CBY0710

疑似rundown(部份):
我‧楊千嬅
愛一月紅館過得很快樂
愛爸媽讓我吻下去
愛阿Y的馴悍記
愛千嬅群 ...
l00540 發表於 2014-12-11 06:23

   馴悍記會系concert唱？

andymyf

馴悍記會系concert唱？
CBY0710 發表於 2014-12-11 10:55

    我估係y寫比千嬅既新歌！因為網上查「馴悍記 歌詞」得sammi既一首歌，仲唔係y填既

andymyf

疑似rundown(部份):
我‧楊千嬅
愛一月紅館過得很快樂
愛爸媽讓我吻下去
愛阿Y的馴悍記
愛千嬅群 ...
l00540 發表於 2014-12-11 06:23

    仲有愛香港的小城大事

我等我在

我估新歌馴悍記係快歌

Jacz

仲記唔記得Home出個陣
呢部大型貨櫃車每晚都係紅館外圍繞住紅館嚟開嚟宣傳 Home?
唔知今次有冇呢？

jason567

我估新歌馴悍記係快歌
我等我在 發表於 2014-12-11 12:16

唔知點解我覺得係慢歌
仲會係mark LUI 作品
歌名擺明延續野孩子

Jacz

上面係咁講黎生時期, d回憶返哂黎
猶記得化一出, 真係_出聲, 再黎每當變幻時, 加埋剪個娘頭, 個下出隻感覺好舊既集體回憶, 直情聽都唔想聽
然後不認不認, 想嘔
咁既情況下出Meridian, 自然一沉百踩, 但過左咁多年睇返, 算係A記三碟中最正常
起碼flow正正常常, 舒服, (我記得有人話好適合廁所播, 我認同)
然後歌其實係好聽(moov live高下立見), 由公認唔錯既別阻我開心, 到老土既化/最後今天, 再到惡頂不認, 全部都可以比moov翻案成功
而林夕仍然寫足大半隻碟, 林若寧既堆砌劣貨未大舉入侵, 只談都比之後既明日再會, 撈月乜乜乜寫得好

Wonder Miriam亂標高音, 歌flow唔順, 詞未到爛詞級但好多行貨, 唱腔開始亂黎,
同埋都係個樣, 出完隻啦啦誇啦啦仲要上冠軍, 好難令人有信心

反而坐艇碟期望好大, 因為好後期"原來過得很快樂"隻歌先出街, 個歌名太吸引, 加埋條橋又幾好聽, 係真命普通d姐
加上以為臨走前會出返隻好野, 點知見到坐艇同竟然有AAL都唔想聽落去,
但其實個flow係好過wonder miriam, 可惜唱腔怪, 孖公仔個咩多恐怖仲真係唱得好恐怖, 藍風箏你幸福嗎更加唔好提, 變左出碟前唔鍾意既真命天子都已經算中上

另外三碟都好多衛蘭style既歌
捉伊人好衛蘭, 擁抱回憶好衛蘭, 同病相愛好衛蘭, 知情識趣好衛蘭, 你幸福嗎好衛蘭, 藍風箏連個唱腔都衛蘭埋, 將楊千嬅當janice咁做都可算A記三年死穴

隻A Music新曲+精選其實我唔係期望有咩好聽既新曲
係好想附送AAL concert片咋
點知2010講到2014都冇出, 可能黎明太憎楊小姐, 或者楊小姐太憎A Music既歌唔比佢抽水
John 發表於 2014-12-11 10:14

笑咗

按照千嬅歷年慣例，佢臨轉會前最後一隻碟都係高質素正嘢
eg. 《Kiss Me Soft / Play it Loud》《Make up》《Unlimited》
所以大家自然對《遊艇》抱好大期望，諗住臨走前 泥生 會放晒手俾千嬅去做隻碟
點知出到嚟係一隻大家見到封面已經唔想聽既唱片
記得個陣好好笑，臨出碟之前leak咗隻碟既cover出嚟，
有fans唔信真係新專輯封面，有日千嬅出席完function之後走去問千嬅係咪佢嚟緊新碟既封面，千嬅話係


