吳浩康背住未婚妻Sherman 偷食長腿巨胸女

一次不忠，百次不用。無論做到幾洗革面改過都好，原來到最後，仍然係經不起考驗。人版就好似，吳浩康咁。當年胡定欣喺佢最失意時仍然執手共度難關，但最後男方轉投大馬富家千金莊思敏懷抱。

經歷過涉毒事件，同莊思敏手已分，最後(好似係)情定鍾舒漫，仲求埋婚，又話婚期定於明年或後年，當時鍾舒漫仲大讚男友好保護佢，係一個好好嘅人選。

明年先至結婚，拍拖兩年，吳浩康根本都未玩夠。年廿八先至同女友去睇戲兼恩愛合照，鍾舒漫仲寫道:「今天是我經歷患難的一天，幸好我喜歡向前看，晚上再來一個好看的Movie！woohoo.....!」豈料第二日男友就送咗個大驚喜俾佢——拖住個長腿巨胸女漫遊尖嘴，又燭光晚餐，情到濃時更咀嘴，旁若無人！

今日有周刊登晒吳浩康當街食巨胸女連環格，唔知情真係以為佢係拍緊戲囉。年廿九當晚，吳浩康同一女友人及該名巨胸女去尖嘴食飯，又煙又酒，吳浩康未知是否不勝酒力，眾目睽睽下摸巨胸女面珠，女方亦不時「回禮」同佢咬耳仔，又餵吳浩康飲佢杯啤酒，之後更發展到「互餵」。

食到晚上十一點左右，三人轉場唱K。及後巨胸女話攰攰要走，吳浩康即送佢落樓。可能佢兩個真係太醉喇，竟然十指緊扣，吳更攬實女方纖腰。兩人拖住手仔喺尖嘴街頭行都唔止(吳浩康冇戴超)，好戲在後頭，女方上的士前，吳浩康一把攬實佢，合埋眼，一嘢咀埋去，兩人啜啜成15秒！

其實去年中，吳浩康已被爆參加船P媾女，搭晒膊頭合照。事後男方死口話應表哥邀請參加船P，又話人哋搵佢合照，佢都係禮貌應酬。而鍾舒漫當時就回應話對佢絕對信任，仲嗌大家唔好成日拎男友以前負面新聞嚟講，仲話下次有咩活動，「我死都跟埋去」。今次，吳浩康偷食巨胸女，真係好難俾鍾舒漫跟埋一齊去。

SOURCE: http://hk.apple.nextmedia.com/enews/realtime/20150226/53474761
-----------------------------------------------------------------------------------------------
吳浩康個形象真係差到一個點.......

吸毒已經夠死, 仲有D溝女史多到恆河沙數

而家又玩埋偷食

講真DEEP 以前D歌真係好好聽, 但接二連三都咁唔潔身自愛

N年前已經衰過一次嫁喇
難得蛋記仲可以前事不計比佢繼續唱歌, 仲比佢夾埋BAND組隊CLOSER重返樂壇
而家再爆多單咁負面既新聞.....衰過都唔識去珍惜

真係冇眼睇佢

希望SHERMAN咪鬼同哩D賤男結婚

Kyle_

金牌會員

Rank: 6 Rank: 6

積分: 4675
貢獻: 504
參與: 4171

2^#

發表於 2015-2-26 22:29 | 只看該作者

SHERMAN 回應:
SOURCE: http://hk.apple.nextmedia.com/enews/realtime/20150226/53475208

鍾舒漫之前就男友啜爆巨胸女15秒一事時，回應周刊謂「我好突然」，但又謂未見過輯相，故此仍選擇相信男友，但都會問番對方乜嘢事。

至於私底下，據知情者透露，鍾舒漫的確係唔信男友偷食:「佢噚晚知道呢件事，佢唔信，因為覺得男朋友好好囉。佢冇喊，但好唔開心！」

下午兩點左右，鍾舒漫喺ig貼長文回應，承認已看過報道中嘅相同影片，佢話:「當然我心裡不舒服，也懇請各位不要按所看的判斷事情，相處之間所經歷的不是外間能看到的，現在為止我都能肯定對大家說他在很多範疇都值得被我支持，將來的事沒人知道，但現在我們會好好處理我們的關係，不多交帶了，畢竟是兩人之間的事情是嗎？」

鍾舒漫又寫道:「至於結婚的傳言，重申有談論過，計劃過，哪有女人不想踏上完整的婚姻之路？但真的還在遙遠的將來，現在心還在音樂上。」仲不忘推介佢同妹妹稍後有新作品推出，似乎心情仍算平靜。

未幾鍾舒漫稍稍修改回應，將「現在為止我都能肯定對大家說他在很多範疇都值得被我支持」改為「現在為止我都能肯定對大家說，他本身對工作及人生的正面積極態度，都值得我支持的。」

小白發短消息加為好友小白當前離線帖子 496 積分 257 貢獻 31 參與 226 AP 0 最後登錄 2015-4-2 禁止訪問積分 257 貢獻 31 參與 226	36^# 發表於 2015-3-1 19:04 \| 只看該作者提示: 作者被禁止或刪除內容自動屏蔽

	TOP

吳浩康背住未婚妻Sherman 偷食長腿巨胸女

[收藏此主題] [關注此主題的新回復]

[通過 QQ、MSN 分享給朋友]