nicholashin

NH TOP 20 AWARDS 2017
年度十大 第十位

自白

呢個係Janice既故事。

中學時代嘅Janice鍾意食格仔餅同雞蛋仔，仲會去美國冒險樂園打機。
佢仲有咗初戀。嗰陣Janice鍾意同男友去迪士尼睇煙花，覺得咁樣好浪漫。

2010年，Janice決定參加一個比賽。呢個決定改變左佢一生。
佢打破比賽一直以黎嘅魔咒，拎到冠軍，一時人氣高企。

但成名對Janice帶黎好大壓力。
原來佢有能力感動人，但連自己嘅體重都控制唔到。

結果，Janice對所有人都話「好忙」，然後每日匿喺屋企。
佢面對唔到其他人，因為佢面對唔到七十公斤嘅自己。
佢坐喺沙發喊，喊左好多次。

呢個時候，一位好朋友鼓勵Janice。
佢明白到，自己最熱愛嘅地方，唔係屋企嘅廁所同梳化，而係實實在在嘅舞台。
佢走出情緒低谷，勇敢企喺台上，向大家歌唱。

呢個係閻奕格既故事。
佢，係一個歌手。


Source: 蘋果日報

Wonders

入場支持小匡

HOTMAN

Janice真係很堅強

nicholashin

好歌冇好報
#xiaoyu
#joeyyung
#taylorswift
#tanyachua
#mayday #如果我們不曾相遇
bagfgfcde 發表於 2018-1-24 19:26

黑人問號

梁漢民 :我係xx 爆緊粗口,唔得閒
一個小子 發表於 2018-1-24 19:34

可能做緊頒獎禮live

bagfgfcde 發表於 2018-1-24 19:34

我唱得好聽好多

顏小姐好慘
JasOh103 發表於 2018-1-24 19:38

有特別安排

入場支持小匡
Wonders 發表於 2018-1-24 19:41

支持

bagfgfcde

NH TOP 20 AWARDS 2017
年度十大 第十位

自白

呢個係Janice既故事。

中學時代嘅Janice鍾意食格仔餅同雞 ...
nicholashin 發表於 2018-1-24 19:40

再一次 - 小宇 / 霏 - 糧又加

nicholashin

NH TOP 20 AWARDS 2017
年度十大 第十位

人大咗，慢慢發現呢個世界有太多嘢唔可靠，尤其係人。同學、朋友、親戚、家人可以話走就走，有意無意傷害自己。
最初我會嘗試改變呢個情況，希望修補到關係，或者努力挽回。我會寫好多字、講好多嘢，就係想對方明白自己嘅邏輯。不幸嘅係，對方可能會表示明白，但我見唔到我希望見到嘅改變。所謂「江山易改，本性難移」，大概就係咁嘅意思。心力交瘁之後，我先發現原來自己有能力改變嘅嘢好有限。
我唔係咩偉人，改變唔到世界。但我可以改變自己點睇呢個世界嘅人同事。假使世界原來不像預期，我都識得喺呢個世界自處，因為「我有我自己」。
感謝自己這知己，也感謝閻奕格呢首「自傳曲」，令我能得到更多力量。

閻奕格 - 我有我自己 (236)
走勢：09>07>04>02>04>05>02>01

作曲：Joel@Koh、楊子樸
填詞：施人誠
編曲：潘偉凡
監製：呂禎晃

收錄在大碟《我有我自己》

bagfgfcde

He says what you've heard is true but I
Can't stop thinking about you and I
I said I've been there too a few times

