Gin Lee人氣爆燈 宣布今年將巡迴校園！

losyes

英皇歌手李幸倪（Gin Lee）跟同門師弟曾傲棐（Arvin）開啟「學校巡迴運動比賽」，首站二人到九龍塘真光中學進行羽毛球比賽，而曾參選《全民造星III》的劉若寶（Polly）則擔任主持。比賽共有3個回合，第1回合是Gin跟Arvin分別跟一名學生各自組隊，進行雙打比賽；第2回合Gin跟Arvin繼續對戰，不過人數增到4對4；最後1個回合，Gin跟Arvin組成「EEG All Star隊」對戰「真光隊」進行雙打，總成績將計入「龍虎榜」，二人將會遊走各區學校巡迴，巡迴比賽完結後，Gin跟Arvin便會到獲得最高分的學校唱歌表演。

為了爭取兩位歌手到校演出，真光隊派出羽毛球校隊成員出戰，不過當日打的羽毛球是「放大版」，最後EEG隊險勝。平時做開gym、行山的Gin賽後表示：「學校雖然派出羽毛球隊迎戰，有少少淆底。我即刻喺側邊練吓波、攞吓個感覺。因為我哋打呢個唔係一般嘅羽毛球，唔係咁簡單，可能平時唔叻就會ok handle到，平時好叻嗰啲反而會畀你一個巨型嘅羽毛球同埋球拍耽誤咗，所以我哋就誤打誤撞險勝，贏咗少少。」而有打開籃球的Arvin自爆有秘密練兵：「前排有條癮想打吓羽毛球，又真係約咗朋友出嚟打，就當係秘密練兵囉。」


Gin Lee一現身就被圍到實，人氣爆燈！

比賽時間正值lunch time，雖然眾人於34度高溫下作賽，但同學們都在場外落力為大家打氣，氣氛熾熱。Gin跟Arvin均表示未有在暴曬的情況下影響發揮，Gin笑言：「絕對冇！冇發揮就係最好嘅發揮。」Arvin坦言靠隊友帶住：「當然下次有番冷氣，我嘅表現應該會出眾啲。」這次的校園比賽，二人都謂勾起學生時代熱血的回憶，Gin回想起自己在田徑隊、排球隊時的訓練，「都係烈日當空、冇怨言咁樣去訓練，所有嘅skills都係咁樣每一日用血汗換返嚟，好多呢啲開心回憶。」

接下來二人將會繼續四出向各學校「挑機」，Gin坦言希望她的出現可以令學生們感受到她為他們打氣：「因為我覺得依家學生嘅壓力實在太大，所以我哋出少少綿力去幫佢哋打氣，呢個都好緊要。賽後感受就係下次我會記得搽防曬㗎喇。」Arvin則謂本來以為這些玩具羽毛球會「好流」：「點知冇錯真係好流，但係原來好流嘅係我。第一次玩都真係有啲手腳唔協調，但係唔緊要，我會返去偷偷哋練習再復仇、一雪前恥㗎啦！同埋同學們嘅熱情、笑容真係好有感染力。」至於比賽主持Polly，於比賽完結回到家後，即頭暈兼嘔吐：「仲有啲腳步浮浮，我諗我應該中咗暑，哈哈，之後都即刻飲番多啲水，瞓番一晚就冇事啦。」



Link

延伸閱讀：
李幸倪跑數衝紅館 婚事生B擺埋一邊

cubex___

下次叫佢馬來西亞歌手

boy4dudes

是但啦, the only thing 幸兒 gives a sh*t is 2025年1月1日攞 903 女金

藝人倪人偽人毅人 who cares?

梨胃言

見到「藝人李幸倪」五個字就想笑
losyes 發表於 2024-9-19 22:47

學天后中天后攞女金嗰陣串記者叫佢藝人

losyes

而家連歌手都唔係

李幸倪打羽球　曾傲棐受學生歡迎感榮幸


藝人李幸倪（Gin Lee）偕師弟曾傲棐 ...
梨胃言 發表於 2024-9-18 21:34

見到「藝人李幸倪」五個字就想笑

梨胃言

而家連歌手都唔係

李幸倪打羽球　曾傲棐受學生歡迎感榮幸


藝人李幸倪（Gin Lee）偕師弟曾傲棐（Arvin）開啟「學校巡迴運動比賽」，向全港學校挑機「大版羽毛球」，日前舉行第二站到訪Arvin母校「天水圍香島中學」。

羽毛球賽制，共三個回合，分別有歌手跟學生對打、亦有歌手隊對戰學校隊，總成績將計入「龍虎榜」，巡迴比賽完結後，Gin跟Arvin便會到獲得最高分的學校唱歌表演。比賽期間，Gin十分投入，除了「食波餅」，更飛身救波撞瘀膝頭，她說：「依家行路都仲有啲痛，好開心，見到啲同學仔，可以同佢哋一齊互動，佢哋嘅反應又非常之熱情，所以我就興奮得滯，都提咗自己唔好咁搏命㗎啦。」

Gin笑說懷疑Arvin有「放水」 之嫌，他說：「懷疑佢想偏幫佢嘅母校，想最後可以返嚟唱歌，所以為咗公平多少少，我就出多少少力咁囉，哈哈。」就連比賽主持劉若寶（Polly）亦謂：「我咁啱企喺Arvin個位，我睇到個波明明喺佢附近，佢係好輕易就接到，但係佢特登打歪少少，因為平時我見佢打波都好勁，啲波基本上佢都接得晒，但係唯獨有幾球無啦啦接唔到，仲要畀啲好驚訝嘅反應，可能真係唔覺意放咗少少水。希望Arvin佢會反省吓啦，哈哈。」

Source

b01091018

喜歡守禮

stephybest

又霉又棄都可以寫到人氣爆燈
cubex___ 發表於 2024-9-12 20:31

看圖作文又冇老作嘅
霉姐的確被人圍住

on07111

支持李乜乜紅館打羽毛球

cathay1996

好想和美麗的幸兒打羽毛球

cubex___

又霉又棄都可以寫到人氣爆燈