gcgoobi

會傾向支持cm做一個以推介中文歌曲嘅榜
英文作品可以用另一方法推介吧。例如每月榜主投票，支持度超過50%作特別推介。

bagfgfcde

會傾向支持cm做一個以推介中文歌曲嘅榜
英文作品可以用另一方法推介吧。例如每月榜主投票，支持度超過50%作 ...
gcgoobi 發表於 2020-3-23 21:24

50%太高，如果真係設就建議定低啲
另外咁樣唔知會唔會增加大家負擔，可能忙嗰陣真係冇咁多時間盡義務 blah blah
直接係共和榜競爭，俾大家選擇上定唔上，自由度反而多啲
雖然都引申到一個問題，就係CM榜既定位
應該係專注中文歌定係香港歌，抑或係兩者兼顧

gcgoobi

50%太高，如果真係設就建議定低啲
另外咁樣唔知會唔會增加大家負擔，可能忙嗰陣真係冇咁多時間盡義務 bl ...
bagfgfcde 發表於 2020-3-23 21:48

    我唔支持嘅原因係
1. Cool hot hit 無介紹
2. 流行榜無po 本地英文榜
—->結論係無乜人知派過乜—>上榜機會極微

3. 唔係人人都接受到個榜上英文歌
—->呢點最重要，要100%人咁做首英文歌先有公平機會上榜
原理同非派台歌一樣，上得太多都會影響其他歌上榜機會

本來有4，但係今個星期#41都有人討論
—->一直以來我都只睇頭十，非榜主應該都係

幾多%都係一個提議，或者cool hot hit 去解決咗佢

bagfgfcde

我唔支持嘅原因係
1. Cool hot hit 無介紹
2. 流行榜無po 本地英文榜
—->結論係無乜人知派過乜—> ...
gcgoobi 發表於 2020-3-23 22:05

第一同二點其實已經唔成問題，因為my903同新城網站近排都開始出英文派台歌，
我地係可以知道有乜歌派台，所以先有榜主咁樣提議

至於第三點，其實而家有好多榜都唔會上台灣歌手出既國語歌，但共和都容許呢啲歌有上榜機會，
我覺得本地英文歌都係同樣情況，加咗之後大家就會習以為常，無論你會上定唔會上。
如果可以的話，不如你分享一下以前你地點樣處理台灣歌手呢個case，同埋點解最後都俾佢地有參與機會，
可能俾到各位榜主一個新既討論角度

gcgoobi

第一同二點其實已經唔成問題，因為my903同新城網站近排都開始出英文派台歌，
我地係可以知道有乜歌派台 ...
bagfgfcde 發表於 2020-3-23 22:15

    其實榜規有寫，如果幾位榜主一同自plug某首歌，可以變做cm派台歌。正如有一段時期cm榜有好多我都未聽過嘅台灣歌。或者我無乜時間留意，如果有心谷正嘢，真係要榜主們夾埋一齊多啲討論，先可以增加歌曲傳唱度。

bagfgfcde

其實榜規有寫，如果幾位榜主一同自plug某首歌，可以變做cm派台歌。正如有一段時期cm榜有好多 ...
gcgoobi 發表於 2020-3-23 22:26

No, definitely not.

共和榜榜主留意:

事項一
各位榜主, 經投票, 現澄清 非派台歌於任何情況下均不能在共和榜榜規中被視為派台 ...
akk 發表於 2014-7-24 04:48

係可以上榜，不過例子實在太少，
大家慣常上派台歌

gcgoobi

No, definitely not.


係可以上榜，不過例子實在太少，
大家慣常上派台歌 ...
bagfgfcde 發表於 2020-3-23 22:32

    睇番榜規，因為多年無發生過自plug變cm plug事件，果句無左。大家可以討論要加番，始終榜規都十幾年，有野唔乎合2020都唔出奇。
個人認為推上十大先可以令更多人認識。以前我有心谷會係每周榜上面討論，上自plug之前推介下，可能有知音人。
而家我更忙都會入去look下每週排名同榜主留言。 如果唔係果度討論，我多數都miss。

bagfgfcde

睇番榜規，因為多年無發生過自plug變cm plug事件，果句無左。大家可以討論要加番，始終榜規都十幾年 ...
gcgoobi 發表於 2020-3-23 23:16

