月月就先後搵左丁丁同小宇宙
之後丁丁真係傳左比小宇宙觸手出界 {:1_114:}
24 比 23 獲得賽點 {:1_114:}

呢個時候張寶寶又出場發球啦
果然不負眾望又係發左個靚波
防反比四號位小惠觸手出界 !!! {:1_114:}
25 比 23 , 又係第一個賽點就贏左 ! {:1_114:}
3 比 1 , 時隔 12 年闖進奧運會嘅決賽 !

chanchan0909

第一位 : 女排奧運會 半準決賽 中國 3 : 2 巴西 [15:25 25:23 25:22 22:25 15:13]
http://tv.cntv.cn/video/VSET1002 ... 43fa371719be3e6bf48

講到最最最關鍵嘅一戰
肯定係呢一場啦
由嗰時世界排名第 2 嘅巴西對陣第 3 嘅中國
呢場比賽贏左有機會行前一步
輸左只能以第 5 名收官
離開里約嘅舞台
此前中國隊小組賽 2 勝 3 負排名第四
巴西隊小組賽 5 戰全勝並且不失一局排名小組第一
而且佢地已經係連續 6 屆入 4 強
狀態大勇嘅巴西隊係大家都睇好入 4 強嘅隊伍

賽前大家都希望中國隊可以一改小組賽低迷
畢竟淘汰賽大家都係 50 50
都係喺同一個起跑線出發
只係唔知中國隊可唔可以喺呢場比賽大爆發
所以我諗大家都希望贏
但唔敢諗可以去爭獎牌

首發中國隊以大獎賽贏佢地嘅陣容作為首發
第一局巴西延續小組賽狀態
以大比分 25 比 15 取得勝利

第二局巴西再以 11 比 6 領先
呢個比分有 D 似曾相識
大獎賽都曾經以呢個比分逆轉
今次嘅逆轉難度分就大好多啦
先由 6 比 11 追成 11 比 11
然後 11 比 14 又追成 14 比 14
然後 18 比 21 又追成 21 比 21
23 比 23 之後通過朱朱大力扣殺彈出中國隊後場區
反超比分 24 比 23
最後朱朱攔死 Sheilla 以 25 比 23 艱難取得勝利

喺呢兩局 Jenny 嘅變陣同暫停再次得手
喺第一局換上寶寶
第二局由月月主打
其後又換上顏妮
再換上曉彤
通過換人搵到一個邊攻 3 個點都能夠進攻
從而有效打亂巴西嘅防守
因為如果只得朱朱一點攻
巴西防守好好 , 一定會重點攔防朱朱
所以一定至少 2 點或者 3 點嘅進攻先可以同對方抗衡

未輸過一局嘅巴西喺第三局繼續遭遇中國隊嘅挑戰
曉彤寶寶朱朱一傳同進攻依然穩定
林莉嘅一傳防守
顏妮同大麗麗嘅攔網同進攻
仲有月月嘅傳球
都係非常穩定嘅
發揮越黎越好嘅中國隊再以 25 比 22 再下一城

背水一戰嘅巴西隊開始慢慢開始感受到壓力
第四局開段顏妮發球連得 2 分
其後中國隊以 14 比 11 領先下
隊長 Fabiana 嘅發球輪同 Natalia 嘅進攻將比分追平
現場 2 萬球迷又開始起哄
呢個時候中國隊都開始有 D 唔穩定
而且有一球失得有 D 可惜
喺局尾有一球中國隊 2 點攻
朱朱唔知點解會去左 2 號位
中國隊後排起左個防反去左朱朱手上
但朱朱以為 4 號位有人
事實上前排得佢一個邊攻
最後無人進攻失分
最後將呢局機會比左巴西