lca6

Support NH

nicholashin

NH TOP 20 AWARDS 2017
年度十大 第九位

偶像

閻奕格曾經黎香港冒雨busking，有唔少人捧場。
不過忠心支持偶像嘅粉絲未必咁簡單。

呢個係Ruby嘅故事。

Ruby睇落去歲數同體重係偶像兩倍，但無論發生咩事，佢都好支持佢偶像。
呢日，佢去咗偶像嘅生日會，慶祝偶像31歲生日。

Ruby情深款款咁對偶像講：
「我請在場粉絲見證，我哋Fans club願意認你為我哋嘅唯一女神。從今以後，無論你日後點樣發展，無論你係29+1、39+1、定係99+1，小粉絲們表示會永遠愛護你！人生路上我哋會一直默默支持你，我哋永遠都係你嘅後盾，你嘅第三個家。如果有一日你累了，遇上唔如意嘅事，唔好忘記我哋一直都會喺你身邊陪伴你，同你渡過每一個難關。你願唔願意日後一齊努力同我哋走過每一天？」

偶像聽到眼濕濕。Ruby都好感動。
Ruby希望可以繼續奉愛之名，包容所有唔友善。

呢個係Ruby嘅故事。
佢，追緊星。


參考圖片

nicholashin

NH TOP 20 AWARDS 2017
年度十大 第九位

人人都有偶像。
我鍾意林奕匡。
林奕匡鍾意容祖兒。
容祖兒鍾意張衛健。
張衛健鍾意陳百強。

偶像嘅言行、態度都深深影響粉絲，但呢種支持可能失控。
瘋狂粉絲嘅眼中得偶像，會目中無人咁做出真過份嘅行為。

《喬治克隆人》就形容一個George Clooney狂迷。
偶像叫「Clooney」，粉絲都「Clone你」。
偶像講「Nepresso, what else?」 粉絲都跟住講。
由外表到日常生活，呢個粉絲都跟住偶像。

但比起內容，《喬治克隆人》嘅音樂更吸引。
開頭嘅鼓聲已經引人入勝。旋律簡單但好搶耳。
瘋狂出現嘅「geo」除咗洗腦之外，亦感受到粉絲點樣逼自己跟隨偶像。

糯米糰呢隻EP《別急著說愛我到天長地久》聽落復古，由曲風到歌詞都好明顯受80年代影響。
但歌曲唔老土，仲善用Disco、Rock嘅元素，令音樂豐富又好玩。
大家有時間可以聽下隻碟。

糯米糰 - 喬治克隆人 (239)
走勢：14>04>06>04>04>05>05>02>01

作曲：馬念先
填詞：馬念先
編曲：馬念先
監製：馬念先工作室

收錄在EP《別急著說妳愛我到天長地久》


希望大家唔好被呢兩首十大嚇親啦
跟住嗰兩首正路好多

jose

g持

nicholashin

Support NH
lca6 發表於 2018-1-24 19:46

g持
jose 發表於 2018-1-24 19:55

多謝lca6同jose支持

bagfgfcde

Wuby : You know I'm not a bad girl, but I do bad things with you

chanchan0909

有 D 好重要嘅野要做 , 非常緊急 !!!
遲 D 追返 !!! 加油 NH !!!

RVHOCPC

支持李克勤

nicholashin

有 D 好重要嘅野要做 , 非常緊急 !!!
遲 D 追返 !!! 加油 NH !!!
chanchan0909 發表於 2018-1-24 19:57

唔緊要呀 多謝你支持

支持李克勤
RVHOCPC 發表於 2018-1-24 19:58

一陣會出現

nicholashin

NH TOP 20 AWARDS 2017
年度十大 第八位

坦白

呢個係Howard嘅故事。

三歲嘅時候，佢爸爸因為精神失常被送到醫院，從此喺醫院過活。
Howard一直強調爸爸係因為做嘢太辛苦先出事。
但其實，爸爸最大可能係因梅毒而出現麻痺性痴呆 (general paresis)。

