千嬅琴晚把聲狀態好好,聲線比之前 concert 更進步
(其 L&G 比 aal 用聲都有進步架) 不過偶有唱錯 note (佢唔係 hit 唔到粒音,佢係改左人地粒音 = =“)
同埋有唱錯下歌詞
不過比平日 d 詞算背得幾好
成個演唱會好好睇,雖然跟 rundown 錯個 song list 會好怪
但係現場個效果好靚
我同意前面有人話佢唔係好大成本,但係好多 effort
d 燈光+衫+舞蹈令成件事好正
e.g. 花與愛麗斯個 part 個燈光一轉變成淺藍燈個陣
成個氣氛形造到主人翁獨對花店既悠悠的傷感
(同埋條生菜裙實物幾靚架)
千嬅演繹比 single 碟入面成熟左
快歌真係一大驚喜
佢跳+唱得幾好
我好鐘意重新編過既大傻
好 grand
佢原來過得很快樂、萬能俠個陣我莫名咁興奮
可能因為我真係冇諗過千嬅會唱 amusic 既歌
係重新編過既歌入面
少女的祈禱、勇、大傻係幾隻改編得最出色
(其實琴日個 rundown 太長我記唔曬 d 歌)
少女的祈禱 + Harp 令 Li 隻唱左成萬年既歌有 d 新意
同埋可能千嬅要又彈又唱,變左千嬅個 focus 係個度仲好左
隻歌今次終於冇咁 Hur ,有番 d 少女味
勇個編曲同演繹繼 Wyman 個 show 後又一經典
靚聲,但今次 d 歌揀左個冇咁「老」既演繹
失色 d 既我覺得係火鳥
可能係陳輝陽個編真係太好
所以改左反而失左份流麗
唱得冇咁好係翅膀下的風
不過我明既, d 字又密又多其實好難發力
相對黎講出埃及記 d 舊歌 d 句子冇咁長係易唱 d 架
最好的債第一次唱個陣因為喊所以...
幸好「上訴」個陣唱得好好,
彌補左第一次唱個陣個缺陷
btw 能夠見證兩位叱吒風雲既女歌手錦樣同台合唱真係好 magical
同埋呢... 我遠睇千嬅彈 Harp 個陣佢好似個 d Austrian 小男孩彈 Harp
(可能因為佢又瘦仲要抱住細 Harp 啦 Haha)
p.s. 我究竟琴晚有冇聽到小城大事? 連我都唔記得左 tim
p.p.s. 我真係好開心有火鳥 :))))))))))))