《940920》(《二月廿九》續集) 討論區

HOTMAN

  
  

  

  

  



監製/導演: 羅嘉駿
主演: 吳海昕、徐天佑、劉俊謙、蔡思韵
簡介:余家聰（劉俊謙飾）認識Yeesa（吳海昕飾）前一直醉心哲學，對奇幻事件絲毫不感興趣。大學時期家聰為寫博士論文，朋友巴西龜（岑珈其飾）提議他嘗試靈性藥物，卻遇上騙子，丟失了與母親的唯一一張合照。家聰找到當天扮演薩滿的女孩，竟是自己的兒時玩伴林楚凝（蔡思韵飾），但楚凝堅持自己未有參與活動。更難以置信的是，楚凝表示自己有進入相片世界的能力！家聰帶著疑問，與楚凝展開一段奇幻冒險之旅
類型: 科幻愛情

3月7日21:30於ViuTV正式開播

HOTMAN

今晚9:30有《940920》團隊《今世做電視》

RVHOCPC

支持謙b

梨胃言

今次無北海道景

alison1225

等呢套好耐了

rickychan0809

兵佑黨 揮手

babyshark

徐天佑係咪無份拍？

rickychan0809

徐天佑係咪無份拍？
babyshark 發表於 2022-3-5 20:33

你再擘大眼睇下d posters

babyshark

回復 8# rickychan0809


    劇情介紹完全無佢個名，所以先問下

edwardngwy

喜歡天佑

Pure.

前幾日先睇完二月廿九
當然會支持
雖然冇乜劇續集會好睇過第一集,
希望可以keep到

HOTMAN

謙謙：「會長返嚟啦！聽日就係《940920》首播，大家重溫咗《二月廿九》未先？
與其話呢個係一個愛情故事，我覺得睇角色點樣喺超現實嘅事件中成長更加貼切。我哋處於困境，可唔可以依然選擇相信？信念未必可以帶來改變，但係能夠喺絕境中依然懷着信念，已經係一個好美麗嘅過程。

希望呢套劇，能夠為你哋喺紛亂嘅世界當中，帶來慰藉。朋友們，聽日見！

kaman921

有啲期待

Nicholas

萬眾期待YEESA出嚟啦

edwardngwy

好似得10集

hehemamama

小家聰好得意

HOTMAN

我諗假如觀眾係冇透過宣傳知道有平衡宇宙同穿越嘅話，捱唔到第一集囉

梨胃言

張敬軒

HOTMAN

張敬軒客串！

Pure.

啱啱睇完尋晚嗰集, 諗到個鬼故事,
秋叔話向余母借錢幫林楚凝做手術,
會唔會係中秋當晚秋叔因為冇錢還而動手殺余母,
所以之後突然連夜搬離舊居?

Nicholas

啱啱睇完尋晚嗰集, 諗到個鬼故事,
秋叔話向余母借錢幫林楚凝做手術,
會唔會係中秋當晚秋叔因為冇錢還而動 ...
Pure. 發表於 2022-3-9 21:23

   秋叔應該係同余母嘅死有關 甚至我覺得秋叔係本身都識穿越
   包括尋日林楚凝返返去十五日之前秋叔都見到佢 所以感覺秋叔係貫穿所有穿越
   秋叔貌似係老人痴呆 但係每一句說話係推進緊會長幫林楚凝穿越
   不過唔希望係咁狗血啦 純粹係借錢就殺左佢老母哩個太狗血

powerful

秋叔應該係同余母嘅死有關 甚至我覺得秋叔係本身都識穿越
   包括尋日林楚凝返返去十五日之前秋叔都 ...
Nicholas 發表於 2022-3-10 11:04

如果好似某美國穿越劇 (唔講邊套) 橋段咁，係楚凝穿越搞到秋叔記憶混亂導致腦退化，個情節會好絕同sad

Pure.

秋叔喺啱啱嗰集,
被困喺房間唔畀出去嗰時,
好似講咗句類似 "唔係我唔記得, 係佢唔記得之嘛"
唔知我有冇聽錯,
暗示有第二個秋叔存在??

Nicholas

秋叔喺啱啱嗰集,
被困喺房間唔畀出去嗰時,
好似講咗句類似 "唔係我唔記得, 係佢唔記得之嘛"
唔知我有冇聽 ...
Pure. 發表於 2022-3-10 22:32

是咪清醒嘅秋叔穿越咗去月圓之夜嘅秋叔

Pure.

