重發: [長文慎入]淺談2023年五台選擇冠軍歌之取向

本帖最後由 EricC2021 於 2024-2-16 20:55 編輯

編按: 此乃本人於此壇首度發佈之原創討論帖, 帖中分析如有流於主觀或拾人牙慧之處, 敬請見諒!

本人就去年五家電子傳媒嘅音樂流行榜冠軍歌作出整理同分析, 所得之結論, 將於本帖陸續發布。

方法: 本人參考中文維基百科有關2023年各大傳媒音樂流行榜冠軍歌之條文, 歸納出每首冠軍歌之得主及其隸屬之主要唱片公司(如有), 並就各單位之冠軍次數, 男女歌手及組合之奪冠形勢, 各榜單之獨家冠軍歌, 多台冠軍歌之榜單組合及各主要唱片公司於不同榜單奪冠之次數, 作出分析。

概論) 各榜單冠軍歌手/單位總數及多冠單位之分析

本人得出舊年嘅903榜有36個冠軍單位, 其中24個有一首冠軍歌, 12個擁有多於一首冠軍歌。一眾多冠得主如下:

三冠- Dear Jane, Ian, 陳伯, MC
兩冠- Anson Lo, Eason, Gin Lee, Jay Fung, Lolly Talk, 陳健安, RubberBand, 家謙

港台榜有27個冠軍單位, 其中15個有一首冠軍歌, 12個擁有多於一首冠軍歌。一眾多冠得主如下:

五冠- MC
四冠- AGA, 炎明熹(Gigi), Jay Fung
三冠- Eason, Gin Lee, 陳伯, JW
兩冠- 學友, 魏浚笙(煨Sir), 欣宜, 洪嘉豪

997榜有38個冠軍單位, 其中25個有一首冠軍歌, 13個擁有多於一首冠軍歌。一眾多冠得主如下:

三冠- Jay Fung
兩冠- AGA, Eason, Gin Lee, 炎明熹(Gigi), 陳伯, 魏浚笙(煨Sir), 古巨基, Lolly Talk, MC, 陳健安, 家謙, 泳兒

TVB榜有30個冠軍單位, 擁有一首冠軍歌同擁有多於一首冠軍歌嘅單位各有15個。一眾多冠得主如下:

五冠- 炎明熹(Gigi)
四冠- Gin Lee
三冠- Eason, 陳伯
兩冠- AGA, 姚焯菲(Chantel), 胡鴻鈞, 吳業坤, Jay Fung, 欣宜, JW, 曾比特(Mike), 千嬅, 泳兒, 鍾柔美(Yumi)

Chill Club榜有42個冠軍單位, 其中33個有一首冠軍歌, 9個擁有多於一首冠軍歌。一眾多冠得主如下:

三冠- Anson Lo
兩冠- ERROR, Gin Lee, Ian, 陳伯, Jer, Kay, 姜濤, MIRROR

於各榜單有獨家冠軍嘅得主如下:

903-艾粒, 林狗, The Hertz, Sammi (feat. Jeffrey), Serrini(獨唱歌)

港台-周董, Janice, 劉華, 顧定軒(Zeno), 洪嘉豪 (1+1*)

997-安俊豪, 吳保錡(Poki@ERROR), 古巨基(x2), 張國榮(身後冠軍), 吳啟洋(Phoebus@P1X3L), 鄧小巧

TVB-胡鴻鈞(x2), 千嬅, 鍾柔美(x2), XiX, 余宗遙(DEZ), 李靖筠, 葉巧琳, 林智樂, 吳若希, 黎明

ViuTV-Yellow!, KOLOR, ToNick, Kay(x2), 麗英, Gareth.T, P1X3L, 吳林峰, Ivana/Serrini(合唱歌)

*為當年獨家冠軍, 其後成為跨年兩台冠

EricC2021

高級會員

Rank: 5 Rank: 5

積分: 1074
貢獻: 74
參與: 1000

2^#

發表於 2024-1-27 05:14 | 只看該作者

本帖最後由 EricC2021 於 2024-1-30 08:32 編輯

分析1) 各主要唱片公司及獨立/來自小型唱片公司之單位於流行榜單之冠軍歌數量

注: 喺TVB榜同Chill Club榜, 由於電視台之間嘅門戶之見, 因此TVB嫡系嘅TVB Music Group(TMG)/愛爆音樂同ViuTV嫡系嘅大國文化自動唔會喺對家上榜。