Howard細個體弱多病，所以連學校都返唔到。
期間佢睇咗好多書，聽咗唔少恐怖故事，慢慢展現佢嘅文學天賦。

喺Howard成長嘅過程中，外祖母、外祖父先後離世。
屋企財政又出現問題，令佢被迫離開故居。
佢想終結自己性命，但無咁做到。

後來，Howard母親都患上精神病。
幾年後，佢接受完膽囊手術之後，因併發症而死。
呢件事對Howard帶黎好大嘅打擊。
佢再次萌起自殺嘅念頭，但又無咁做到。

之後，Howard喺一個會議遇上Sonia。
雖然佢親戚並唔想佢同Sonia一齊，但佢哋後來都係結咗婚。
Howard仲搬到紐約，同老婆一齊住。

Howard可能係一個好戀人，但唔代表呢段婚姻會長久。
一段時間後，Sonia嘅生意失敗，仲病咗。
Howard不斷揾工，但發現自己無乜工作能力。
佢曾被邀請做一本通俗雜誌嘅編輯，但佢唔想搬屋所以拒絕咗。
結果呢個位由佢唔太鍾意嘅人做咗，因而經常拒絕佢嘅投稿。

Sonia為咗養住屋企，不斷去其他地方。
Howard靠Sonia每星期send畀佢嘅錢過活。
佢每日住係一間好細嘅房間，後來仲被爆竊。

Howard之後搬返去以前住嘅地區。
佢同老婆分開太耐，於是決定和平離婚。
佢一直同老婆講已經完成曬手續。
但Sonia再結婚一段時間後，先發現原來Howard到死嘅一日都無簽字。
呢件事深深影響咗Sonia嘅情緒。

Howard之後繼續貧窮過活。
佢對自己好無信心，一個簡單嘅批評同拒絕已經會打沉佢。
及後，佢嘅一個筆友自殺，令佢好傷感。
而佢亦患上小腸癌，好快就死咗。

諷刺嘅係，佢嘅作品喺佢死後獲得好高評價。
佢仲被視為20世紀文學界其中一個重要人物。

現實有時好殘忍。人好容易軟弱。
我哋總會想避開自己唔認同嘅事。
於是，我哋選擇咗隱暪同講大話。

大家鍾意聽好聽嘅假話，唔鍾意難聽嘅真話。
對其他人唔講事實，但又想其他人講佢想聽嘅「真相」。
喺呢個Alternative facts嘅年代，誠實係一件難能可貴嘅事。

呢個係Howard Phillips Lovecraft嘅故事。
佢，係一個作家。

bagfgfcde

希望某會員都坦白啲

nicholashin

NH TOP 20 AWARDS 2017
年度十大 第八位

我好鍾意訓覺。
就算唔係要養病，前一日無做咩好辛苦嘅事，我都可以訓好耐好耐。

我又好鍾意深夜做嘢、諗嘢。
明明好眼訓，但又好享受一切嘅平靜。Facebook、WhatsApp唔再更新。家人唔會囉嗦。

夜深嘅時候，我會感覺身邊嘅時空好似流動得好慢，得自身仲係喺正常嘅時空，好似啲電影咁。黑漆漆嘅天空，白皚皚嘅燈光，而血是紅的。我格格不入，卻係最活生生嘅。
情愛都係一件活生生嘅事。深夜談情說愛，所有感覺都被放大，所以亦係特別赤裸。「赤裸」唔單係身體上嘅，更重要係情感上嘅。《3AM》描繪咗後者。

現在已夜深，聲音都好似被放大，一字一句都會聽得好清楚，感受到《3AM》豐富樂器組合中嘅每個細節。由AGA調節左右聲道開始，音樂就好似行雲流水，帶領AGA勇敢表現呢份坦白。Ghost Style嘅出現亦令故事黎得更真誠同全面。