你講起先醒起 衛蘭Style 呢個Term


Amusic真係一次次挑戰嬅粉既底線，令到嬅粉相當不滿
係Amusic唯一令人滿意既就係開咗AAL呢個演唱會


Amusic識趣既就係嚟緊既精選加埋AAL片段喇，至少可以大賣
淨係出amusic啲歌我估冇乜人會買

victor1991415

笑咗

按照千嬅歷年慣例，佢臨轉會前最後一隻碟都係高質素正嘢
eg. 《Kiss Me Soft / Play i ...
Jacz 發表於 2014-12-11 14:43

a music 堆歌真係fa 粉都唔想聽
btw 隻馴悍記到底幾時有

Jacz

化份詞寫得好, 如果轉返band version即刻好好聽
本身隻歌又大路, 其實好適合演唱會唱, 不過應該AAL唱過一次之後唔會再唱了

同碟集體回憶份詞又係好好

之後林夕可能寫比Janice既寒命同主角愛我仲好過真命天子
John 發表於 2014-12-11 10:17

可能夕爺知道千嬅會結婚，所以送真命天子俾千嬅

Jacz

唔知點解我覺得係慢歌
仲會係mark LUI 作品
歌名擺明延續野孩子
jason567 發表於 2014-12-11 14:26

慢歌易hit啲
但又想係快歌，可以做演唱會主題曲

Jacz

a music 堆歌真係fa 粉都唔想聽
btw 隻馴悍記到底幾時有
victor1991415 發表於 2014-12-11 14:46

X2
勁少聽
之前有小道消息話12月中出
如果真係有新歌，應該都係 遇見愛 落咗榜就plug

rubylovessss

成條西隧都係千嬅D歌名...

Lewis

成條西隧都係千嬅D歌名...
rubylovessss 發表於 2014-12-11 15:39

    一黎就有病句

咩叫愛一月紅館過得很快樂？？？

星勤

一黎就有病句

咩叫愛一月紅館過得很快樂？？？
Lewis 發表於 2014-12-11 16:37

愛丁生的祈禱同愛爸媽讓我吻下去都好九唔搭八

林海峰真係技窮了

wildchild

一黎就有病句

咩叫愛一月紅館過得很快樂？？？
Lewis 發表於 2014-12-11 16:37

老老實實其實幾句野都好怪...................
簡簡單單整歌詞可能仲順眼

Bebu

一黎就有病句

咩叫愛一月紅館過得很快樂？？？
Lewis 發表於 2014-12-11 16:37

咪係==愛在紅館很快樂 係娘啲但起碼無咁明顯既語病
宜家係9唔搭8

Serendipity

笑咗

按照千嬅歷年慣例，佢臨轉會前最後一隻碟都係高質素正嘢
eg. 《Kiss Me Soft / Play i ...
Jacz 發表於 2014-12-11 14:43

哈哈，不過情況係掉返轉，臨走a music前係千嬅放晒手俾a music亂咁舞，最後隻碟真係慘不忍睹...

大家咁興高采烈講a music既碟，等我都分享一下先。

《Meridian》出時有啲期望，雖然化係太保守但其實千嬅vocal唱得唔錯，集體回憶又OK，點知我第一晚買咗隻碟返去聽第一次時去到知情識趣已經想恰眼瞓，嗰時已心知不妙... 其實頭嗰六首都冇大問題，只係別阻我開心之後嗰堆歌太普通了，真係首首差唔多。


《Wonder Miriam》經歷過前一年隻碟後已減少期望，大善慈家唔夠突出，明日再會其實有potential但谷唔起，撈月亮雖然娘但旋律編曲可以，算是黎生唯一貢獻，但感覺千嬅應該唔多鍾意。開碟第一首女飛俠其實幾impressed，我覺得係遺珠，可惜之後有隻愛過完全破壞晒，我ipod過歌都直接skip咗呢首，簡直唔記得有存在過。另同碟的擁抱回憶都唔錯，雖然有點似Janice之類的歌曲如寒命，但起碼是合格side track。


至於大家口說的《遊艇》肯定最震撼，當時知道其實係等完約，隻碟已沒有任何期望。但a music仍然可成功挑戰大家底(低)線，好記得一拎起隻碟見到封底設計同啲歌名已經想死，以為真係90年代的翻版碟。千嬅當時上電台訪問都狂串隻碟封面超核突，完全放晒手唔理。歌方面真命天子當時唔鍾意之後其實覺得都OK，原來過得很快樂純粹靠份詞賣情懷，麥芽糖唔plug好浪費，最驚嚇的你幸福嗎聽完一次後永遠skip，孖公仔其實Ok但衰在份詞，藍風箏唱得好勉強。


自己三隻中要排係WM>Meridian>遊艇


不過我覺得a music低潮其實都唔係唔好，因為咁千嬅先有時間拍拖結婚，這是入a music的最大收獲。

wchild

哈哈，不過情況係掉返轉，臨走a music前係千嬅放晒手俾a music亂咁舞，最後隻碟真係慘不忍睹...