因為本身自plug就有名額限制，所以上到榜既機會真係好細。
呢度大部分榜主都唔會自plug，或者係各有各選擇，
因為2020年代串流平台真係好方便，大家易access到自己鍾意既音樂，
你既心水未必係我既心水，你既非派台推介未必係我既非派台推介，
已經好難好似十幾年前咁，推介一首非派台歌然後大家齊齊支持。
而之前四榜四冠曾經惹來會員非議同指控小圈子，
可以預見呢種推介非派台既做法，又會惹來其他爭議。

或者大家對開放俾英文派台歌參與有保留，
不過提出既原意我認為係好，而且難以用其他方法例如自plug變cm plug歌去取代。
至於改動會帶來其他問題，例如榜分分薄咗、或者大家認為中文歌依然最重要，
我認為可以以加榜數、定立一個榜中文歌數目既下限等等方法去解決。
如果因為呢啲小問題而將個倡議全盤否定，我覺得有啲可惜。

CunninG

會傾向支持cm做一個以推介中文歌曲嘅榜
英文作品可以用另一方法推介吧。例如每月榜主投票，支持度超過50%作 ...
gcgoobi 發表於 2020-3-23 21:24

    我覺得CM嘅定位能應該係推介本地歌手歌曲 rather than 中文
中文歌其實好多榜主（包括我自己）已經係現行機制內盡做
同埋都叫有少少成果, 例如推到FOREVER YOUNG上榜

但本地嘅英文歌真係無法

作為CHH版主，如果我地放得本地派台英文歌
無理由共和榜唔放
所以我都同意加本地嘅派台英文歌

不過如果要擴展到華語區我有保留
首先我都係希望本土優先
其次係我驚範圍太闊唔知點定義

gcgoobi

因為本身自plug就有名額限制，所以上到榜既機會真係好細。
呢度大部分榜主都唔會自plug，或者係各有各選 ...
bagfgfcde 發表於 2020-3-23 23:50

    我覺得自plug變上榜歌有得做，就係大家各有各聽令大家少咗一個focus聽一首好歌。好歌一定有知音。

關於自plug FYI, 其實最初cm版規有一項大約係頭2plug要跟，之後榜主可以自由上同一張專輯嘅歌。

暫時你都係聽過我發言，可能其他人有其他想法或建議，討論完再投票決定，尊重結果。

gcgoobi

我覺得CM嘅定位能應該係推介本地歌手歌曲 rather than 中文
中文歌其實好多榜主（包括我自己）已經 ...
CunninG 發表於 2020-3-24 00:21

    因為前po話有7首本土歌手英文歌，我真係唔知有咁多
我都係靠CHH同903airplay睇新派台歌，如果呢兩度無我會唔知

chanchan0909

我覺得CM嘅定位能應該係推介本地歌手歌曲 rather than 中文
中文歌其實好多榜主（包括我自己）已經 ...
CunninG 發表於 2020-3-24 00:21

我想先搞清楚喺字眼上嘅一樣野，我地一直以「英文歌」代替左「本地非華語派台歌」，其實喺今年暫時 7 首「本地非派台歌」裡面有 2.5 首係日語歌，咁本地歌手「除英語派台外的非華語派台歌」可否撥入呢個「本地非華語派台歌」? 定係以「派台的英文作品」作為之後投票嘅一個選項 ?

至於擴展到華語區，雖則係我提出黎但我無太大嘅理由，因為華語歌派台我地都同本地歌曲派台有同等嘅待遇
所以如果接納本地非華語派台歌，咁華語區係咪都可以有相等嘅機會

因為前po話有7首本土歌手英文歌，我真係唔知有咁多
我都係靠CHH同903airplay睇新派台歌，如果呢兩度 ...
gcgoobi 發表於 2020-3-24 00:43

本土嘅非華語歌嘅產量其實唔少，無實質數據喺手，但預計佔本土產量 5%，就如舊年嘅 Kiri T《Golden Kiri》, Jabin Law《A Bite of Hell》, 仲有舊年 per se 同 小塵埃 專輯中都有唔少英語歌，所以可以證明英語歌喺本土嘅樂壇上有一定嘅份量

好似 bag 提到可以加入左其他語言就有機會會分薄分數，或者我比啲數字出黎

[暫以英語為派台歌計算]
暫時今年符合我地資格嘅派台數目到目前為止有 139 首，5 首本地英語派台歌，佔全部派台嘅比例剛好係 3.5%，
假若比呢 5 首加入，當然全年就唔止呢個數，當住今季會有多一首，6 首，全年計埋打後三季，預計 24 首
全年 3.5%，約 24 首左右嘅派台加入競爭，你覺得呢個數量會係太多定太少 ?