《3AM》毫無疑問係今年數一數二優秀嘅製作。

AGA feat. Ghost Style - 3AM (242)
走勢：03>03>03>03>03>01>03

作曲：AGA
填詞：陳詠謙  
編曲：Yusuke Hatano
監製：舒文@Zoo Music

並未收錄在任何專輯

bagfgfcde

情愛都係一件活生生嘅事。深夜談情說愛，所有感覺都被放大，所以亦係特別赤裸。

好有情色文學feel...
估唔到你咁拿手

nicholashin

希望大家估下啲tag 打得好辛苦架

NH TOP 20 AWARDS 2017
年度十大 第七位

恐懼



呢個係Jordy嘅故事。

佢每日正常飲食，成日做運動，但依然愈黎愈肥。
佢好驚，於是去睇醫生先知自己患有庫興氏綜合症 (Cushing‘s Syndrome)。

為咗醫呢個病，佢做咗好多手術，甚至切除腎上腺。
喺藥物控制下，佢唔再變肥，不過佢有樣嘢唔同咗。

佢帶佢嘅仔女去玩過山車。
上斜、急降、急轉彎、轉圈。
佢發現離心力再大，都唔覺驚。

佢好快發現，佢除咗無咗腎上腺，仲無咗一種人人都有嘅嘢。

跳笨豬跳？無難度。
踩鋼絲？輕鬆嘅。
跳傘？好簡單。

原來無咗腎上腺，就無埋腎上腺素。
呢件事間接令佢唔可能再感覺到恐懼。

「無恐懼」好似係一件好正嘅事。
但其實係有代價嘅。

佢見到仔女跑出馬路都無感覺，因為佢無得驚。
佢亦少咗好多動力去做嘢，要用理性迫自己做嘢。
無咗減輕痛楚嘅腎上腺素，佢每日感受到好多痛楚。

原來，最令人恐懼嘅事係無恐懼。
真正嘅無懼唔係無恐懼，而係可以面對任何恐懼。

呢個係Jordy Cernik嘅故事。
佢，係一個電台主持。

一個小子

情愛都係一件活生生嘅事。深夜談情說愛，所有感覺都被放大，所以亦係特別赤裸。

好有情色文學feel...
估唔 ...
bagfgfcde 發表於 2018-1-24 20:07

    情色文學有d 咩內容ga

nicholashin

情愛都係一件活生生嘅事。深夜談情說愛，所有感覺都被放大，所以亦係特別赤裸。

好有情色文學feel...
估唔 ...
bagfgfcde 發表於 2018-1-24 20:07

咩係情色文學feel

JasOh103

NH TOP 20 AWARDS 2017
年度十大 第八位

坦白

呢個係Howard嘅故事。

三歲嘅時候，佢爸爸因為精神失常被 ...
nicholashin 發表於 2018-1-24 20:00

呢個tag咁美如果係頒比裸體早餐就值10000000分

bagfgfcde

希望大家估下啲tag 打得好辛苦架  

NH TOP 20 AWARDS 2017
年度十大 第七位

恐懼



呢個係Jordy ...
nicholashin 發表於 2018-1-24 20:10

Located within the medial temporal lobe, the amygdala is a small, almond-shaped brain region that is informally known as the brain’s “fear center.” When the brain perceives a threat, the amygdala stimulates autonomic functions, such as increased heart rate, sweaty palms and rapid breathing. Increased heart rate and respiration can be excellent in the face of danger – the person is better equipped to either fight or run away – but the same response could prove excessive in a casual office setting or any other safe environment. People with higher anxiety levels have a hyperactive amygdala when compared with people with lower anxiety levels.

bagfgfcde

咩係情色文學feel
nicholashin 發表於 2018-1-24 20:11

情色文學有d 咩內容ga
一個小子 發表於 2018-1-24 20:10

你地問錯左人啦...

nicholashin

NH TOP 20 AWARDS 2017
年度十大 第七位

我哋要克服困難。
我哋要克服恐懼。
不過無人教我哋點樣做到。

幾乎所有嘢都唔知。
我只係知道，我要向前行。
我無留意自己喺邊，只係一直走，大步走。

或者，其實我無能力知道自己喺邊。
每個眼神都隻身荒野，所以唔會見到路牌。
分唔到方向唔緊要。最少我知道自己係為目標而行。

我由山丘行到沼澤，又穿過森林同河水。
期間經過好多輪跌跌撞撞，最後揾到呢片嘅陌生又熟悉嘅淒美地。
原來所謂嘅「淒美地」，就係呢個經過挫折磨練嘅全新自己。
呢個就係自我實現嘅過程。