大家咁 ...
Serendipity 發表於 2014-12-11 19:54

我衰到AMUSIC 果3隻碟, 我拎左去信和賣鬼左

黃家正

宣傳好dum本，即係有機會繼續加

講翻Amusic，唯一買左只Meridian第二版,封面幾OK，加埋送moov live DVD。雖然第一版出左果陣已經俾人狂插D歌好K好悶，不過集體回憶，陌路，傑出青年，每當變幻時，間中仲會聽下。

到Wonder Miriam，雖然plug左三首唔算掂ge歌（大慈善家，啦啦誇啦啦，明日再會），好彩moov live好正，但係出碟之前幾日，網上試聽版一葉舟，開心果真系好5掂，加埋朱祖兒搞個甘奇呢ge封面，上隻Meridian又真心5掂，所以都係買5落手。

好啦，到原來過得很快樂，聽左903採訪，千fa講翻佢拍緊戲，有個fans俾個封面佢睇，佢居然話國個5係佢，跟住個fans話 係你離ga，係你離ga，佢先知，仲要個訪問度佢親自話自己都5知係遊艇度影過d咩相，親口話無睇過。。。。跟住出第二版封面仲樣衰。。。。。Amusic真心無下限。。。。

三隻碟可以翻煲ge歌 真心得一隻 麥芽糖。原來過得很快樂得個話題同份詞，旋律仲差過來生舞 。5知其實伍仲衡究竟有無寫過好聽ge旋律。。。。。

好彩，之後Home同火鳥都好正。希望演唱會之前出翻隻EP 谷下啦。

Nathan

聽你地講番遊艇封面，愈來愈覺係amusic特登惡搞楊千嬅，真係無理由審美觀會咁差。


Meridian隻碟仲會整隻碟播（訓覺前播）， WM同遊艇只會簡播其中幾首（但已經超少聽）

Serendipity

宣傳好dum本，即係有機會繼續加

講翻Amusic，唯一買左只Meridian第二版,封面幾OK，加埋送moov live DVD。 ...
黃家正 發表於 2014-12-11 20:25

exactly! 我都記得同一個訪問，千嬅明明應該係宣傳隻<遊艇>但大部份時間都係講拍春嬌，又呻好眼瞓但同事咁都度咗個期做電台訪問，擺明好不滿。最記得當時樂迷投選話side track最好係藍風箏，我諗佢都打咗個突。呢隻歌佢唱得唔好，聽得出把聲好夾硬扮sweet。

至於伍仲衡，擁抱回憶算唔算？個曲其實好順耳，而甄健強亦罕有交到份過得去既詞。


回主題，關於演唱會隧道宣傳，其實我覺得唔錯喎，起碼真係有noise。字眼比較唔通順都正常，因為要就歌名去tag會冇咁自然。至於又提丁生同Torres，講真，丁生本身都係有啲愛引人注目，千嬅又咁醒，唔多唔少成日提佢老公算係幫吓佢事業吧。

jason567

希望宣佈加場果日順手派埋yy新歌

Jacz

哈哈，不過情況係掉返轉，臨走a music前係千嬅放晒手俾a music亂咁舞，最後隻碟真係慘不忍睹...

大家咁興高采烈講a music既碟，等我都分享一下先。

《Meridian》出時有啲期望，雖然化係太保守但其實千嬅vocal唱得唔錯，集體回憶又OK，點知我第一晚買咗隻碟返去聽第一次時去到知情識趣已經想恰眼瞓，嗰時已心知不妙... 其實頭嗰六首都冇大問題，只係別阻我開心之後嗰堆歌太普通了，真係首首差唔多。


《Wonder Miriam》經歷過前一年隻碟後已減少期望，大善慈家唔夠突出，明日再會其實有potential但谷唔起，撈月亮雖然娘但旋律編曲可以，算是黎生唯一貢獻，但感覺千嬅應該唔多鍾意。開碟第一首女飛俠其實幾impressed，我覺得係遺珠，可惜之後有隻愛過完全破壞晒，我ipod過歌都直接skip咗呢首，簡直唔記得有存在過。另同碟的擁抱回憶都唔錯，雖然有點似Janice之類的歌曲如寒命，但起碼是合格side track。


