Bluejays

根據 Jay Fung IG 啲 hashtags，應該係影 巨聲4 TVB週刊。

好開心見到有唱片公司嘅巨聲越嚟越多，
但可能 TVB週刊 仲係未當 林師傑 同 烙印 係佢地一份子 ?

Bluejays

將一個觀眾偏向年輕嘅節目放喺星期六晚，仲要20:30咁早，
收市實唔夠以前好，最後都係靠大家睇翻 mytv 嚟希望有 noise。

不過港視要開台，TVB 總要強化翻佢星期六嘅 lineup，
如果唔係，就會有弱點比人攻。

雖然巨聲都算係一個品牌，但放喺星期六都未必幫到啲乜，
可能同播部電影差唔多，又係 16-20 點收市。

Bluejays

睇台慶亮燈
聽到新主題曲成首...好聽過舊個首
rubylovessss 發表於 2014-10-20 20:17

Super Voice              一幫紅館演唱會主題曲 (一幫唱)
飛聲                          巨聲3 主題曲 (一二幫唱)
We Are The Voice      巨聲4 主題曲

我覺得三首之中，飛聲 最好，
但今次巨聲4 主題曲，都算係 Alfred 同 Mag 第一次喺 錄音歌曲 裡面，
有正式合唱部份，都算有紀念價值嘅。

Bluejays

錄音版本有Alfred, Mag? 定係只係今晚live 有呀？如果錄音版都有都幾好
sosomusic 發表於 2014-10-20 22:54

如果錄音版本冇 Alfred+Mag，就好似 We Dream 咁架喇喎。
We Dream 都要靠拍個 MV 嚟撐場，
呢首如果「平裝版」出街，點撐呀？

Bluejays

Sheldon, Stephanie 都上到封面?
Korwyn 發表於 2014-10-25 19:43

有唱片公司麻
所以其實係漏左 林師傑 同 烙印

Bluejays

飛聲
rubylovessss 發表於 2014-10-23 14:27

仲用 飛聲？唔係用 We Are The Voice 嗎？

Bluejays

張繼聰咁拘緊嘅，佢主持 巨聲1 嘅時候好放鬆好自然又幽默，
希望佢係未 warm up，遲啲會更好啦。

Bluejays

Uka 樣同聲線都似 鄭嘉嘉
點解自己作曲，都會作到唔適合自己個音域架，
應該作到能發揮自己最好聽嘅音域先得架麻。

Bluejays

得 姵姵 係音準合格嗰個，
我好驚訝點解今次啲參賽者嘅音準同拍子會咁有問題，
以前唔駛擔心呢啲 走音 off beat 問題架，
唔通因為要選樣靚嘅，所以 out 左啲基本技巧 ok 嘅人？

Bluejays

星夢淨係想搵個唱到 越難越愛 嘅 靚女新人 姐，
點知第一集就比人 out 左
Uka 同 救生員 都唔會係星夢嘅 target，
或者 Josie 有機會嘅。
男仔再好對 星夢 嚟講都係冇用，星夢 需要女仔。

Bluejays

2000個揀16個都可以得D咁既質素!?@@
表妹保莉 發表於 2014-10-25 21:50

以前對 基本技巧 有 底線要求 嘅時候，
就會選左啲 樣醜 或者 識英文唔識中文 嘅人出嚟，
今次又要 樣好 又要 中文好 嘅，咪唯有 走音 off beat 都接受囉。

Bluejays

男仔會唱得好好多
rubylovessss 發表於 2014-10-25 21:51

我都信男仔會好好多，
但係點解明知男仔好啲都唔將男仔放做第一集呢？
咁樣對 收市 有壞影響架喎。

Bluejays

典解你成日都打收市唔係收視既
Our_Souvenir 發表於 2014-10-25 22:49

係喎 ... 我以後留意

Bluejays

得13集，應該冇啦...
星期六收視又唔會好，都冇乜機會加集數
ed8671ed 發表於 2014-11-1 22:27

第一集收視15點，比上一週升 2點
平時星期六呢個時段，都係 12-16點 左右 （播電影可以高少少）

巨聲3 星期日 嘅收視係 17-22點，所以又唔算差太多

Bluejays

啲男仔唔係真係咁好，只不過係啲女仔太差，顯得啲男仔好啲。

觀眾緣睇怕 Karson 贏晒，可惜 out 得咁早，簽左都要由零開始做過。
計 full package Alvin 最好(面貌 身形 台型 跳得) ，但單計唱就好普通。
聲底我最鍾意陀飛輪，但佢好難有觀眾緣，情況似巨聲3 Kenny。
Andrew 要睇耐啲先知得唔得。

