連累同事丨謝安琪惹廣告商不滿被飛 與Juno不和升溫
本帖最後由 HOTMAN 於 2020-11-25 01:10 編輯
謝安琪（Kay）的社交賬戶日前被發現突然不再關注麥浚龍（Juno），有報道指兩人不和兼零溝通，關係決裂。據悉，Kay加盟Juno的幻國旗下後，三年來雙方關係不俗，至近日兩人合作的專輯企劃《The Album》來到最終章，關係突然進入冰封期。
今日有知情人士向《蘋果》爆料，透露Kay令幻國損失7位數字廣告代言收入，更間接連累有人失業。知情者指年初Kay曾獲廣告商邀請，以7位數字擔任收身代言，無奈數月後身形仍未達標：「原本年初就想開拍，不過大老闆見到佢仲係肥，都畀時間佢再減。」
知情者謂Kay的減肥計劃遲遲未有成效，全因她不聽團隊意見：「佢根本冇用到啲收身產品，仲要無啦啦搵個健身教練幫佢操肌，瘦唔到仲話係個客啲嘢唔得。」又指此舉令品牌高層大感不滿，認為Kay未有好好履行合約精神，亦不尊重品牌：「佢仲喺IG出咗張同健身教練操肌嘅相，咁品牌角度會擔心，第時同佢拍收身廣告，啲客都覺得唔夠說服力，萬一變咗肌肉型就大件事，完全都唔係收身纖體嗰樣嘢。」
廣告商亦要求Kay不時提供近照，方便追蹤她的減肥成效，但Kay遲遲未有回覆。知情者又說：「搞到9月諗住拍嗰陣，見到佢都係好肥，加埋疫情又唔想大家聚集，都諗住出年初先影。」不過，Kay的態度一直顯得不合作，更認為是廣告商問題，有關員工為能促成雙方合作，已處處遷就及體諒，一再推遲拍攝，希望Kay有充足時間作好準備，惜最終事情泡湯。知情者不甘有人因此賠上工作，忿忿不平說：「呢單嘢搞到品牌個大老闆好嬲，覺得成條marketing team都做唔到嘢，炒晒成班人，而家個個都未搵到嘢做，咁嘅時勢真係好慘，大家都係打份工。」
各行各業受武漢肺炎拖累，尤其娛樂圈幾乎全面停工，逆市下，Kay令幻國損失7位數字代言費，更間接連累廣告商僱員被炒，前路茫茫。
除了引起廣告商不滿，Kay與Juno的不和傳聞亦升溫。日前有報道爆Kay悄悄取消關注Juno的IG，雖然她向傳媒指社交賬戶由幻國團隊代為處理，對unfollow一事不知情，但報道出街後，Kay便重新關注Juno。事有湊巧，今年9月底，她突然開設新IG賬號，大賣清新、健康生活形象，與以往賬戶風格迥然不同。新賬戶於9月底建立，至今卻只是上載了12個帖子，似乎並非幻國為Kay安排的新路向，更顯得有人想自組山頭為日後鋪路。
《蘋果》致電幻國了解，問到Kay早前是否被取消纖體廣告，其發言人以短訊回覆：「因疫情以及種種原因，在雙方有共識下，是次合作中止。」至於她突然開新IG賬戶，幻國方面表示公司從不插手或管理藝人的個人IG，因此對新社交平台賬戶一事不予置評。
連結：https://hk.appledaily.com/entert ... EBCY7K7HIDCSEVZFSY/
/cloudfront-ap-northeast-1.images.arcpublishing.com/appledaily/JG4NP2O6FZDZ5LSIV67SMU7VJM.jpg)
/cloudfront-ap-northeast-1.images.arcpublishing.com/appledaily/QZIULXQHB5GJ7NB5MBIY5TUOFU.JPG) |
發表於 2020-11-25 01:09
| 
不過都算唱得ok