至於大家口說的《遊艇》肯定最震撼，當時知道其實係等完約，隻碟已沒有任何期望。但a music仍然可成功挑戰大家底(低)線，好記得一拎起隻碟見到封底設計同啲歌名已經想死，以為真係90年代的翻版碟。千嬅當時上電台訪問都狂串隻碟封面超核突，完全放晒手唔理。歌方面真命天子當時唔鍾意之後其實覺得都OK，原來過得很快樂純粹靠份詞賣情懷，麥芽糖唔plug好浪費，最驚嚇的你幸福嗎聽完一次後永遠skip，孖公仔其實Ok但衰在份詞，藍風箏唱得好勉強。


自己三隻中要排係WM>Meridian>遊艇


不過我覺得a music低潮其實都唔係唔好，因為咁千嬅先有時間拍拖結婚，這是入a music的最大收獲。
Serendipity 發表於 2014-12-11 19:54

個三年每次出新歌都要有心理準備係咪又係娘嘢同高八度唔知泥生係咪有心整蠱佢，揀啲歌完全唔啱佢個key
記得當年班fans日日嘈，成日都好想佢快啲完約

Jacz

我衰到AMUSIC 果3隻碟, 我拎左去信和賣鬼左
wchild 發表於 2014-12-11 20:08

好想知個三隻碟加埋值幾錢

Jacz

宣傳好dum本，即係有機會繼續加

講翻Amusic，唯一買左只Meridian第二版,封面幾OK，加埋送moov live DVD。雖然第一版出左果陣已經俾人狂插D歌好K好悶，不過集體回憶，陌路，傑出青年，每當變幻時，間中仲會聽下。

到Wonder Miriam，雖然plug左三首唔算掂ge歌（大慈善家，啦啦誇啦啦，明日再會），好彩moov live好正，但係出碟之前幾日，網上試聽版一葉舟，開心果真系好5掂，加埋朱祖兒搞個甘奇呢ge封面，上隻Meridian又真心5掂，所以都係買5落手。

好啦，到原來過得很快樂，聽左903採訪，千fa講翻佢拍緊戲，有個fans俾個封面佢睇，佢居然話國個5係佢，跟住個fans話 係你離ga，係你離ga，佢先知，仲要個訪問度佢親自話自己都5知係遊艇度影過d咩相，親口話無睇過。。。。跟住出第二版封面仲樣衰。。。。。Amusic真心無下限。。。。

三隻碟可以翻煲ge歌 真心得一隻 麥芽糖。原來過得很快樂得個話題同份詞，旋律仲差過來生舞 。5知其實伍仲衡究竟有無寫過好聽ge旋律。。。。。

好彩，之後Home同火鳥都好正。希望演唱會之前出翻隻EP 谷下啦。
黃家正 發表於 2014-12-11 20:25

好好笑
《遊艇》真係千嬅史上最核突最hea封面，第二版叉腰都一樣好核突
Amusic啲設計真係好攞命，《遊艇》同衛蘭個隻瑜伽post精選《Wish》應該係2009年最核突既唱片封面


我都覺得出唔切大碟出隻EP都好，但如果出amusic精選就真係唔出好過出

Jacz

聽你地講番遊艇封面，愈來愈覺係amusic特登惡搞楊千嬅，真係無理由審美觀會咁差。


Meridian隻 ...
Nathan 發表於 2014-12-12 02:04

同年衛蘭個隻瑜伽post精選仲嚇人
真心唔明點解間公司要咁樣嚟玩自己公司啲artists

Jacz

exactly! 我都記得同一個訪問，千嬅明明應該係宣傳隻<遊艇>但大部份時間都係講拍春嬌，又呻好眼瞓但同事咁都度咗個期做電台訪問，擺明好不滿。最記得當時樂迷投選話side track最好係藍風箏，我諗佢都打咗個突。呢隻歌佢唱得唔好，聽得出把聲好夾硬扮sweet。

至於伍仲衡，擁抱回憶算唔算？個曲其實好順耳，而甄健強亦罕有交到份過得去既詞。


回主題，關於演唱會隧道宣傳，其實我覺得唔錯喎，起碼真係有noise。字眼比較唔通順都正常，因為要就歌名去tag會冇咁自然。至於又提丁生同Torres，講真，丁生本身都係有啲愛引人注目，千嬅又咁醒，唔多唔少成日提佢老公算係幫吓佢事業吧。

