容祖兒自爆擇偶條件：打開個胸圍

LoveMirkay520

34場 #容祖兒 演唱會已進行了19場，祖兒病癒後亦越唱越勇，上星期不少圈中人捧場，包括Tyson Yoshi、Jeffrey（魏浚笙）、林家謙、 甘比、李嘉欣等。而每晚安歌部份，祖兒都跟歌迷大合唱，昨晚（13日）大合照時，更扮zomb跟觀眾大合照，非常搞笑。
最近好多歌迷都指祖兒太瘦，叫她要多吃點東西，祖兒指現有51kg：「已經冇諗肥唔肥㗎啦，早午晚三餐、下午茶，完騷之後返屋企媽咪仲有宵夜，我食得落我都照食晒，因為我知道大家都唔會care我肥瘦，而家最緊要係有體力，身體健康，所以大家不用擔心。 」她又搞笑問大家：「做咗24年歌手，係咪冇歲月痕跡？睇下條馬甲線，係咪好fit呀？」
當演繹《#東京人壽》前，祖兒分享感受：「喺社會做咁多年嘢，我仍然相信世界係充滿色彩，相信世界係善良及好有希望同美好。之前有段日子，冇辦法要離開香港工作，錄咗首新歌都冇辦法返來宣傳，同大家講下我對呢首歌感受，嗰陣自己喺跑步機上聽自己首歌，流咗兩滴眼淚，首歌畀咗好多力量我，叫我唔可以放棄。我真係冇諗過首歌竟然不返來宣傳，都可以得到大家厚愛，#五台兩星期連續雙冠軍，連 #ViuTV 我都冇去過 ，都係兩星期雙冠軍，應該係我人生史上第一次咁好成績，好溫暖。所以我同自己講，我可以返香港我就一定會喺舞台上同大家分享呢首歌：《東京人壽》，呢首歌教會我活在當下，珍惜現有，珍惜身邊一切。」
此外，熟女祖兒談到好多朋友都戥她着急：「佢哋成日話，我再唔搞就冇得生㗎啦！」觀眾大叫：「點搞先？搞咩先？我喺度呀，結婚啦！」全場爆笑，祖兒聞言忍笑答：「唔係呀，即係『搞掂』佢呀，哈哈哈！呢度好色情呀！」
她又自爆擇偶條件：「其實我要求好簡單，只係希望五官端正、身家清白、有頭髮....點解咁難搵？所以我覺得一定係我心態問題，於是我同自己講，唔好諗咁多啦，打開個胸圍...打開個胸懷先係....哈哈哈！」錯將「打開胸懷」講為「打開胸圍」 ，又引發全場大笑。
此外，下星期五(18日)  祖兒將為她的善慈基金籌款，於演藝學院舉行一連三日「#容祖兒善慈義賣會」，連同身邊的好友進行斷捨離，義賣新衫、褲、鞋、手袋、飾物等。

容語錄

LINK