決勝局雙方嘅比分差距只係得 2 分
開局 5 比 4 領先嘅巴西隊喺 7 平之後 Natalia 扣球失誤
8 比 7 中國隊領先轉場
轉場之後中國隊表現神勇
先係曉彤一個發球破攻
巴西無攻過網 , 朱朱戰術攻 9 比 7
跟住再比 Fe Garay 追成 10 比 10
來回球朱朱觸手出界之後
輪到寶寶發球又再一次破攻
巴西無攻過網 , 朱朱再打戰術攻 12 比 10
巴西拎一分之後
Juciely 發球失誤
呢球嘅失誤巴西隊嘅壓力黎啦
因為 13 比 11 , 巴西隊拎完一分要再救一球先可以追平
Natalia 再拎一分之後
到 Sheilla 發球
竟然又係發球失誤
而且呢個發球竟然落喺網嘅中間
連網帶都掂唔到
可見巴西隊真係感受到壓力
14 比 12 之後 , Fabiana 快攻得手
然後 Jenny 叫左個暫停
嗰時朱朱喺後排
月月問 Jenny 係咪傳比大麗麗打快攻
Jenny 好堅決咁話比朱朱
仲叫朱朱準備
其後咩都無講就上左場
最後寶寶一傳到位
月月直接傳後攻比朱朱
巴西都估到 , 3 人攔朱朱
都攔唔住 , 比朱朱觸手出界 , 自由人 Leia 撲到盡都救唔到
中國隊決勝局 15 比 13 爆冷闖進四強
巴西隊喺主場拎 3 連冠嘅夢想就係咁樣熄滅

賽後 Jenny 其後出席活動時亦都分享左佢喺呢場嘅準備
佢鼓勵隊員話其實佢地唔係無機會
巴西 2 屆奧運冠軍
今次仲要喺主場比賽
前面一局未輸
狀態咁好
佢地應該唔會覺得自己入唔到四強
佢地分分鐘可能已經開始諗緊點樣決賽打美國
佢幫隊員分析如果隊員們打得好
出事嘅一定係佢地
Jenny 話佢地小組賽都輸成咁
再輸一場又有咩好怕
而喺巴西隊輸左一局之後
場上嘅一 D 細微表現確實睇得出巴西隊嘅心理係有 D 唔穩定
Jenny 又一次完美嘅準確分析

chanchan0909

如果要選 10 場 2016 嘅女排國家隊嘅比賽
我會咁排

1. 奧運會半準決賽 - 巴西 2：3 中國
http://tv.cntv.cn/video/VSET1002 ... 43fa371719be3e6bf48

2. 大獎賽金牌戰 - 美國 2：3 巴西
https://www.youtube.com/watch?v=5VMPXlmWwXA&t=3189s

3. 奧運會準決賽 - 荷蘭 1：3 中國
http://2016.cctv.com/2016/08/19/ ... Zs05fG6160819.shtml

4. 奧運會金牌戰 - 塞爾維亞 1：3 中國
http://2016.cctv.com/2016/08/21/ ... CKOUQVT160821.shtml

5. 奧運會銅牌戰 - 美國 3：1 荷蘭
http://www.24zbw.com/aysp/2016/0821/7053.html

6. 大獎賽澳門站 - 中國 3：0 巴西
https://www.youtube.com/watch?v=UHZTEsr_llA&t=1643s

7. 奧運落選賽 - 日本 3：2 泰國
https://www.youtube.com/watch?v=XDprWRzm0jw&t=7234s

8. 奧運會小組賽 - 美國 3：2 荷蘭
http://tv.cntv.cn/video/VSET1002 ... 4f0bf821c0d4c3e364e

9. 大獎賽澳門站 - 巴西 2：3 塞爾維亞
https://www.youtube.com/watch?v=GYe-fUuavjY

10. 大獎賽銅牌戰 - 俄羅斯 2：3 荷蘭
https://www.youtube.com/watch?v=A12QABQaGhU

另外男排嘅比賽今年好睇嘅其實唔算好多
但有一場真係睇左幾次
就係奧運會小組賽 巴西 對 美國
https://www.youtube.com/watch?v=FHdrRPpcSpY
此前美國小組賽已經連輸 2 場
對巴西再輸就會出局
喺呢場美國隊真係好搏
最後以 3 比 1 保住出線嘅機會
推薦比大家睇下呢場比賽

chanchan0909

呢場我前後總共睇左七八次 對一個完全唔係closely follow女排既人黎講真係好多
對呢場既印象係  ...
bagfgfcde 發表於 2017-5-31 19:32