Serendipity 發表於 2014-12-12 06:11

伍仲衡 啲歌首首都好悶呀，唔知點解，覺得佢啲歌好公式化，首首都差唔多咁


當時啲fans成日都佢搵返人山人海，始終人山人海已經好似係楊千嬅既lable咁，最適合楊千嬅，
可惜amusic時期一首都冇，只有係MOOV LIVE有合作過


我諗啲宣傳banner有丁生同torres係因為佢地兩個都係佢入行20年裡面其中兩樣最重要既嘢（人）

Jacz

希望宣佈加場果日順手派埋yy新歌
jason567 發表於 2014-12-12 07:32

《好不容易遇見愛》903今week冠，可能下week就plug新歌同宣布加場

Jacz

From SINA HK (2014-12-09)
【專訪】楊千嬅───重新演繹「自己」(II)
http://ent.sina.com.hk/news/-2-1178288/1.html?l=1433651

噚日千嬅好謙咁講自己「只係一粒微塵」。今日訪問Part II，千嬅由演唱會海報講到演出，再講佢對自己演唔同角色嘅感受。原來千嬅同小編一樣都係鄧超嘅粉絲，仲話：「可能你覺得我都成40歲，唔通重做花旦咩。OK! That’s fine! 我都重有好多唔同生活上嘅角色可以做，但係需要學習。」

Q ：今次演唱會Poster以紫色為主題，係咪都切合返你經典嘅紫髮Look呢?你對紫色係咪有obssession，特別著迷呢？

M：我好鐘意呢個色。可能係天生嘅，可能我係Danny(陳百強)嘅Fans，由《凝望》開始。我覺得我喜愛偶像嘅嘢，就可以同佢好親近，所以我都好明白我嘅Fans鍾意某啲嘢嘅感覺。 今次我搵一啲我覺得會了解我嘅人。就好似SK Lam佢好叻Marketing嘅，你見佢好多作品好細心，無論幾商業都好，佢都有啲嘢會令人有集體回憶嘅價值。咁當楊千嬅係一件product時，擺喺佢手，佢會點去project。

我同佢開會時，佢問我：你想做咩？我話：『暗地裡係Celebration啦！但係我唔想二十周年、二十周年咁。因為數字對我嚟講唔係最大意義，我唔想人哋誤會我係因為celebration去做個騷。反而二十年係一個學習，你當我升lev啦！而家畢業去做一個Performance，想完完整整，一粒音都唔走去唱一個騷。』佢就笑，話：『得喇！我明你做咩喇！』冇幾耐，佢就比咗個layout比我睇。

件衫係Sean K(造型師)整。其實果件唔係一件衫，係一件事。果件事包括我自己Image，佢揀咗我二十個好signature，好iconic嘅形象。但係搵返舊嘅costume唔容易，跟住就變咗而家呢個poster出嚟。用以前嘅我represent自己。我好喜歡佢呢個poster。


Q ：最近嘅派台歌《好不容易遇見愛》係特別呼應返《姊妹》，會唔會係呢刻人生嘅小小總結？


M：之前冇同林夕有溝通。咁多年我都冇同夕爺講話，我呢隻歌要寫啲咩。純粹係大家對我嘅投射，對我嘅了解。我淨係brief過：『 Eric(郭偉亮)同你同我好耐無發生呢件事，我想演唱會之前有隻歌，差唔多類似主題曲。』佢就問：『你想個騷係點0架？』 我話：『我想人記得好嘅嘢。二十年嘅回顧，去留戀以前，唔係叫人沉溺回憶，好似好悲觀咁，以後都冇更加好。唔係！

而係有時生活節奏太快，科技令我哋消化唔到日常生活。變咗每個人都好易忙記自己可愛嘅地方係咩。舉個例子，一男一女拍拖，對方一定係有嘢令你好愛，覺得好特別，一見鍾情。但結婚十年之後，點解會有咁多交要嗌？因為大家忘記咗喜歡對方嘅乜嘢，做少咗，漸漸變成一個job。我覺得生活應該有唔同嘅小確幸喺入面。應該有好多嘢去發掘同好好珍惜。咁人與人之間嘅關係應該會長啲。』

咁我講咗呢啲故事，好似都唔關個騷事，跟住就收到呢首歌。其實自己最感動嘅係「天關顧大家好不容易學會愛」。如果大家都明白，應該會和諧好多，少好多矛盾。其實呢首歌好多密碼嘅，有少少《出埃及記》咁，好似「用兩手將水深火熱分開」、「曾經滄海」，其實好多嘢都係有關係。可能係我自己對號入座啦。我始終覺得一班人或者姊妹都好，無論相識幾耐，唔係成日見都好，心意始終喺度。


