林家謙金像獎跳唱被狠批史上最差網民話似喃嘸佬

https://hk.news.yahoo.com/林家謙金像獎跳唱被狠批史上最差-網民話似喃嘸佬-031805282.html

林家謙和Serrini（梁嘉茵）日前為《第四十一屆香港電影金像獎頒獎禮》擔任開場表演嘉賓，合唱《跟佢做個Friend》、《活色生香》、《浪子心聲》等多首經典香港電影主題曲。林家謙激罕地又跳又唱，YouTuber啤梨就喺自已頻道到狠批林家謙，指佢嘅演出係電視史上除咗William Hung之外最差，惹起熱議。

YouTuber啤梨就拍片大談對今屆金像獎意見，當中就提到opening表演，大踩林家謙：「Serrini係OK嘅，林家謙我真係唔知點形容。咩事啊？」；更表示如果佢係林家謙，佢係唔會上台：「林家謙做音樂、幕後出身，喺幾百萬觀眾、甚至台前咁多位影壇、圈中識嘢嘅人面前拎啲咁嘅表演出黎，佢係我所見過香港電視史上除咗William Hung之外，包括參加歌唱比賽嘅所有人，我未見過表演咁差，係可怕地差。」

啤梨指林家謙全部歌因為要遷就Serrini個Key，於是變得唔啱Key：「但金像獎應該有時間rehearsal（排練）架嘛，點解唔去執吓呢啲位呢？就算係唔啱Key，你都要唱到嗰首歌個氣氛架。」啤梨又覺得林家謙唔係好靚仔，表演係咁都可以紅到，定可能佢平時表現好啲：「最衰就係，跟住每個表演嘉賓個個都好過佢。我俾你做opening，點解可以咁，我真係不解。」

網民指林家謙嘅舞功的確災難，以為破緊地獄；但對於唱功，網民就各有喜好。部份網民認同啤梨，表示林家謙真係唱得好難聽：「唔唱自己歌仲更加喃嘸佬」、「佢都係去返幕後寫歌算，唱自己口水歌冇問題，唱live難聽到」等等；另一部份網民則力撐林家謙，表示一定唔係當晚最差嘅表演者：「有聽開佢地就知呢個live 同錄音一樣水準，係佢哋獨有風格同聲線。唔識佢哋既人，一定無留意香港樂壇起碼5年」、「話佢地唱歌難聽啲haters真心建議現場聽下佢地live，穩到不得了」、「一個好正的live 表演、有排loop」、「見住家謙嘅改變覺得好感動！由以前做幕後作曲、到出道唱歌、今次用埋戲劇，真心大突破！」、「係咪我耳仔有問題？我覺得好好聽喎，林仔同樹都唱得好有味道」等等。
Kenneth評：估計佢係第一次睇林家謙嘅演出先咁大反應我哋一早被佢超度完化晒

梨胃言

論壇元老

Rank: 7 Rank: 7 Rank: 7

積分: 10009
貢獻: 887
參與: 8367

2^#

發表於 2023-4-19 16:05 | 只看該作者

英皇下次應該叫原唱殺手李幸兒表演

LWY Weekly Top 20 WK03 | #1 有色眼鏡 | #2 沒終點的青春

林家謙金像獎跳唱被狠批史上最差 網民話似喃嘸佬

[收藏此主題] [關注此主題的新回復]

[通過 QQ、MSN 分享給朋友]

林家謙金像獎跳唱被狠批史上最差網民話似喃嘸佬