- 積分
- 15893
- 貢獻
- 326
- 參與
- 15533
|
本帖最後由 屮SiU霖屮 於 2016-7-3 05:46 編輯
冇錯 資訊科技發展得越泥越快
人好容易就可以接觸到日新月異既科技
但可惜普遍既用戶跟本就追唔上科技知識
現實係一堆低智既用家使用緊高智能科技
我所形容既低智用家
已經唔係講緊個d插頭鬆佐然後大叫個mon壞佐個d單細胞生物
而係大部份用緊電腦上緊網既你同我
冇錯 科技可以帶比所謂用家無比方便同快捷
但當超越出佢地熟悉既範籌之後又要強行使用的話
帶來既卻係無可比擬既弊處
近排好多事都令我越黎越認同依個諗法
DeepWeb無啦啦比人大肆宣傳係其一
Curiosity killed the cat
想親自BB入去睇既請知道後果
素人閃卡再次流出係其二
當然我唔否認當中有好多人唔介意流出
但果d認為只係send比對方一個人睇就好安全唔怕就真係:DDDDDDD
依幾日個D Viral既 'Privacy Notice'係其三
亦係激發起我打依篇廢文既原因
其實用腦諗一諗都知
你打段野係wall到就保護到自己D私隱依個想法有幾咁naive
但可惜既係依個網絡上的確大把人係咁天真
科技發達 人同人之間既溝通越黎越方便
但可惜科技落係低智既用家到 就好易比有心人利用
所以我一直都覺得依堆連普通電腦/網路知識都唔識既人
好應該禁止使用電腦 以免累人累物
深究其因,大部份依堆天真低智既用家 都有一個共同點
人云亦云 人做我又做
缺少重要既批判性思維
有心人禁幾個制 一段毫無事實跟據既說話
好輕易咁萬人成虎
最慘係個萬幾二萬人比人利用佐都唔知
and 仍然覺得有隻老虎係街上面係好正常
甚至認為自己見到老虎話到比人知好犀飛利
唔該啦 用下個腦諗下先share出去係咪真係咁難
身處局外當然會覺得三人成虎好無稽
係人都唔會信
但當引申到香港社會層面
係依個連傳媒都做唔到絕對中立
冇絕對事實既香港社會入面
人們長時間只接收同一方面資訊
而唔思考下箇中真偽的話
我地又係唔係真係可以睇清楚每一件事
在此情況下 我地認為岩既事 事實上又係唔係真係岩呢
冇人會知...
以上
你最低智既版主 |
|