郭頂 - 淒美地 (242)
走勢：02>05>06>10>08>07>05>05>09>10>01

作曲：郭頂
填詞：郭頂
編曲：郭頂
監製：郭頂

收錄在大碟《飛行器的執行週期》

kevinlai1621

NH TOP 20 AWARDS 2017
年度十大 第十位

人大咗，慢慢發現呢個世界有太多嘢唔可靠，尤其係人。同學、朋友 ...
nicholashin 發表於 2018-1-24 19:45

   頒得咁突然
  仲要一黎就唱兩首

nicholashin

呢個tag咁美如果係頒比裸體早餐就值10000000分
JasOh103 發表於 2018-1-24 20:13

沒有上榜記錄

Located within the medial temporal lobe, the amygdala is a small, almond-shaped brain region that ...
bagfgfcde 發表於 2018-1-24 20:14

我簡化咗故事

頒得咁突然
  仲要一黎就唱兩首
kevinlai1621 發表於 2018-1-24 20:16

因為今日終於得閒+差唔多打好曬十大tag

nicholashin

NH TOP 20 AWARDS 2017
年度十大 第六位

末日



呢個係Thomas嘅故事。

細個嘅Thomas患有腹股溝疝 (inguinal hernia)，無得參加好多戶外運動。
佢感覺與世隔絕，於是選擇睇書，對文學產生好大興趣。

佢喺哈佛學院讀書，但讀到on academic probation，結果pass without honours。
畢業後，佢開始認真寫詩，其中一首叫《Preludes》。

The morning comes to consciousness
Of faint stale smells of beer
From the sawdust-trampled street
With all its muddy feet that press
To early coffee-stands.

With the other masquerades
That time resumes,
One thinks of all the hands
That are raising dingy shades
In a thousand furnished rooms.

