- 積分
- 40433
- 貢獻
- 4789
- 參與
- 31120
|
4098#
發表於 2018-5-4 23:54
| 只看該作者
聽晚就係歐冠女排嘅準決賽
重頭大戰正好喺黃金時間 !
由本季嘅新科嘅 土甲冠軍銀行 對住 意甲冠軍科內
兩隊喺各自聯賽嘅常規賽都唔係排名第一
但最後都能夠拎到冠軍獎盃 , 確實厲害 !
兩隊而家嘅勢頭好猛 , 但聽日就會有一隊會喺四強止步
聽晚兩隊都會使出渾身解數
銀行打法好有特點 , 先將後防環節做好 , 然後二傳手上加速度打出多點進攻
而科內嘅打法就係打出速度 , 主要依靠快攻掩護 , 拉開對上一對一攔網嘅進攻
可以見到兩隊都喺打法上面強調速度 , 不過佢地嘅快係有分別嘅
科內 喺意甲決賽打 Novara 能夠戰勝有幾個原因
第一係 Novara 發球菜 , 科內一傳輕易過關
第二係 Novara 小球粗糙 , 失誤多 , 科內嘅反擊打得順手
第三係 科內 發球厲害 , Hill + Bricio + Fabris 呢 3 個發球輪特別強
Hill 發球最穩定
Bricio 相對黎講佢嘅發球有 D 似南韓嗰種 , 會助跑 , 發出黎嘅波速度好快又追身
Fabris 跳發 , 佢發出黎都具備好大嘅威脅
第四係 Wolosz 確實厲害 , 比佢嘅傳球完全征服左
我諗如果無佢 , 三位邊攻都唔會有咁多一對一 , 所以佢得到 MVP 相信無人會反對
Wolosz 身體素質真係好好 , 精準又有速度而少失誤
可以話已經具備世界級二傳嘅條件
而 銀行 同 Novara 相比 , 可以說其實銀行各方面都完勝
對陣科內 , 最重要係發球 , 首先唔可以有太大嘅差距
點樣都要爭取去減慢佢嘅一攻速度 , 如果唔係就肯定難打
而發球都要合理 , 視乎情況而定
因為科內無特定嘅第一得分點
先從前排主攻入手會好 D
有一場意甲決賽 , 科內好多波都比後三
如果見到呢個情況 , 咁就發球搵企 6 號位嗰個人
阻止佢打快速後攻
科內今季比較可惜係兩位主力副攻賽季都報銷
淨返兩位副攻喺意甲最後兩場都有好好嘅表現
Danesi 第二場嘅神奇攔網令人驚喜
不過始終同主力都有少許差距
所以有時攔網隊員可以取捨一下
可以嘅話直接放佢地呢點
爭取攔死邊攻
因為只要科內其中一個邊攻點被限制
成個打法都會變得混亂
而且替補無咩人有救場嘅能力
咁樣銀行相對地好打 D
而科內相信都會追住朱朱黎發
當然先以最原本嘅陣容先打
但若果場上不利 , 就唔好比朱朱接啦
我感覺科內對於一 D 明打明嘅高點進攻嘅佈防都唔係特別成功
所以適當時候就比佢全力進攻
銀行仲有好多隊員保障環節都做得好好
可以幫手分擔一下場上壓力
暫時將今季睇到兩隊嘅優劣分享出黎
希望聽晚打得精彩 |
|