去年勇奪新地至尊唱片大獎的Gin Lee,昨日得悉自己的大碟《Live in the moment》入圍我最喜愛的唱片五強後,隨即展露笑容。「舊年好感恩自己隻《BeGin》可以攞到至尊唱片,因為呢個獎好難攞。今年自己出左一隻全現場錄音既大碟,自己好滿意,聽講銷量都好好,希望可以再攞多次呢個獎啦!」被問到同門師姐吳雨霏宣佈強勢回歸會否造成壓力,Gin Lee笑言沒有。「唔會啦!佢對我好nice,有send massage同我講我隻碟好聽。我好多謝佢!希望有機會同佢合作。」記者問她覺得誰才是環球「一姐」,GinLee二話不說地回答Kelly(陳慧琳),擺明不放Kary(吳雨霏)在眼內。