是咪清醒嘅秋叔穿越咗去月圓之夜嘅秋叔
Nicholas 發表於 2022-3-10 22:45

Maybe 一個時空嘅秋叔係清醒, 一個時空嘅秋叔係失智嘅,
而清醒嘅秋叔係知道失智秋叔嘅存在

Edited: 睇完第五集, 覺得誤解咗秋叔嘅意思.
清醒嘅秋叔認為失智嘅佢唔係佢, 所以先有 "係佢唔記得之嘛" 嘅說法,
而唔係指平行時空裡有唔同嘅佢.

HOTMAN

今日楚凝同會長喺天台一場，點明咗呢5集嘅主旨，非常白，所以抄低咗
方便冇睇套劇嘅人，寫返演員名

反白睇，防劇透

蔡思韵：我有穿越能力，但係就乜都改變唔到，個天係咪喺度玩緊我。
劉俊謙：人生好似好多嘢都冇得揀，失憶唔到我哋揀，比最愛嘅人拋棄唔到我哋揀，可能對秋叔嚟講，係佢意識最清醒嘅時候，可以自由咁揀，係對抗命運唯一嘅辦法。
蔡思韵：但爺爺（秋叔）唔係為咗佢自己揀，爺爺係為咗我哋揀，揀咗個最辛苦嘅方式離開。
劉俊謙：我一直搵緊嗰張相，係我同我阿媽嘅唯一合照。你離開勵德樓個晚，我阿媽自殺，之後我一直喺度諗，係咪我做錯咗啲乜嘢呢，我覺得一定係我做錯咗啲乜嘢，先至會令到我阿媽咁唔開心，好想搵到答案，我好想搞清楚點解件事會咁樣發生。讀咗哲學之後，我先至發現原來好多嘢唔係剩係得黑同白，啱同錯，我哋可能未必認同對方嘅決定，但係大家承受嘅嘢都唔同，我哋能夠做嘅就係尊重對方嘅決定，尊重佢嘅選擇，用我哋嘅記憶，延續佢哋嘅存在。

Quokka134

好可惜，我比較鍾意的一個角色在戲中死咗……唔知最後結局係點呢？
仲有5集！好亂……

kaman921

好正 認真毛客串

Nicholas

哩個橋段好恐怖

kaman921

金都男主角 做過舞台劇係唔同啲

HOTMAN

某演員唔係以為自己好好演技下嘛 個個鏡頭都肉緊到痾爛屎咁  躝啦

梨胃言

今集咩事
完全無Yeesa

edwardngwy

朱康好唔掂喎

Pure.

睇完尋晚嗰集,
覺得個修補遺憾服務好無謂,
要有幾低智先可以諗到呢個服務

梨胃言

撞一撞就失憶？

Quokka134

接近第10集，開始好睇,但好似女主角好蠢，有D位唔太正常?但時間線同空間可以穿在一起，亂……

HOTMAN

《940920》下篇負評不斷
導演Steve坦承誤判
親解台灣原版分別

由 #羅嘉駿（Steve）監製兼執導，#劉俊謙、#蔡思韵、#吳海昕、#徐天佑 主演的ViuTV原創劇《940920》，故事延續極高口碑的劇集《#二月廿九》，上周首播已有迴響，但今周進入下篇，播完第六、七集，被批評得體無完膚。

Steve前晚在劇集出街後，仍有開台傾偈，但昨日宣布要休息過冷河，閉關一日後，在第八集播出前， IG撰下長文道出作為創作人所能承受，Steve坦承指近幾日失眠發惡夢兼胃口不佳，但仍在各平台睇完不同意見，自覺因誤判，令心血作品不似預期：「這次劇本上的失誤確實是我個人的判斷問題，我是作出決定的人，要負上最大責任，與編劇和演員無關。」

《940920》由決定開拍之初，遇到唔少波折，原本劇集有部份故事要到台灣拍攝，可惜因為疫情要臨時改變計劃，正如他說牽一髮動全身，無論劇本、場景與演員都要在短時間內執位。原本Steve希望待《940920》大結局，才會分享台灣版本的故事，但經過今次批評，Steve提早拆解兩個版本的不同之處，當中涉及到今次廣受批評的部份：「回想2年前，我們決定要拍940920台灣版，故事中林楚凝是一個大學生，她和父親秋叔（對，不是爺爺，菱姨是楚凝的後母）都有入相能力，二人一直以來都因入相後遺症而受到短暫失憶的折磨。」原版本中，余家聰與楚凝成立「神聖幾何學會」，就出於研究穿越能力而成立。Steve寫道：「這個版本的940920，沒有阿月、沒有奸角、沒有什麼懸疑成份、也沒有勵德樓，家聰只有兩個目的，救回困在時空遁環的林楚凝，和搞清楚94年9月20日發生了甚麼。」