Q ：千嬅拍電影唔再係純幽默喜劇，反而多咗唔同嘅角色。好似係商界女強人、中女OL，又做校長。同你嘅經歷、本身角色唔同咗又有冇關係呢？


M：好真心講，當我係演員身份時，其實我比較被動嘅。無錯，每段時間都有好多唔同嘅導演邀請，畀劇本我睇。咁當然時間係一個好大嘅考慮，貪心唔會令件事好。點解你會覺得我得到女強人角色？可能呢個階段嘅我，好似從『春嬌』開始，大家覺得我幾代表到女人嘅感性或者感情嘅嘢。可能係人哋見證住我少女出道、博殺、失戀、結婚生仔。呢個cycle唔係楊千嬅專利，好多人都一樣。可能我好赤裸咁比人知道，大家好似同我share咁，我又share你哋好多嘢。所以佢哋就將我呢啲擺咗喺角色裡面。

不過我好肯定話你知『校長』(新戲《五個小孩的校長》)唔係我嘅性格嚟嘅。『校長』好似係天蠍座定處女座，唔係水瓶座嘅角色。不過大家將有啲女性嘅image放咗喺我身上，我又唔介意去接受挑戰去演呢啲角色。因為我有機會去感受唔同行業嘅人嘅心態同生活。其實拍電影最好玩係代入人哋嘅生活。

其實我好冇大志，我唔係一定要拍嗰啲好大嘅戲。我反而好鍾意睇愛情小品，好似Hollywood嗰啲《Begin Again》咁，我可以喊得好緊要。我又好鍾意睇《雲圖》啲friend。但呢啲又唔係商業嘢。我好喜歡拍愛情片，好喜歡愛情。我覺得每個人唔會一出世就天生一對，點解會愛上一個人呢？愛上一個人係一件好奇妙嘅事嚟。我覺得愛情呢樣嘢好Romantic。(小編猛然記得，千嬅話佢同丁生結婚時。佢自己都懷疑過自己如果唔係一鼓作氣，會唔會重咁勇去結婚呢？會唔會就係佢口中所講嘅奇妙呢？)所以我成日好鐘意拍呢類開心嘅愛情喜劇。

可能近呢幾年成熟咗，大家覺得我更稱職去做第二樣嘢。我覺得愛情唔一定係未婚先發生，好似最近《單身男女2》，杜sir就開發咗我另一個我自己唔係好知嘅一面。

我最近好鍾意睇《分手大師》，我覺得鄧超好型，佢嘅節奏好特別。如果我可以同佢合作就好喇！我好明佢囉！我唔知佢咩星座啦！佢好Charm！(小編即時相認係鄧超嘅粉絲)Trace返佢原來做話劇，點解佢咁勁，又拍埋。佢攞嘅angle唔係傳統嗰啲喜劇。你知點都有少少文化差異，未必接受到。但又唔係喎！收得好勁！內地嘅觀眾嘅接受能力好高。

我覺得《分》呢個題材離晒譜，但原來佢係一套悲劇。你笑笑笑，但後尾個心都係『拿』嘅。我好鍾意睇呢類嘢！你唔會估到楊冪原來可以咁樣做。另外一套好期待去睇嘅係《撒嬌女人真好命》。唔係因為彭浩翔。你睇個名好誇咁，但其實係身邊好寫實嘅事。我好想拍吓呢類戲！

(你覺得戲如人生？)其實電影係記錄人生，等於音樂一樣。無任何政治或任何界線，廣東歌幾記錄到香港人嘅生活，同港產片一樣。內地電影亦記錄我哋嘅民生各樣等。記得張國立老師邀請我參演《鐵齒銅牙紀曉嵐》，我學到好多嘢。我普通話好爛，雖然知有人配音，但我都係照講。你要同一個唔係自己主要嘅語言去演戲好難，但我想學習佢哋做戲嘅節奏。當時係咁畀人鬧：『你在說甚麼？』不過我都求佢哋畀我講，我知我講得好難聽，叫佢當我係外國人啦，總之就畀我講。呢個都係對對方一種尊重，佢哋都聽得明嘅，雖然唔太地道。但我本身好鍾意中國歷史，好恨去做。

