《一千個假想結局》的第一千個假想解讀

powerful

《一千個假想結局》的第一千個假想解讀



從漫長的沉睡中醒來，睜開了眼睛，終於發現困在這個白色恐怖的密室之內，如何是好?
要重回夢鄉嗎? 這只是自我欺騙，合上眼卻仍是清醒狀態;
要反抗逃走嗎? 卻看似沒有可能，四面都是牆壁密不透風。
是以作無謂的掙扎，還是安躺地下，繼續偽裝睡得安穩，成為《一千個假想結局》的命題，
從潘源良充滿政治暗示的歌詞，帶到 Heison Ng 構想的「沉默有多恐怖」的畫面。

人們總認為不能叫醒在裝睡的人，其實是睡醒了的人根本不知怎麼算好，
正如雨傘運動是進是退，下一步是激進衝擊或走進社區，卻總像怎樣選都不是最好的方案。
歌中的「你」可意指特區政府，或人大，或是中央，
代表著建制的高牆，面對人民揮筆狂呼仍是無動於衷，
同樣地「你」也是沉默的大多數，在一切過後仍然選擇不發聲，
保持所謂「中立」，捍衛只剩空銜的「法治」。

「維護你基本態度」是兩者的共通點，
不論怎樣去塗黑那人工的白色去引起注意，都只能撼動表象而不能深入核心。
但「我」還可以怎樣?
當作無補於事與「你」重修舊好，從此放棄自身的核心價值來配合「安居樂業」的藍本?
是如歌曲提示的妥協，還是咒罵洩憤，抑或遠走高飛?

這是「你」與「我」之間的矛盾關係，只有對立而沒有融和的空間，
但其實「我」之內同樣充滿掙扎，腦內想像不同結局的可能性，似乎都沒有出路;
「我」想勸告，卻無法消解「我」的憤怒，最終理念一致都可能要各走各路，
這一場全民覺醒，追求真普選的方向，亦將迷失於勇武與和理非的路線爭拗中，就像心鎖了霧。

就在唱出心鎖了霧的一刻，Kary 作為歌曲的代言人，
配合音樂的節奏竭力地在全白景上畫下一抹黑色，開始尋求改變。
她一筆又一筆勾劃著交叉的反對符號，卻漸感無力，躺下想睡又不能，站起來要逃亦無力，
這個近乎瘋狂崩潰的狀態，最終讓她在冒充白雪的發泡膠粒中，找到了紅色絲帶捲著的斧頭，
鑿向牆壁，打開第一道缺口，歌曲就在這處停止。

外面到底是什麼? 另一個更大的牢獄? 比白色恐怖更有形有色的恐懼? 還是真正的自由?
當人們承受過催淚彈，學民絕食過，在政改卻寸步成果都得不到，眼淚 (溫和) 已經失去用途，
我們除了逃入夢境，讓無盡幻想，帶著我們一起迷路，或一起祈禱，還可以怎樣?
鏡頭固定在她的眼睛，與開首在旋轉但昏睡的她對照，
這刻雖然依舊被囚，曙光仍未到來，但至少她堅定並覺醒了。
一個小孔也許對於龐大的國家機器而言微不足道，對於渺小個人卻已是突破，
正如歌名在MV以一個框架呈現，卻並非全然封閉，被「一」字刺穿了，
縱使句號已寫下，「結局」卻是開放的。

寫過《破曉》、《超錯》以及《十個救火的少年》的潘源良，
在2014年帶來了《一千個假想結局》，足證其政治觸覺;
林憶蓮將這曲交給 Kary 演繹，亦帶有一個時代的傳承意義。

全文:
《一千個假想結局》的第一千個假想解讀

rubylovessss

只有kary先唱到這種感覺

CBY0710

之前聽首歌無霖過呢個解讀 以為系純愛情歌添
首歌好正

janickfu

今年kary嘅歌都好有水準
尤其呢首曲詞編、題材都有別于之前
希望林憶蓮可以指引到Kary行一條最適合自己嘅路
好歌希望2015年頭都有好報。
雖然kary今年無緣女三甲，但喺我心目中今年音樂嘅誠意絕對有女歌手前三
無論頒獎禮白果又好點都好，唔會作為歌手歌曲質素嘅標準
相信努力始終有日會有人睇到，好音樂會有人珍惜，support kary