然後，疫情爆發，台灣封關。
控制不少環境，被迫改劇本，Steve形容編劇房一片愁雲慘霧：「牽一髮動全身，基本上改了地點，等於重頭開始。」Steve指填補劇情的過程中，加入了很多元素但又想保留台灣版的設計，令好多劇情變得有形無神：「以為有些情節可以輕輕帶過，怎知會出現災難性影響。說實話，我好像失去了判斷好壞的能力。」他指為《940920》忙足四年，原本以為可以填補《二月廿九》遺憾，可惜帶來更大遺憾，明言下套劇集會繼續努力，希望有更好經歷。
補充：
《940920》分10集，今周開始進入下篇。尤期是剛播出的第六、七集，有網民睇完紛紛表示不似預期，簡單歸納以下數點網民投訴：
一）阿月角色大暴走，無論楚凝與家聰都忽然衝動單拖見阿月，將自己投入到危險處景；
二）楚凝第七集撞到後腦短暫失憶，被指做法「大台」兒戲；
三）「試當真」放入劇集毫無作用，有網民建議做法參與巴西龜與嘉嘉的地平說短片，當外傳更恰當；
四）覺得Yeesa要做主角，應該有更多戲份，盲目反對楚凝。

出文後，Yeesa吳海昕即留言力撐︰「永遠支持我刀！」劇中家聰媽簡慕華︰「加油，繼續努力。」唔少網民都留言為刀導打氣。

創作人透過作品抒發所想，一旦失誤，就如情感失控。呢點作為導演又是演員彭秀慧好明白導演Steve心情，她留言給他︰「每一個創作都不容易，已驗證作為導演，每一個決定都只能屬於當下，而每一個當下都有很多因素，只因為著緊才會感到遺憾，只因為想做得更好，才會感到沮喪，路漫漫成功或失敗，都不是一次定輸贏，也不必有輸贏，我都會這樣提醒自己，繼續努力。」

對，只因著緊，才會感到遺憾。

#娛壹

梨胃言

《940920》下篇負評不斷
導演Steve坦承誤判
親解台灣原版分別

由 #羅嘉駿（Steve）監製兼執導，#劉俊謙、# ...
HOTMAN 發表於 2022-3-16 20:52

依2集部分情節勁膠

Nicholas

依2集部分情節勁膠
梨胃言 發表於 2022-3-16 20:55

    其實係 朱柏康狗血過tvb 同埋唔好係咁為左出邊個邊個而出 同條story line冇關嘅真係唔洗出
    得果10集都仲晒哩d集數去出其他人 個重點又縮到得10分鐘咁就真係唔係咁好
    不過條故事線都仲係叫冇好大漏洞 不過失憶果part真係又係唔合理- -

Nicholas

Yeesa is the HBIC!
nicknicknick 發表於 2022-3-17 11:12

   Yeesa哩輯都轉左做入相啦

HOTMAN

依2集部分情節勁膠
梨胃言 發表於 2022-3-16 20:55

抵啦，用得某演員就預咗仆直，
一個人出得一part仔就破壞一套劇，破壞力驚人

梨胃言

抵啦，用得某演員就預咗仆直，
一個人出得一part仔就破壞一套劇，破壞力驚人 ...
HOTMAN 發表於 2022-3-17 17:19

阿月破壞哂全套劇

梨胃言

點解套劇要加奸角
次次阿月出現啲劇情都好膠

edwardngwy

得返1集忍埋佢 不過一有朱柏康條線就好差

梨胃言

得返1集忍埋佢 不過一有朱柏康條線就好差
edwardngwy 發表於 2022-3-18 01:21

而家套劇嘅問題同去唔到台灣拍似乎無乜關係

kaman921

其實套戲開頭有啲悶
之後係好啲 係呢個禮拜劇情有啲膠 朱康好恐怖

Nicholas

點解套劇要加奸角
次次阿月出現啲劇情都好膠
梨胃言 發表於 2022-3-17 22:17

   係 全部都係 CLS
   唔識欣賞朱栢康喺哩套劇嘅角色設定
    CUT走所有人朱栢康個角色其實係stand alone 係可以開多套劇

梨胃言

好膠
Yeesa又自爆

梨胃言

係 全部都係 CLS
   唔識欣賞朱栢康喺哩套劇嘅角色設定
    CUT走所有人朱栢康個角色其實係stand al ...
Nicholas 發表於 2022-3-18 21:46

係咪第一次大結局無開FB Live

Nicholas

係咪第一次大結局無開FB Live
梨胃言 發表於 2022-3-18 22:34

    係啊 唔敢開驚俾人 _