呢場真係好好睇 你可以睇左 7 , 8 次係真係算係好多
小惠呢場確實一般 , 巴西都好瞭解佢 , 所以對佢重點攔防
曉彤平日比較少出場 , 佢嘅實力其實唔係太強 , 一傳被追發佢就會出事 , 但進攻係有實力嘅
而難得地曉彤呢一場狀態大勇 , 好在巴西唔係太瞭解佢 , 所以無追發佢 , 佢喺呢一場打走左好多困難球 , 可以話呢一場真係佢嘅代表作
月月打埋黎緊嘅全運會就真係退役啦 唔捨得

chanchan0909

至於俱樂部嘅比賽
亦都好想推薦 10 場比大家

1. 土耳其女子排球甲組聯賽 準決賽 第 2 場 - Fenerbahce 3 : 1 Eczacibasi　[附加局 - 16 : 14]　(20:25 25:23 25:15 25:22)
https://www.youtube.com/watch?v=QwC8Y9hpiZM

2. 土耳其女子排球甲組聯賽 第 6 輪 - Eczacibasi 2 : 3 Vakifbank　(29:27 25:17 22:25 21:25 10:15)
https://www.youtube.com/watch?v=xFZ2G8nKJP0

3. 歐洲女排冠軍聯賽 6 進 3 對陣 - 第二輪 - Fenerbahce 1 : 3 Eczacibasi　(31:29 14:25 25:27 23:25)
http://www.laola1.tv/en-de/video ... -vitra-istanbul-len

4. 歐洲女排冠軍聯賽 6 進 3 對陣 - 第一輪 - Eczacibasi 2 : 3 Fenerbahce　(25:16 22:25 19:25 25:21 12:15)
http://www.laola1.tv/en-de/video ... hce-sk-istanbul-len

5. 土耳其女子排球甲組聯賽 第 14 輪 - Eczacibasi 2 : 3 Fenerbahce　(21:25 25:18 20:25 25:23 14:16)
https://www.youtube.com/watch?v=NSmUU4X9adQ

6. 歐洲女排冠軍聯賽 6 進 3 對陣 - 第一輪 - Volero 1 : 3 VakifBank　(25:15 20:25 17:25 21:25)
http://www.laola1.tv/en-de/video ... ank-istanbul-fm-len

7. 2016 世界女排俱樂部錦標賽 準決賽 - Eczacibasi 3 : 1 Vakifbank　(25:23 19:25 25:17 25:23)
https://www.youtube.com/watch?v=wNThsrCJSYk

8. 2016 世界女排俱樂部錦標賽 總決賽 - Eczacibasi 3 : 2 Pomi　(25:19 20:25 25:19 22:25 15:11)
https://www.youtube.com/watch?v=NCsTTrZdIa4

9. 巴西女排超級聯賽 決賽 - Rexona 3 : 2 Osasco　(25:19 22:25 25:22 18:25 15:6)
https://www.youtube.com/watch?v=aG3zpotjlzw

10. 2016 世界女排俱樂部錦標賽 準決賽 - Volero 1 : 3 Pomi　(27:25 23:25 17:25 23:25)
https://www.youtube.com/watch?v=zXV-rZA5TZo

chanchan0909

2017 亞洲女排俱樂部錦標賽 決賽

05.31 19:00　Supreme 3 : 1 久光製藥　(25:15 25:23 23:25 25:13)
第 1 局 - 8 : 7 | 16 : 12 | 25 : 15 | 1 : 0
第 2 局 - 8 : 7 | 16 : 13 | 25 : 23 | 2 : 0
第 3 局 - 8 : 7 | 16 : 12 | 23 : 25 | 2 : 1
第 4 局 - 8 : 5 | 16 : 10 | 25 : 13 | 3 : 1

chanchan0909

2017 亞洲女排俱樂部錦標賽

最終名次 - 1. Supreme Chonburi 2. 久光製藥 3. 天津渤海銀行 4. Altay 5. 台灣電力 6. Sarmayeh Bank 7. Vietinbank VC 8. Rebisco-PSL