當生命黎到最後，人唔會再諗咩「有危先有機」，更加唔會話想面對難關。
我哋只想忘記。

Thomas健康、學業、婚姻都經歷過失敗，但大家最記住嘅係佢嘅詩。
成日強調「失敗乃成功之母」，但又只睇成功，忽略人嘅失敗。
咁樣又係咪自相矛盾呢？

呢個係Thomas Stearns Eliot嘅故事。
佢，係一個詩人。

nicholashin

NH TOP 20 AWARDS 2017
年度十大 第六位

過去嘅我對未來嘅我充滿希望。
不過盼望同實踐係兩回事。

黎到未來，我鄙視現在，懷念過去。
以為吃吃喝喝最好，但發現生存已經好難。
喺呢個美麗新世界，我只係想逃離。

如果聽日係末日，咁就讓世界毀滅，完成一個個不死傳說。
如果青春有盡頭，我希望呢個盡頭係「永遠」。

但諗「如果」係無意思架。
既然唔知將來點，就等我代替月亮懲罰你哋。
我最少無辜負大家對呢個「人渣」、「禽獸」嘅期望。

Serrini - 日没前 (244)
走勢：11>02>02>01>02>08>04>05

作曲：Serrini
填詞：Serrini
編曲：Serrini
監製：Serrini

收錄在大碟《Don’t Text Him》
試聽：http://picosong.com/wFRv2

616.1314

OK 我真係好鍾意啲 Tags
呢個榜值 100000000000000000000 分

616.1314

希望大家估下啲tag 打得好辛苦架  

NH TOP 20 AWARDS 2017
年度十大 第七位

恐懼



呢個係Jordy ...
nicholashin 發表於 2018-1-24 20:10

可以做一個關於 Cushing’s Syndrome 嘅 LO

nicholashin

NH TOP 20 AWARDS 2017
年度十大 第五位

逃避



呢個係Kusama嘅故事。

Kusama自細已經被母親不斷虐打。

Kusama曾經被母親要求跟蹤偷食嘅父親，結果被趕走。
佢好驚再被打，決定跳落路軌自殺。
不過，氣流將佢反彈返黎。

十歲嘅Kusama開始出現幻覺。
佢覺得眼睛好似被兩個網遮住，所有野都變成一個個圓點。
佢嘗試同母親講，結果母親唔單止唔信佢，仲罰佢同工人一齊做野。
於是，Kusama嘗試將佢嘅幻覺同佢對幻覺嘅恐懼畫出黎。

後來，Kusama知道佢嘅徵狀同格里夫氏症 (Graves’ disease)、強迫症 (obseesive-compulsive disease)等病有關。
而藝術就係佢嘅藥物，幫助佢克服自己嘅精神病。

If it were not for art, I would have killed myself a long time ago.

Kusama獨特嘅藝術風格，令佢喺日本同紐約都拎到一定成功。
九十年代開始，佢嘅藝術甚至得到全球嘅認同。
雖然佢已經自願住喺精神病院超過四十年，就黎九十歲嘅佢仍然堅持創作。

呢個係草間彌生嘅故事。
佢，係一個藝術家。

一個小子

NH TOP 20 AWARDS 2017
年度十大 第五位

逃避



呢個係Kusama嘅故事。

Kusama自細已經被母親不斷虐打。
...
nicholashin 發表於 2018-1-24 20:30

曼聯

nicholashin

OK 我真係好鍾意啲 Tags
呢個榜值 100000000000000000000 分
616.1314 發表於 2018-1-24 20:26

之後都有唔少tag我鍾意

可以做一個關於 Cushing’s Syndrome 嘅 LO
616.1314 發表於 2018-1-24 20:29

其實呢個好似係special case黎 之前未有人clinically見過呢個結果

616.1314

我係咪上緊 PBL

nicholashin

NH TOP 20 AWARDS 2017
年度十大 第五位

《冥想練習》係一個釋放自我嘅過程。

每日都有好多事逼迫自己。
所以每日都要放鬆、放鬆、放鬆。

大家好睇重「放鬆」呢回事。
所以，我哋揾好多方法，希望從現實抽離。
是日休息絕不工作，專心深呼吸放鬆。

但原來呢個世界唔係想隨風而來，就隨風而去。
呢種要自己放鬆嘅心態，究竟係真係令自己放鬆，定對自己施加更多壓力呢？
由於無真係放鬆，只係純粹逃避，所以呢部份嘅音比較短，鼓聲比較密。

然後，歌曲進入真正放空嘅第二部份。
呢部份嘅回音加強，好似同自己對話咁。
我哋慢慢從風雨、迫壓、悲痛、傷痛走出黎。
我哋原諒自己嘅過錯，明白低谷嘅意義，感受自己嘅完美。

放鬆、放空、冥想嘅意義唔係逃避。
面對自身嘅唔完美，我哋先會進化成更好嘅人。

許志安 - 冥想練習 (245)
走勢：03>03>02>03>04>03>01

作曲：觸執毛
填詞：阿塗
編曲：Chochukmo
監製：Simon Li@nOiz / 舒文@Zoo Music

收錄在EP《18安士》

kevinlai1621

NH TOP 20 AWARDS 2017
年度十大 第五位

《冥想練習》係一個釋放自我嘅過程。

每日都有好多事逼迫自己。
...
nicholashin 發表於 2018-1-24 20:35

咁靚走勢都係得第5

一個小子

咁靚走勢都係得第5
kevinlai1621 發表於 2018-1-24 20:35

    阿仙奴

nicholashin

我係咪上緊 PBL
616.1314 發表於 2018-1-24 20:34

唔會掛

咁靚走勢都係得第5
kevinlai1621 發表於 2018-1-24 20:35

因為其他更靚

nicholashin

NH TOP 20 AWARDS 2017
年度十大 第四位

無礙



呢個係Ken嘅故事。

Ken喺一個佈道會見到Joni。
佢哋不停撞到對方，於是大家開始傾計。
之後，Ken約咗Joni出街，好快就開展咗關係，無耐仲結埋婚。

睇落好順利，但其實中途好多波折。
Joni其實係四肢癱瘓，要靠口去打字同畫畫，後來仲患上乳癌。
Ken照顧Joni嘅時候頂遇到好多難題，又曾經有抑鬱。
不過，呢啲難關令佢哋走得更近。