如果你問我戲劇上嘅發展，我覺得自己重有好闊嘅空間。可能你覺得我都成40歲，唔通重做花旦咩。OK! That’s fine! 我都重有好多唔同生活上嘅角色可以做，但係需要學習。如果畀目標自己，我好鍾意似黃渤、鄧超同吳秀波。佢哋代表唔同嘅類型嘅戲，自己又欣賞，如果我有機會做就好喇！


訪問尾聲，好老土地問千嬅會唔會有一首歌可以講出佢出道到而家嘅心情？


M：其實一首歌好難去講20年咁複雜嘅心情。如果真係要揀，突然就彈起一首歌係《花與愛麗斯》──係好複雜嘅心情。

睇完成個訪問，你又會想起千嬅邊一首歌呢？














睇嚟今次真係好注重vocal，唔怪得會請管弦樂隊


《好不容易遇見愛》真係主題曲喎

佢唔止一次提起過《花與愛麗絲》，但又從來都冇唱過，唔知今次有冇機會唱？

John

花與愛麗斯真心好正, 勁有深度
不過隻歌難同其他歌夾就真既

hihi

唱花與愛麗斯就正!!

kingofmusic

好不容易遇上愛MV有Kelly客串，會唔會嚟做演唱會嘉賓呢?

wchild

《遊艇》隻碟真係聽左都一次就已經唔想聽落去...

pika927

pika927

http://www.kkbox.com/hk/tc/column/interviews-44-583-1.html

走一遍楊千嬅的時光隧道

打從2010年在其十五周年紅館演唱會正式宣佈已婚，到2012年產前舉行了一次「Minor Classics Live」音樂會後，楊千嬅的音樂事業已遠離兵法強攻型，轉移到隨心而為。在沒有計劃過的2014年裡，缺了刻意經營，卻多了意外收穫，樂迷也因此得到明年初的「Let’s Begin世界巡迴演唱會」作二十周年的回饋。

拼湊無數巧合的2014
楊千嬅近年的事業步伐變慢了，方向看似以電影為主，但在2014年還是帶來了不少驚喜，如春天的時候推出過往少有唱到生死題材的《來生舞》，夏季時又帶來性感突破的《色惑》，到秋冬之間便送上沉澱了的《好不容易遇見愛》，讓樂迷在一年之間再次遇上積極多變的楊千嬅。不過，她卻說一切純屬巧合，並沒刻意求突破，「說來慚愧，這一年所派台的歌曲，真的沒有特別計劃與目的，《來生舞》的出現只是為了配合年初的「拉闊音樂會」而來，到了《色惑》則是看了我先生某位客戶的一個表演項目，讓我重新發現了舞台的可能性，也見識到唱歌與舞蹈當中的力量，然後恰巧有機會參與了《色惑》這計劃，讓我嘗到以前不敢做的事，也因此對舞台更有信心。」原本千嬅並沒刻意為入行二十周年做甚麼紀念，一切相關的演唱會與專輯，契機原是年初與藍奕邦、許廷鏗與羅力威合作的一次音樂會，「當時我跟這三位小同學合作很開心，更在他們身上看到成長過程中不同狀態的自己，他們對音樂的熱情激發了我回復到現時的狀態，我便跟身邊的同事說，我準備好了，可以辦演唱會了。」其實這年多之間，她還替不少歌手擔任演唱會嘉賓，不但重新瞭解樂迷的需要，還再次掌握了舞台的節奏，加上中途發生了「色惑特訓」，讓她更能迅速地進入籌備演唱會的狀態。

滿愛與驚喜的2015
除了從後輩身上得到啟發，當了媽媽的千嬅，當然也因孩子而有所轉變，「因為我要成為孩子的好榜樣，所以做事的原則與要求更嚴謹了，而且對大家來說，我已不是一個新人，觀眾都跟我一起成長，也希望看到我進步吧。」因為有了更清晰的目標和推動力，千嬅更明白隨心而為的重要，因為她相信只有真正想做的事才會有心機做到最好，也因此，一直想製作全新專輯的她，刻下正努力於錄音工作，希望趕及在演唱會之前完成，「這次專輯的製作班底，將會是令人驚喜的一次，而且也是充滿愛與情意結的一次。這不是因為二十周年而發生，而是剛好來到這個時候，希望可以製作一張有團聚感覺的專輯。」因此這張專輯便聚集了一些久未合作而又一直為千嬅音樂事業「鋪路」的創作人，「如林夕、黃偉文都下了很多苦功，當中還有很多作曲人、製作人，如果沒有這一群人，我一定也捱不到今天，所以新專輯主要就是懷念這份情。」就如其新作《好不容易遇見愛》所表達的情，作為《姊妹》的後續，歌詞是要告訴大家「一日姊妹一世姊妹」，無論結婚與否，生活怎樣，有需要的時候，姊妹還是一直在身邊在分享。「在我唱這首歌的時候，我已結婚了，原來那邊廂一直聽我的歌長大的人也結婚了。」就是這種創作人滋養了其成長，千嬅又陪伴著歌迷成長的微妙關係，形成了屬於千嬅與樂迷間的時光隧道，或許時間都回不去了，但憑著其演唱會海報造型，我們看到不同時期的象徵性服飾拼湊成今天的楊千嬅，也是活到當下最佳狀態的楊千嬅，好好欣賞，互相支持便已足夠。

