「宇宙最強」甄子丹同汪詩詩育有一子一女,大女兒甄濟如(Jasmine Yen)今年19歲,今日宣布正式加盟索尼音樂旗下RCA Records(大中華地區)攻入樂壇,以唱作人身份出道,首支單曲《idk》同時面世。
Jasmine 7歲就開始作曲,至今已完成70幾首歌,9歲的時候,Jamine曾經喺一次大型演出中獻唱英國歌后Adele嘅《Rolling in the Deep》,完全冇怯場,唱片公司CEO Andrew Chan睇過後讚口不絕:「從那一刻起,我知道她注定要成為明星。」
Jasmine新歌係一首結合Pop、 R&B,輕快得嚟又節奏澎湃嘅歌曲。歌詞講述一段曖昧嘅情感關係,好有少女情懷,帶出嘅訊息係戀愛中都要跟隨本心,唔使為咗另一半委屈自己。想要愛別人,首先要愛自己。