向雪懷鬧叱咤侮辱男歌手如籃球之神拎足球先生

古天樂喺元旦拎咗商台「叱咤我最喜愛的男歌手」，稱霸歌影視。好多人食住花生咁聽佢唱《男朋友》，無論台上台下都好好氣氛。加上佢作為演藝人協會會長呢個身份，佢得獎時話好想幫樂壇，又約過唔同歌手食飯，為樂壇出一分力。

不過，由古天樂有提名開始，到賽果一出，有人質疑古天樂只係唱咗半首歌，而且演出平平，頒呢個獎俾佢，抹殺咗其他男歌手整年嘅努力。

今日填詞人向雪懷喺微博鬧爆商台侮辱所有男歌手：「一直以來都不喜歡香港商業電台對音樂的取態。作為一個由政府支持，為大眾巿民服務的電台，將香港一班努力為音樂的朋友推落崖。當年的領導俞琤封殺所有外國歌、翻唱歌、劉德華、鄧紫棋。」

「今日更離譜，頒發叱咤樂壇流行榜『最受歡迎男歌手』獎給古天樂，簡直是對所有男歌手的最大侮辱。荒謬如宣佈美國籃球員麥可.喬丹（米高佐敦）贏了足球名將美斯獲選『全球最歡迎足球先生』。可悲的香港商業電台，一個不是為我們服務的電台。更可悲的是香港音樂人活在這個電子媒體下。你們再努力，都沒作用了」。

不過，是咁的，商台其實係一間私人商業機構，估計向雪懷所指嘅「一個由政府支持，為大眾巿民服務的電台」，應該係想講香港電台，而港台舉行嘅十大中文金曲，就將「最優秀流行歌手大獎」頒咗俾張敬軒。另外，向雪懷所提嘅「最受歡迎男歌手」，其實係無綫嘅獎，而「2018年度勁歌金曲頒獎禮」要到今個星期六（12日）先舉行。

========
https://hk.entertainment.appleda ... e/20190106/59111265

有人幫漿漿岀聲

HINZ TOP 20 Week 51
01　我心中尚未崩壞的部分 - 黄妍
02　著地 - 鄧麗欣
03　Pretty Liar - 章尾而

魅影王子

初級會員

Rank: 3 Rank: 3

積分: 135
貢獻: 55
參與: 80

56^#

發表於 2019-1-8 21:40 | 只看該作者

本帖最後由魅影王子於 2019-1-8 21:41 編輯

向生嘅為人都唔系咁值得尊敬，有啲前輩真系當正自己仲喺江湖好有號召力。

大陸有個臭名昭著嘅豬肉獎《華語金曲獎》，近幾屆試過一次頒170幾個獎。向生喺呢個獎成立時掛名做咗個主席，但實際掌權嘅系秘書長。

今年向生跟秘書長正式公開翻臉，自己發聲明炒秘書長，想獨霸呢個獎。但呢個獎所有權系歸秘書長個人公司註冊咗，向生搶唔過嚟，拉走咗朱明銳等一批人，另起爐灶搞個《全球華語金曲獎》，仲要話系《華語金曲獎》嘅傳承和延續。

《全球華語金曲獎》舊年11月喺澳門頒咗120幾個獎，明明系豬瘟獎，仲要死撐自己專業公正。有歌手當場發爛渣，喺台上公開指摘，然後擺低個獎就走。

所以呢，向生憑乜去批評叱咤。

向雪懷鬧叱咤侮辱男歌手 如籃球之神拎足球先生

[收藏此主題] [關注此主題的新回復]

[通過 QQ、MSN 分享給朋友]

向雪懷鬧叱咤侮辱男歌手如籃球之神拎足球先生