於是，佢哋一齊咗三十幾年。
生命中出現一個人，願意互相支持，令大家樂意為佢無條件付出，當中就係愛嘅力量。

呢個係Ken Tada嘅故事。
佢，係一個退休老師。

bagfgfcde

NH TOP 20 AWARDS 2017
年度十大 第四位

無礙



呢個係Ken嘅故事。

Ken喺一個佈道會見到Joni。
佢哋不停 ...
nicholashin 發表於 2018-1-24 20:40

I recall late November, holding my breath, slowly I said,
"You don't need to save me, but would you run away with me?"
"YES!"

nicholashin

NH TOP 20 AWARDS 2017
年度十大 第四位

任何人嘅人生都會經歷難關，分別在於點樣衝破。
事情可能唔完美，但好慶幸遇到咁完美嘅你。
無論我同你嘅人生有咩變化，大家喺世界邊一個角落，只要你陪住我，就可以安然渡過每一日。
世界再壞仍舊不怕，因為我身邊有你。
無論曼谷街頭點樣爭鬥、加沙嘅炮火再猛烈，我都有勇氣去面對。
你就係我嘅安全感。

BTW 大家可以睇下呢首歌嘅製作故事

Mr. - 人間遊戲 (246)
走勢：04>04>07>11>03>03>03>01>11>11

作曲：Mr.
填詞：Alan Po@Mr.
編曲：Jerald / Mr.
監製：Jerald

收錄在新曲加精選《We R Mr. Vol 2》
試聽：http://www.joox.com/single?id=cVB_5S_y3mpwyA7wRVId6g==

如果有留意開我個榜，應該知剩返邊三首歌

放空

好鍾意D TAGS! 加油!

nicholashin

好鍾意D TAGS! 加油!
放空 發表於 2018-1-24 20:47

多謝支持

bagfgfcde

推開世界的門 RIP

nicholashin

NH TOP 20 AWARDS 2017
年度十大 第三位

情緒



呢個係Rosalind嘅故事。

Rosalind自細已經展示咗驚人嘅天賦。
佢會自己揾數計，而且全部計得啱。

後來，佢同上司Maurice同學生Raymond喺倫敦King's College開始研究DNA嘅結構。
佢對X-ray衍射分析 (X-ray diffraction analysis)嘅知識大派用場，仲影咗證明DNA係螺旋形嘅Photo 51。

不過，Rosalind同Maurice就Raymond嘅工作安排溝通出咗問題。
容易發脾氣嘅Rosalind亦成日同怕羞嘅Maurice有衝突。
於是，佢哋嘅上司就安排佢哋各自研究兩種DNA當中其中一種。

經過一年幾嘅研究，Rosalind整理自己數據後，終於接受到自己研究嘅DNA同另一種DNA嘅結構都係雙螺旋。

呢個時候，同樣研究緊DNA結構嘅James黎到King's College。
佢本來想揾Maurice，希望大家一齊研究，但佢唔喺度。
於是，James揾咗Rosalind。
當James話Rosalind唔識分析自己嘅數據，佢哋就嘈起上黎。
Maurice唔知James研究DNA結構嘅進度，為咗安撫佢，就show畀佢睇Photo 51同佢哋嘅研究數據。

