- 積分
- 40433
- 貢獻
- 4789
- 參與
- 31120
|
49#
發表於 2016-5-13 21:26
| 只看該作者
落選賽聽日就開始啦, 10 日之後就會知邊 D 隊伍可以拎到最後嘅入場劵, 而之後一日就會知道美非區邊隊入圍, 就會知道里約奥運嘅分組名單 !
落選賽 8 支嘅參賽隊伍, 秘魯同哈薩克就弱 D, 不過哈薩克有時都會打到 D 野出黎, 希望哈薩克可以打得好 D, 做下攪屎棍, 咁比賽都好睇 D XDDDDD
跟住就想講下南韓同多米尼加, 今次南韓無送分姨, 太可惜啦, 好想繼續睇佢打波, 另外估唔到無發球機器文正媛, 而金哥方面, 上個月打完歐冠就返南韓準備落選賽, 真係唔知佢狀態方面可唔可以 keep 到, 而且佢地又無搵人打練習賽, 可唔可以喺第一日就投入到比賽氣氛都係未知數 ! 同樣無搵人打練習賽嘅仲有多米尼加, de la 終於養好傷返黎, 雖然唔清楚佢狀態好唔好, 不過佢嘅回歸確實幫到其他隊員嘅信心架 !
至於泰國, 真心希望佢入到奥運, 奈何隊中大部分都係老將, 而新人方面仲係有好大嘅提升空間, 舊年主打副攻 Hattaya 因為手部受傷而缺席, 希望之前都係受左傷而返返黎主力嘅另一個後生副攻 Thatdao 可以加加油 !
跟住到兩支歐洲隊, 意大利同荷蘭, 佢地都唔係無咩擔心嘅, 意大利老嘅老, 嫩嘅嫩, 好似 Bosetti 姊妹, Diouf 等嘅中生代球員都喺 14 人名單到出局, 喺歐預賽我地都見到意大利嘅一傳真係唔穩陣, 最後都係靠新人 Egonu 嘅發揮而幸運入到打落選賽嘅機會, 而今次意大利都喺一傳諗諗計, 繼續有 Del Core 再加今次歐冠發揮出色嘅 Piccinini, 唔知有無用呢 ? 荷蘭係今個周期裡面進步最大嘅球隊, 但係今個周期對陣亞洲球隊嘅次數少之又少, 所以可唔可以壓制到亞洲球隊嘅打法都係需要荷蘭去研究研究 !
而喺最近意大利同荷蘭都同左日本隊去打練習賽, 兩場比賽都係日本隊贏嘅, 而尋日公布嘅名單大家都話唔明白, 雖然我都唔知點解可以有三個自由人報名, 定係有自由人報左主攻, 而日本呢個名單又唔知係咪 confirm 左 ... 因為喺賽程上日本係完全係一個主動嘅角色, 先打秘魯同哈薩克, 然後再打 2 個亞洲隊, 如果佢地呢到 4 場贏曬, 已經係好大機會拎到入場劵, 所以我諗 pad 叔喺揀人方面都係先喺呢 4 場到揀球員 ! 另外今次 14 人裡面, 都係希望多 D 人可以喺一傳防守幫到手, 從而可以保障到副攻 (入圍嘅 3 位都係可以打 2 號同 3 號位), 同埋可以幫到長崗打到 D 速度波, 因為佢困難波都係打得比較吃力嘅 ! 而喺 3 個自由人方面, 可能每場根據對手報 2 個, 一個防守一個接一傳, 再加木村同另一個主攻 (可能佢會溜邊專心 4 號位進攻), 亦都可以好似之前精英賽咁, 木村打接應, 同樣係可以比其中一個主攻專心 4 號位進攻, 所以喺 pad 叔今次個陣到, 可以考慮到各方面嘅問題, 亦都可以有幾套陣容去打 !
講左好多添, 希望各隊喺落選賽都有所發揮 ! 期待聽日嘅比賽 ! |
|