我諗何生會開始叫佢老婆以後小心啲搵乜人做評判，
繼續係咁比 Uka Eric Jason 拿高分，星夢會一個都簽唔到。

Bluejays

第一集收視15點，比上一週升 2點
平時星期六呢個時段，都係 12-16點 左右 （播電影可以高少少）
Bluejays 發表於 2014-11-1 23:03

第二集收視都係 15點，冇升跌

Bluejays

其實 groove 呢家野，有冇得教有冇得學嘅呢？
兩個女仔唱英文歌可以冇 groove 到咁。

Bluejays

睇下集預告，聽到我想聽嘅嗰兩句評語喇。
Uka 同 Eric 之前完全過譽。

Bluejays

希望姵姵留低
leo foul!
rubylovessss 發表於 2014-11-8 21:51

我都最唔想見到姵姵 out。第一集全女班時，我真係覺得佢最好。
不過今集真係似唸書多過唱歌。

Bluejays

睇完今集就覺得同睇內地歌唱節目無分別
識咆吼就可以唔洗理首歌原意講乜,even走音技巧感情甚麼甚麼
小城大 ...
tungbilly 發表於 2014-11-9 00:05

點解 音準 變左樣咁罕有嘅野？
之前三輯，近乎從來唔會比音準問題打擾，
就算有走音都只係少少同久不久嘅事，
甚至 星夢傳奇 都唔會走音走到咁。

係所有 初賽參于者 都將 重心 放錯晒地方，
淨係學晒啲 flashy 野而唔理基本功，
定只不過係啲初賽評判改變左自己嘅標準，選左班咁嘅人出嚟？

7:30pm 播 節目巡禮 連 曾航生 袁鳳英 唱自己首本名曲都走音，
加埋 Jinny Linda etc ... 變左直落三小時係咁走音，
（但李思捷冇，即係唔關音響事）。

Bluejays

姵姵facebook好似見到佢有錄第5集, 有上台應該冇foul~
星夢情真 發表於 2014-11-9 22:37

咁就好囉

Bluejays

第三集 繼續係 15點，冇升跌

今個 星期六 lineup 嘅 收視 :
7:30pm    節目巡禮    13點
8:30pm    超級巨聲    15點
10:00pm  12道鋒味    13點

Bluejays

JOSIE有好多人話佢唱得好難聽
代表香港參加全球華人新秀歌唱大賽
可能人地仲唱得好過佢
rubylovessss 發表於 2014-11-15 21:46

Josie 以 澳門人 身份代表 香港 出賽

Bluejays

都唔明嚴祺點解咁高分
btw，佢係五年前C AllStar既手下敗將
sophia121 發表於 2014-11-15 21:43

我覺得 嚴祺 基本技巧 係 巨聲4 最好嗰個，
基本技巧 以外嘅野就有其他人比佢好。

嚴祺 都係 巨聲1 嘅 100強 之一，同 巨聲3 廖Sir 一樣。
嚴祺 同 廖Sir 都係 基本技巧 比 巨聲3/4 其他人高嘅，
可能因為 巨聲1 嗰一代嘅基本功，到呢幾年已經無以為計。

Bluejays

AGREE
咁即係 OUT 下一集果 D?
Our_Souvenir 發表於 2014-11-10 23:14

原來比評判退席商量，唔怪得知姵姵冇事啦。
如果單睇分，對姵姵真係好唔公平。

Bluejays

第四集 收視 14點，跌 1點

Bluejays

我反而想知大家覺得誇張但唱得好，值唔值？
by the way，佢同 c allstar 一同參加過星投大戰
不過唔係最 ...
星勤 發表於 2014-11-21 13:58

我地話佢算好，係影射緊其他 15個 有幾差。
個重點喺另外嗰 15個 度，唔喺佢度。
得佢可以用嚟話比大家聽，原來唱歌係可以唔成日走音嘅。
亦因為佢係屬於 2009年 嗰一代（星投大戰+巨聲100強），
可能指出左個現象，就係新一代冇人理基本功，
又或者初選評判改左要樣貌唔要唱功。

Bluejays

Pong Pong!!!!
日期： 22/11/2014
活動： 台慶獻禮《超級巨聲4》錄影
嘉賓： 森美、張繼聰、12位參賽者、曾 ...
rubylovessss 發表於 2014-11-21 19:22

"You're not a very good singer" is BACK!!