Serendipity

如果唱花與愛麗斯就好啦！還記得當時SINGLE隻碟海報都用呢首歌既歌詞做文案，完全冇plug過好嘥，MC都冇唱到，真係一大遺珠。

ho_

想係紅館聽深息 原版!!!

aussie2013

打從2010年在其十五周年紅館演唱會正式宣佈已婚，到2012年產前舉行了一次「Minor Classics Live」音樂 ...
pika927 發表於 2014-12-12 21:34

soooooooooooooooooo good！！證實有yman！如果新碟concept係懷緬二十年音樂路，會唔會好不容易係姊妹續集，馴悍記係野孩子續集，仲會有其他啊？
咁來生舞咪變咗多餘？

mychart-

咁係咪要有呢堆人出現 - 蔡德才 / 于逸堯 / 何秀萍 / 陳輝陽 / 雷頌德 / 伍樂城 / CY KONG / JEAN CHIEN / 黃丹儀 近期D既藍奕邦 早期既馮正 甚至係陳綺貞陳小霞?

aussie2013

咁係咪要有呢堆人出現 - 蔡德才 / 于逸堯 / 何秀萍 / 陳輝陽 / 雷頌德 / 伍樂城 / CY KONG / JEAN CHIEN /  ...
mychart- 發表於 2014-12-12 22:32

何秀萍 / 陳輝陽 / CY KONG / JEAN CHIEN / 一定要有！！
人山人海Jason，阿于一定要有！！
黃丹儀一定要有！！
最好有馮正，四方果之類！！！
好掛住何秀萍D歌詞啊！！

Jacz

花與愛麗斯真心好正, 勁有深度
不過隻歌難同其他歌夾就真既
John 發表於 2014-12-12 15:45

可以encore點唱呀

Jacz

好不容易遇上愛MV有Kelly客串，會唔會嚟做演唱會嘉賓呢?
kingofmusic 發表於 2014-12-12 18:09

Kelly之前訪問話未收到正式邀請通知

Jacz

pika927 發表於 2014-12-12 21:25

有啲似02年，有Jolly Sandy幫手散飛

siongguan

soooooooooooooooooo good！！證實有yman！如果新碟concept係懷緬二十年音樂路，會唔會好不容易係姊妹續 ...
aussie2013 發表於 2014-12-12 22:20

閃靈續集

Jacz

咁係咪要有呢堆人出現 - 蔡德才 / 于逸堯 / 何秀萍 / 陳輝陽 / 雷頌德 / 伍樂城 / CY KONG / JEAN CHIEN /  ...
mychart- 發表於 2014-12-12 22:32

仲有鄭中基

啱啱睇返，原來千fa第一碟就同林夕合作，第三隻碟《私日記》仲要係夕爺包辦全碟歌詞（除咗一首唔係）
好勁呀

Jacz

想係紅館聽深息 原版!!!
ho_ 發表於 2014-12-12 21:52

X2
MC版已經冇咗原版的感覺同感動
《零號》都係

l00540

YY唔知洗唔洗還債比fa呢

如果要的話，合唱最佳損友就最合適不過
既可製造noise, 又可以借機比YY釋疑

fifty1205

何秀萍 / 陳輝陽 / CY KONG / JEAN CHIEN / 一定要有！！
人山人海Jason，阿于一定要有！！
黃丹儀一定 ...
aussie2013 發表於 2014-12-12 22:40

   真心好想聽cy kong作品，8年無合作過啦！

kenvincy.cn

唔知馴悍記幾時出爐呢

Jacz

個特輯咁短架，以為做到11點半添