1.1) 喺舊年嘅903榜, 喺七大唱片公司(英皇, 寰亞, 大國文化, Sony, TMG, 環球同華納)之中, 以大國文化取得嘅冠軍歌數量最多, 有14首; 除咗4首係俾ERROR, COLLAR及其成員嘅單飛歌(Fatboy同Marf), 另外10首都係俾MIRROR或個別鏡仔。呢個現象, 似乎引證本人心目中, 由於近年ViuTV承播903頒獎禮而形成903-ViuTV音樂共同體嘅說法初步成立(惟須等待整個回帶系列完成後再引證), 而且由於大國同港台關係冷漠, 而997又大致hea播鏡歌, 令大國文化喺舊年進一步向903靠攏。

寰亞則以9首成為冠軍歌第二大戶, 但係有兩首份屬903旗下DJ(林狗同艾粒)。Jay Fung同On仔就各佔兩首, 其餘三首就來自釗峰, Sammi(feat. Jeffrey)同雲浩影。結果同各人舊年嘅表現大致相稱, 但係本人認為Jay Fung同On仔都值得有更多冠軍歌。

華納就以1首之差屈為擁有第三多903冠軍歌嘅唱片公司。當中MC同Dear Jane就各佔3首, 其餘2首就來自陳蕾同Kiri T。Dear Jane下半年3首派台歌連續上冠, 明顯係華納發功谷佢哋上叱吒組金嘅後果; 而陳蕾啱啱贏得嘅叱吒女金, 靠嘅似乎係非冠軍歌有較佳播放率; 另外, 為何903選擇伸縮自如的愛而唔係神的不在場證明做冠軍, 同喺MC嘅第二人格同救命稻草之間連續2首無冠, 就十分耐人尋味。

Sony, 英皇, 環球同TMG喺903心目中, 似乎成為唱片公司當中嘅邊緣人。當中Sony嘅3首冠軍歌就全數來自陳伯, 而Phil嗰首台前幕後為何單單喺903無冠, 就令本人搲頭。至於英皇, 近年給予本人嘅印象係喺903心目中形象偏差(留待不日發布嘅本系列昔日回帶再作評論); 而舊年嘅3首冠軍歌, 全數都係五台冠軍歌(軒公 x1, Gin Lee x2), 其餘嘅派台歌, 就無論來自元老級人馬, 一線歌手同邊緣人都一概無冠。環球方面, 由於公司被指近年同903關係惡劣, 舊年亦僅得3首冠軍歌(Eason x2, AGA x1); 其中AGA明明舊年全面復勇, 卻只得1首903冠軍歌(五台冠嘅MIZU), 喺本人心目中, 乃舊年樂壇一大冤案; 其餘單位, 就即使係全民造星出身嘅, 都一概無冠。最後, 本人唔清楚係903嘅DJ反無線在先, 定係佢嘅聽眾群普遍反無線; 但客觀現實係, TMG近年喺903榜似乎只有一席預留冠軍位; 而舊年嘅幸運兒就係Gigi炎明熹。

其餘11首出自獨立單位或小型唱片公司歌手嘅903冠軍歌, 分別來自RubberBand(x2), Lolly Talk (x2), 家謙(x2)同另外五個單位(雷同二友,The Hertz, Pandora, Serrini同Jeffrey魏浚笙)。當中家謙, Lolly Talk, Serrini同Jeffrey嘅冠軍歌, 都有明顯嘅谷獎考慮; 反而地位崇高嘅RB, 為何坐擁兩冠, 卻失落叱吒頒獎禮組合三甲, 就成為舊年樂壇另一大冤案。唔通係表示佢哋嘅樂壇影響力漸成強弩之末? 最後 The Hertz, Pandora同雷同二友獲903冠軍歌, 本人就認為係903睇心情選擇真.獨立單位上冠軍嘅表現, 似係903相中有關冠軍歌符合當時903嘅台格或DJ喜好。

重發: [長文慎入]淺談2023年五台選擇冠軍歌之取向

[收藏此主題] [關注此主題的新回復]

[通過 QQ、MSN 分享給朋友]