James同同事Francis返到去劍橋，就靠住呢啲關鍵數據，做咗一個model去展示DNA嘅雙螺旋形結構。
呢個時候，Rosalind雖然已經決定喺3月中離開King's College，亦唔知James同Francis做緊model，但都趕好咗論文。

3月6日，期刊收到Rosalind嘅論文。
3月7日，James同Francis做好咗model。
3月8日，佢哋收到Maurice嘅信，信中講到Rosalind終於離開，可以一齊合作。
不過，一切都已經太遲啦。

喺《自然》期刊中，Maurice同Rosalind嘅data放喺James同Francis嘅論文後面，而論文中無淡化咗data嘅重要性。

當大家慢慢接受咗James同Francis嘅雙螺旋模型，佢哋同Maurice就拎到諾貝爾獎。
不過，喺可能拎到諾貝爾獎前，Rosalind四年前已經因為卵巢癌離世。
Rosalind嘅努力過咗好多年先得到認同。

人生有很多事情本來是徒勞無功。
就算付出咗好多，都可能得唔到相應嘅回報。
「性格決定命運」。但命運都唔係咁易改變。
就算壓抑自己情緒，每日默默努力，最終都可能被其他人破壞咗。
就算大家知道自己嘅努力，都未必有好嘅下場。
咁我係咪要改變自己呢？

呢個係Rosalind Franklin嘅故事。
佢，係一個化學家。

nicholashin

NH TOP 20 AWARDS 2017
咁易估都無人估

年度十大 第三位

《流淚的怪獸》改編自真‧菲律賓歌手歌曲，講人嘅陰暗面。

每次面對難關，都會話要加油。
但當我努力去做，唔見得有好結果。
反而當我唔努力，結果會比想像中好。

誰希罕那種瓜得瓜，至少開花，但我連幾時開花都控制唔到。
當你耗盡所有心血，最後徒然無功，咁仲可以點樣？

迷惘、失落、失望、絕望。
呢啲情緒由我出世已經喺度。
佢哋有時令我衝動同唔理性。
無意義嘅打鬥。眼淚流唔停。
我好想再無咁嘅事情出現。

我同時好驚自己太無情。
有時，我會見到大家大笑大喊大叫，然後自己乜野反應都唔想畀。
睇住世界上無奇不有嘅事，我會覺得見怪不怪，唔畀任何反應。
就連面對生離死別，都好似無感覺。

呢首歌提醒我一件好重要嘅事。
任何情緒同因情緒而出現嘅行為都有佢嘅意義。
情緒大起大落，其實都反映我種種知覺也安好。

請你唔好低估任何一種情緒嘅威力。
當你覺得寂寞嘅時候，請唔好忘記「寂寞」點樣陪伴住你。
呢隻情感獸永遠唔會離棄你。

蔡一傑 - 流淚的怪獸 (248)
走勢：14>02>02>02>05>04>05>01

作曲：Panti Angel V
填詞：袁兩半
編曲：何秉舜@goomusic
監製：何秉舜@goomusic / 蔡一傑

並未收錄在任何專輯

nicholashin

NH TOP 20 AWARDS 2017
由於無人理我嘅關係，我會盡快頒完佢

年度十大 第二位

同伴



呢個係一隊人嘅故事。

呢隊人一直喺個有危險嘅地方做嘢。
不過，呢個世界邊有地方完全無危險呢？
所以佢哋繼續喺嗰度做嘢。

有一日，佢哋做嘢嘅地方出現嚴重事故。
當中有50個人被迫留守，防止再嚴重嘅事故發生。
過咗一兩日後，之前撤離嘅人陸續加入，並且一齊搶修嚴重損壞嘅機器。

佢哋嘅工作環境試過爆炸同火燭。
高劑量嘅輻射又令佢哋健康受損。
不過，佢哋都好努力，希望盡快搞掂。

雖然最終決定唔再啟動維修完嘅機器，但最少佢哋可以減少咗事故對公眾嘅影響。

呢個係Fukushima 50嘅故事。
佢哋，被稱為英雄。