個人獎項
MVP: Fatou Diouck (SEN) - [Supreme Chonburi (THA)]
==================================
最佳陣容
主攻 1 : Chatchu-on Moksri (THA) - [Supreme Chonburi (THA)]
主攻 2 : Inna Matveyeva (KAZ) - [Altay (KAZ)]
副攻 1 : Pleumjit Thinkaow (THA) - [Supreme Chonburi (THA)]
副攻 2 : Kristina Anikonova (KAZ) - [Altay (KAZ)]
接應 : 浮島杏加子 (JPN) - [久光製藥 (JPN)]
二傳 : 姚迪 (CHN) - [天津渤海銀行 (CHN)]
自由人 : 沪江真奈 (JPN) - [久光製藥 (JPN)]
==================================
特別獎項
Future Energy : Sana Anarkulova (KAZ) - [Altay (KAZ)]

chanchan0909

中國果3場都好刺激好同意jose 講話巴西係輸比月月
戰術運用得好好 尤其set比1號位既波
另外當然就係曉彤啦 ...
stopzi 發表於 2017-6-1 09:40

月月喺巴西呢場絕對做到穩定軍心嘅作用
呢場嘅傳路思路幾乎係無可挑剔
好似你講傳去嘅 1 , 2 號位嘅波
傳得好突然 , 巴西大多都係得一個人攔網
朱朱嘅攔網真係好關鍵 , 如果比巴西追成 24 平 , 如果輸左呢局
大比分 2 比 0 , 相信佢地士氣更加會大增
而其實大家都清楚 , 巴西關鍵分一定比 Sheilla , 所以相信朱朱已經一早已經準備好
喺世界盃對俄羅斯都係 , 如果比俄羅斯拎到呢局 , 中國都會係難打
因為呢局中國大比分領先 , 士氣一定會有一定程度嘅受挫

其實荷蘭可以進步得咁快
而且都只係 15 年年尾先真係跑出
可以喺奧運會同強隊場場都可以打出咁高水準
真係實屬難得
喺準決賽呢場 , 我記得我一個人喺屋企睇
心跳真係不斷在卜卜卜
set 1 同 set 3 都係大比分落後
我反而完全無諗過話呢局無啦
一直覺得可以追可以追
甚至反而無點睇分數
一直喺到數輪次
朱朱幾時上前排 , 小惠幾時去後排
因為朱朱上前排 , 全隊嘅一傳無咁大壓力
所以特別希望朱朱快 D 上前排
對面嘅輪次都有留意
我記得我嗰時有留言話 2 比 8 只係開局
仲有好多分先到局尾 , 加油呀
到最後真係逆轉到
Jenny 嘅換人真係好厲害
其實我覺得中國隊嘅板凳深度其實唔係好厚
當然佢地都係有一定嘅實力
但就係有 D 隊員喺技術上存在短板
但係就係因為有 Jenny 嘅智慧
不斷地將隊員嘅長處喺場上發揮出黎

SRB 入決賽其實我係諗都無諗過
雖然狀態好好 , 但 Miha 嘅唔穩定
真係唔知佢邊場打得好 , 邊場打得唔好
打 RUS 嗰場 , 佢就真係超水平
同 Boskovic 合力喺 3 局打出 12 個 ace
真係有 D 不可思議

跟住準決賽佢都打得唔錯
其實本來都想揀呢場做十大比賽
但兩隊都極度唔穩定
無記錯呢場 2 隊加埋總共送左 60 幾分
比起另一場準決賽真係差得遠
不過 set 5 睇塞隊喺 8 比 11 之下逆轉 15 比 13 係好睇嘅

決賽就真係有信心中國會贏到
因為準決賽兩隊嘅發揮而覺得嘅
所以即使第一局輸左
都覺得唔係好大件事
相信後面會追到
我仲好記得嗰時心跳無前面打巴西同荷蘭咁跳得咁快
不過都係擔心佢地接唔好 Miha Rasic 同 Boskovic 連續 3 輪發球
之後仲有一輪 Veljkovic
好彩都算頂得住

奧運差唔多過左一年
對於呢 D 畫面真係仲係好有印象

chanchan0909

本帖隱藏的內容需要回復才可以瀏覽

chanchan0909

本帖隱藏的內容需要回復才可以瀏覽

chanchan0909

隨住聯賽賽季嘅正式完結
呢個 post 都要同大家 say goodbye 啦
新 post 見