bagfgfcde

我想先搞清楚喺字眼上嘅一樣野，我地一直以「英文歌」代替左「本地非華語派台歌」，其實喺今年暫時 7 首「 ...
chanchan0909 發表於 2020-3-24 10:26

我諗先定做"兩文三語"，會比較容易得到大家支持

如果係日文等語言我有所保留
好現實既原因就係都唔知佢唱乜
（雖然我有聽客語同台語歌，但都要花啲時間睇翻譯甚至其他人既介紹去了解內容，
同埋自己本身識估下）
大家都冇乜心情同時間去慢慢做 research

chanchan0909

我諗先定做三文兩語，會比較容易得到大家支持

如果係日文等語言我有所保留
好現實既原因就係都唔知佢唱 ...
bagfgfcde 發表於 2020-3-24 10:32

好 ! 咁我喺上面都改一改啲數字
當今季有 6 首本地英語派台歌，全年預計有 24 首派台，預計佔所有派台 3.5%

呢個預計嘅數字比大家參考一下

ed8671ed

我覺得自plug變上榜歌有得做，就係大家各有各聽令大家少咗一個focus聽一首好歌。好歌一定有知音。

...
gcgoobi 發表於 2020-3-24 00:39

我覺得自plug變上榜喺而家呢個時代已經好難做到
好似隔離個post個討論都睇得出大家嘅口味好唔同
要攞出嚟20個人討論 compromise到一首歌去推已經冇可能做到
如果圍內幾個推又好易比人非議小圈子 冇自由意志做榜之類

所以我覺得而家榜規喺呢方面已經足夠 無謂逼大家去喜歡某首歌
要對外推廣嘅話 既然而家我哋有只有好音樂 有社交平台
大可以等大家有興趣咪寫返500字聽後感share出去同外邊嘅樂迷分享
順便吸引下啲人入forum玩 特別留意到forum已經冇乜年輕人 希望可以吸下新血入嚟

gcgoobi

我覺得自plug變上榜喺而家呢個時代已經好難做到
好似隔離個post個討論都睇得出大家嘅口味好唔同
要攞出嚟2 ...
ed8671ed 發表於 2020-3-24 14:10

    其實你講得岩，我嘅睇法係推介歌曲去到幾遠。上到十大先可以令多啲人留意，而呢個代表到首歌average 6-8個榜主支持。
上到榜都唔需要下下19/20榜先叫唔係小圈子谷歌。

例過來說，我谷到首歌#41都咁大迴響 意料之外

CunninG

hi 其實我認為我地有必要clarify香港歌手推出外語歌計唔計派台
我見Chill club 都上lost forever
而CHH會其實都會當呢類歌手做派台歌出post

但原來CM共和未係呢個問題作出決定
仲係follow緊CHH舊rules
我覺得我地作為同一個壇好似唔應該一壇兩制
唔知大家點睇?

(實際上我整榜都係睇CHH 派台歌而決定
所以clarify呢個問題都會方便大家)

cymusic

hi 其實我認為我地有必要clarify香港歌手推出外語歌計唔計派台
我見Chill club 都上lost forever
而CHH會其 ...
CunninG 發表於 2020-7-30 12:21

我比較傾向跟返CHH既計法 只要有派台既歌(不論語言定純音樂)都計派台
咁對大家排榜同對計分員執行上都會簡單d
之前大家既爭論點可能係因爲CHH未有外語派台歌既post 所以就唔計外語派台歌入共和機制
但而家既然CHH都已經包埋呢類歌曲 共和係咪都應該確立返相同既標準?

CunninG

我比較傾向跟返CHH既計法 只要有派台既歌(不論語言定純音樂)都計派台
咁對大家排榜同對計分員執行上都會簡 ...
cymusic 發表於 2020-7-30 12:42

    我簡單再講一次CHH會包乜嘢派台歌
1. 所有係香港派台嘅中文歌曲，不論歌手嘅地區
2. 香港歌手推出嘅外語歌曲，而我哋又可以搵到派台嘅reference

非香港歌手喺香港嘅派台歌係不計算之內，即使有派台reference