ambrose121

由於今日在新聞見到有一些歌星上咗中港合拍節目，雖然都預咗，但是都令我好唔開心，本來一早諗好的十大及歌手獎決定要學903，實行調位大法。

年度十大：（唔一定係5分作品，反而係一年之後，我覺得最耐聽同埋有深刻體會的作品）
至尊歌：留下來的人 - C AllStar
C AllStar唱歌一向好聽，不過以前好少聽，其實我被一刻戀上洗腦之後才開始聽，聽返之前的歌原來真係好聽，這首歌令我覺得好唏噓，究竟留下來的人要點樣活下去，這首歌俾咗好多啟示。

第2位：Dear My Friend - 姜濤
姜b的唱功其實唔係好好，但勝在情感真摯，能夠感動到人，他的歌有種跟人說故事的感覺，他和中鋒的友誼真係令我好感動，學會要好好珍惜朋友及身邊的一切，失去左就返唔到轉頭。

第3位：先哭為敬 - 鄭欣宜
Joyce既唱功真係一流，係全香港女歌手top 3之一，她又好運，經常遇到好歌，好歌加上好唱功，達到事半功倍嘅效果，作曲又好，係一首高質作品。

第4位：E先生連環不幸事件 - 呂爵安
Edan唱功的確令我有點保留，但係呢首歌可能用咗好耐時間錄，他又有感情，帶出連環不幸的遭遇，令人深感同情，令我不斷loop。

第5位：記憶棉 - 張天賦
這首係一首難唱嘅情歌，情歌表面好容易歌，但係當中投放嘅感情其實好考功夫，MC正正完美地演繹出個種感情，控制得好好，經過落榜事件後，我更覺得電台的taste同觀眾差別好大，最後我稍微調高咗名次。

第6位：因愛之罪名 - 馮允謙
Jay作曲好，唱又好，係優秀唱作人。今次首歌我最鍾意高音部分，令我不斷loop，享受歌曲，個人好high。

第7位：最難行的路 - 鄭欣宜
呢首歌作曲好平淡，首歌最考歌手演繹的方法，Joyce能夠掌握到當中嘅竅門，接近完美地演繹，一年出咗四首歌，首首都有份量，令我破例俾一個歌手兩首十大。

第8位：離不開 - 謝安琪
Kay做獨立歌手之後嘅第一首歌，係好舒服的歌，可以洗滌心靈，慢慢靜下來，放下愁緒，好好享受，休息下，呢首歌嘅填詞係非常之好，有文學修養及詩意，可以學下當中的意思。

第9位：久天長地 - 許廷鏗
我反而唔係咁鍾意佛系人生，覺得Alfred在呢首歌嘅演繹比較好，唱得有感情，帶出一種淒楚的感覺，我真心覺得他應該一年出一首情歌，咁樣他的事業可以更上一層樓。

第10位：鐵樹 - 林欣彤
呢首歌好有正能量，可以鼓勵到人，當中帶出嚟嘅意思好好，要學懂自愛，珍惜自己，Mag演繹幾好，Jude作曲其實好高質，不過由於發生咗啲事，令到我幾失望，最後我大幅調低左呢首歌的名次。

十大以外（排名不分先後）：
我不是邱比特（合唱版） - 曾比特/JC
一表人才 - 呂爵安/邱鋒澤
別放棄治療 - 連詩雅
It’s OK To Be Sad - 衛蘭
逆時車站 - 洪嘉豪
關於愛的碎念 - 林奕匡
人類不宜飛行 - Dear Jane
火和火柴 - 吳若希

年度歌手（根據playlist播放率而定，包括跨年作品）
男歌手：
金：姜濤 銀：張天賦 銅：張敬軒
女歌手：
金：鄭欣宜 銀：謝安琪 銅：衛蘭/林欣彤
組合/樂隊：
金：C AllStar 銀：Dear Jane 銅：Mirror
唱作人：
馮允謙
男新人：
張天賦
女新人：
張蔓姿
新組合：
石山街/MC $oho & KidNey