Samuel0919

第一次聽已經覺得份詞正到不得了，原來系《破曉》既作者，感動！憶蓮堅系做到野，希望首歌15年有好報啦~

jose

真心希望外間人會認知到kary今年既努力
而唔會因為對佢既成見而否定
咁樣比起拎一千次女金更為值得
亦都叫做承接到憶蓮既聲譽

bagfgfcde

今次無論歌詞定mv都係吳雨霏歷年歌曲最佳之一
歌詞即使唔解讀為政治, 足足幾句「沉默有多恐怖 從未這麼感覺到」,
已經深深勾劃出歌者既心理感受,
其實吳雨霏近年好多歌都強調開不開心係可以自主, 我剩係可以攻, 無情咁同世界講佢係邊個 ; 又或者傷口好難拋低, 消耗大家(假),
情歌佔吳雨霏唔少分量, 頂多新啲既有要活出自己既人生,
呢首講政治既, 係咪kary第一首? (唔係第一都第二啦 lol)
總之, 呢首為佢原本已經出色既2014年再提升一個層次, 值得對吳雨霏另眼相看

老老實實, 佢今年輸俾容楊薛我真係點都唔服氣

kwanie

我對潘源良既Perception 原本仲係有線既講波佬
尤其呢條片簡直係經典

點知原來佢寫野既功力依然響度

張少

估唔到你會寫kary
今年佢d歌真係好過好多女歌手

~蛋撻~

omg,我本人悟性真係太低,差d又浪費好歌.......
但係全歌都真係無乜hints可以出到呢個主題,真係要好留心先聽到.....

HOTMAN

唔知點解，雖然知道呢首歌係寫緊呢d，但一直投入唔到
直到出左個mv，先完全體會到首歌既無力感

powerful

第一次聽已經覺得份詞正到不得了，原來系《破曉》既作者，感動！憶蓮堅系做到野，希望首歌15年有好報啦~{:1 ...
Samuel0919 發表於 2014-12-19 18:21

Sorry，核對時唔記得改返，《破曉》應該係周禮荗填詞，成日有個錯覺係潘源良寫，因為一講到林憶蓮就自然諗起佢。

估唔到你會寫kary
今年佢d歌真係好過好多女歌手
張少 發表於 2014-12-19 20:48

我今年都寫過 Kary 既 Across 架，果時話佢尚未完成逆轉，經過林憶蓮打造後，似乎似樣喇。

powerful

之前聽首歌無霖過呢個解讀 以為系純愛情歌添
首歌好正
CBY0710 發表於 2014-12-19 16:39

omg,我本人悟性真係太低,差d又浪費好歌.......
但係全歌都真係無乜hints可以出到呢個主題,真係要好留心先聽 ...
~蛋撻~ 發表於 2014-12-19 23:09

首歌一出頭六個字已經令我好深刻，係呢個時候講沉默恐怖，仲要潘源良填詞，就有咁既聯想

今次無論歌詞定mv都係吳雨霏歷年歌曲最佳之一
歌詞即使唔解讀為政治, 足足幾句「沉默有多恐怖 從未這麼感覺 ...
bagfgfcde 發表於 2014-12-19 20:36

只音好似有個post 講逆轉既政治含意，雖則我無咩同感，但都可以參考下

我對潘源良既Perception 原本仲係有線既講波佬
尤其呢條片簡直係經典

點知原來佢寫野既功力依然響度 {:4_1 ...
kwanie 發表於 2014-12-19 20:46

哈哈，我都有聽佢講波架 XD

hehemamama

首歌一聽愛上 本來以為係情歌
直至有會員喺cool hot hit 講聯想到政治 突然發覺 第一句已經係 真係好應景
曲詞唱mv 非常好

今年有質有量 三甲 甚至女銀當之無槐
希望喺憶蓮教導下更進一步

Top仔

好歌有好報，但願這幾個星期不播一千個假像結局，只為明年給一個公正的回報
霏妹good job

李范建

人哋攞獎果時你哋都鬧佢，
宜家人哋食白果啦，你哋都贊佢，
CMD人認真怪

rubylovessss

人哋攞獎果時你哋都鬧佢，
宜家人哋食白果啦，你哋都贊佢，
CMD人認真怪
李范建 發表於 2014-12-20 19:38

    又點呢?

CBY0710

人哋攞獎果時你哋都鬧佢，
宜家人哋食白果啦，你哋都贊佢，
CMD人認真怪
李范建 發表於 2014-12-20 19:38

   贊定鬧其實同歌手表現/歌曲素質相關
前兩年kary d live同歌都而家差一大截都好難贊得落

Samuel0919

Sorry，核對時唔記得改返，《破曉》應該係周禮荗填詞，成日有個錯覺係潘源良寫，因為一講到林憶蓮就自然 ...
powerful 發表於 2014-12-20 01:21

    Anyway無可否認份詞系正，其實周禮茂D作品都好正啊，如果我無記錯的話佢都作過首同樣淒美既《暫借問》俾Kary，一樣好憶蓮feel~