Bluejays

聽完 愛是懷疑，就即刻想拿翻 Sheldon+Jay 既 I'm Yours 出嚟聽，
懷緬下乜野叫做真係好。
聽完 追 就想聽翻 Alfred+Jeffero 嘅 留低鑰匙，
聽下以前人地輕輕鬆鬆咁已經可以幾難嘅和音都和到。

好彩最尾有首海闊天空，起碼拍埋前三輯一啲都唔失禮。
又一次證明，有低音同有和音係好幾多。
三個女仔，有一個係真嘅低音，有兩個係可以唱到低音，
即刻幫首歌加翻好多質感（阿Mag都係贏呢樣，而唔係死靠高音，一低音就冇聲）。
然後再有一個係真係唱到和音，加兩個勉強可以幫手唱和音，
再練到唔駛互望都做到所有透氣位同停頓位一致，咁先係合唱麻。

Bluejays

雖然我都想 思思 越快走越好，
但我都覺得 Uka 係去錯地方。
佢係應該參加 CASH，
而唔係一個純唱歌比賽，因為佢真係唱得差。

Bluejays

零鏗
Our_Souvenir 發表於 2014-11-23 01:24

Alfred 唔係唱完 巨聲 先比 何生 發現去簽佢架。

喺 TVB 仲未清楚香港夠唔夠 talent 去做唱歌比賽之前，
志雲大師搵左香港啲唱歌學校嘅學生去試音，
但係試完好耐都仲未決定開巨聲。
何生喺呢個階段聽左 Alfred 嘅 demo，約左佢出嚟傾想簽佢，
但之後巨聲又決定做，相方都覺得先參加比賽比較好，
何生就到比賽完先再搵樂小姐傾簽 Alfred。

所以 Alfred 唔係自己填表，而係 TVB call 佢翻去參加巨聲初賽，
而 Alfred 喺勁歌拿新人金嘅時候，
亦特別多謝志雲大師，話冇佢冇超級巨聲。
呢段歷史，Alfred 同 何生 喺訪問度都講過，唔係秘密。
所以何生咁錫 Alfred，係有原因嘅。

Bluejays

回復  Bluejays
真係即刻想睇番啲舊片。。。仲有，話曬唱歌比賽，點解不停聽到D參賽者話未合唱過 ...
sosomusic 發表於 2014-11-23 11:05

我今朝睇翻好多巨聲啲合唱舊片了，都唔明點解好似兩個世界咁。

以前啲評判係評論有冇個人特色，唱唔唱到首歌嘅味道出嚟。
而家？淨係講音準已經講晒啲時間去，編排上有少少特色已經要讚。
以前？音準同有心思嘅編排係參賽嘅基本，根本唔會拿出嚟講。

Bluejays

第五集 收視 13點，再跌 1點

Bluejays

今集啲評語，終於講翻啲有用嘅野。
估唔到 陳潔靈+趙增熹 or 陳潔靈+倫永亮 都 upgrade 唔翻啲評語，
反而嚟個 邦邦 就帶動翻個評語方向。
其實輯輯都係咁，頭幾集搵啲出名但唔識比評語嘅人做評判，
總要 warm up 翻幾集先回到魂。

好似今集係 熹熹 咁多輯以嚟，第一次肯坐中間？

Bluejays

睇個勢，換完血，個節目啲人氣會仲差。
搵得中、台歌手，都應該預左唔會有人氣加，
唔知點解仲係要行呢一步，搵翻 Karson 翻嚟咪算囉。

其實計整體平均水準，今集好過之前咁多集，
雖然冇邊個特別好，但亦唔會出現「總有幾個嚇死你」嘅情況。

Bluejays

第六集 收視 14點，升翻 1點

Bluejays

有二汶踢館!!??
會唔會大比數玩完??
kelton 發表於 2014-12-10 17:49

呢兩集係與歌手合唱，而唔係踢館吧

Bluejays

部份劇透~~~
Karson BB將會~~
表妹保莉 發表於 2014-12-10 13:55

呢個組合正啊 :0

唔知 Hanjin 係咪同 Eric 呢？
呢個組合都幾呼之欲出，佢地個改編 style 咁似

Bluejays

原來 Hanjin 係同 嚴祺 唱 Eason 嘅 阿士匹靈
二汶 係同 女版方力申

Bluejays

由頭兩集開始，我已經係最鍾意 珮珮 同 柏希 把聲，雖然唱只屬普通。
今集兩個一同 foul，以後得翻 Karson 睇 lu .....
仲有 男女兩個隊長 同埋 Alvin 都 ok 嘅。

Bluejays

第七集 收視 14點，冇升跌

Bluejays

其實揀啱人真係好緊要
揀mag/hanjin呢啲知道個比賽要求啲乜嘅
佢哋真係有做到嘢出嚟，例如唱和音...
ed8671ed 發表於 2014-12-20 22:05

其實唱歌比賽，真係要有種 style 先好睇，
就算 我是歌手 要嗌都係一種 style，
令成個 show有 節奏感，有起伏，有娛樂性。

巨聲 個 style 係着重 清新 同埋 全首歌嘅編排（係編排唔係編曲），
星夢 個 style 就係有 戲味 同 showmanship。

今集巨聲睇得我好辛苦，因為每個組合都貌合神離，
有啲就唔 care about 編排，各有各唱，
有啲就將編排左嘅野夾硬 perform 翻出嚟，睇唔到個 heart。

真係唱得好嘅，得 Hanjin 同 Mag，
可惜呢兩個咁適合 合唱 嘅歌手，都幫唔到個表演效果。
希望下一集有 CAS  Jay  Sheldon，情況會好啲。

Bluejays

頭先全部都係hanjin 唱合音...
donnalee 發表於 2014-12-20 22:38

啲參賽者一唱唔到和音，到 合唱嘅回合 就露底。
海闊天空 嗰次可以完全拋離其他參賽組別，都係呢個原因。

Bluejays

原來你想佢半紅不黑
nicholashin 發表於 2014-12-21 01:48

其實我覺得 Karson 把聲唱 高山低谷 係 ok，
我唔覺得「廣東 style」有乜野問題。
但佢同 Phil 淨係分完句，再係咁易唱幾句 unison
就叫做 合唱 呢樣野 我真係頂唔順。

Bluejays

你get錯我講咩
我意思係sony完全無能力捧人，karson如果比sony簽左只會成為另一個谷唔起既歌手 ...
nicholashin 發表於 2014-12-21 12:04

我知你笑緊 Sony :)
我只係 quote 緊 Karson 呢個 topic 最後嗰個 post 姐，
嚴格嚟講係應該 quote #494

Bluejays

Jason 又係st jo? 好多st jo wor ...
sosomusic 發表於 2014-12-27 21:02

多到 開演唱會 都要分A 、B組，
因為 演唱會音樂總監 都有兩個（或以上）。

Bluejays

為 Jay + Eric 帶翻我地翻去 巨聲 最本質嘅特色而鼓掌，
編排上 好勇，但又合適，有 heart 有 groove，
一洗上一集咁多個錯誤示範嘅痛苦印象。

同時為 Sheldon 走左入去 Chok嘅世界 而感到婉惜。
明白連 Jay 都冇銷量，Sheldon 更加唔可能行同一條路而有作為，
但係咪就冇其他可能性，一定要而家咁呢？

Bluejays

真係越嚟越悶，成班人嘅 弱點 就係 合唱 （Eric 好少少），
偏偏要佢地合唱咁多次。

Bluejays

今晚我真係覺得 Jason 唱得最好喎，係拋離嗰隻。

我估 脹爆小丸子 應該係 星夢 想簽嗰個，
有集佢拍生活花絮時，佢班唱歌朋友之中，有一個係認得嘅 ...

Bluejays

個女隊長唱到咁都有八十幾，做馬做到呢⋯
bbc0520 發表於 2015-1-17 22:04

我估係啲評判驚佢入唔到決賽，每人比高少少分佢，
點知四個加埋就高左好多出嚟。