林若寧的敗筆 歌詞的荒謬 -- 《我們都是這樣長大的》

hiraoka

林欣彤15年第一plug《我們都是這樣長大的》, 賣點是林欣彤親自作曲. A段其實不錯, 淡淡的旋律及唱法, 甚為配合, 但去到副歌就有問題. 編曲及唱法很用力, 但旋律又未有K歌所需的爆點配合, 高不成低不就.
不過, 這首歌最大的敗筆不在唱法, 也不在旋律及編曲, 而是林若寧的詞, 堪稱近年眾多寫成長的歌詞中, 寫得最差的一首, 差到我認為需要逐段點評.

「賣冷門東西偏遠商店　市場上見不得會佔先
石板街足跡需要修建　我們在哪一方再遇見
季節會默默無言　吹熄一些掛念
但我力拒變一縷輕煙」

第一句寫得好, 明顯在講獨家村, 但之後三句, 已經唔關事. 我可以理解是寫不要忘記從前的自己, 希望再找回從前的我. 但從字面看, 其實更似掛念他人, 與明顯講個人經歷的首句有出入, 同一段想講太多主題, 失策.

「仍有可笑理想　頑固得太理想
寧願相信生存空間一路膨脹
懷抱燦爛夕陽　如何短總可滋養
我的青澀　面對漆黑更上漲」

同一個副歌出現「膨脹」及「上漲」. 「脹/漲」從未被視為靚字, 何需如此? 而生存空間是否可以配膨脹? 照正路, 應該會講擴闊生存空間, 這兩個字顯然是格硬塞落去, 但更離譜的是, 「我的青澀　面對漆黑更上漲」, 青澀如何上漲???? 未免太離譜. 「懷抱燦爛夕陽　如何短總可滋養」亦寫得完全唔靚, 用「短暫」形容「夕陽」還好, 但單字「短」, 不合格.

「木結他依偎生銹的線　素描像氣質不會變遷
舊舞衣風姿不要收斂　信童話有一篇會實踐
個個要悼念從前　幾多的不兌現
但我奉信最少到今天」

木結他如何依偎生銹的線呢? 生銹的線理論上是木結他的一部分.
「素描像氣質不會變遷 舊舞衣風姿不要收斂」 這兩句的形容都非常怪. 無人會用「變遷」去形容「素描」, 而氣質是否真的不會變遷? 「風姿」配「收歛」也甚為牽強, 但更離奇的是, 這兩句與「木結他依偎生銹的線」有何關係?

「還有可笑理想　頑固得太理想
無論總有高牆堆積孤獨屏障
逃過既定下場　重頭寫一篇真相
未了小說　未到終結那一章」

堆積屏障, 絕對是新發明的詞.

「誰廉價收買理想　時間搶劫理想
無論趕我漂流邊疆堅持妄想
玫瑰種在石牆　無泥土天生天養
信布穀鳥　以鳥聲給我和唱」

全首歌最正常的一段, 雖然從未聽過「趕我漂流邊疆」, 正常人會用兩隻字交代「放逐」/「發配」邊疆.

「還有可笑理想　頑固得太理想
回復一個清純娃娃不用培養
和我幼嫩白羊　搖籃曲一起清唱
撒野聲線　令記憶更見鏗鏘」

第三句正在講清唱搖籃曲, 接住就「撒野」??? 未免太跳tone.

「氹氹轉追我理想　遊戲中說理想
留住跟我一同反斗的朋友相
微笑也是善良　傻孩子不卑不亢
永遠不變　是那天一臉倔強
永遠相信　未唱的歌會合唱」

用了五分四首歌講自己, 最後得幾句講朋友相及合唱, 勉強配合《我們都是這樣長大的》的主題是否合理? 整首歌只睇到「我」, 實在睇唔到「我們」. 以作文計, 絕對是離題.

其實明白有時為了岩音, 有時為了字數, 歌詞並非每句都完全工整, 但歌詞還是需要有基本的邏輯, 也要顧及基本的中文文法, 這首歌的歌詞絕對是求其, 顛覆中文文法. 填詞多年的林若寧, 交出這種行貨, 甚為可惜.

JayantL

嚇死我
仲以為燈神咁快就要燈死Mag Mag

nicholashin

嚇死我
仲以為燈神咁快就要燈死Mag Mag
JayantL 發表於 2015-3-18 23:15

正負面都各有人寫 等燈神無題材再寫
大家好愛Mag

rainbowdash

廣東歌亂用形容詞的例子經常見到但今次我都頂唔順。

生存空間一路澎漲===>.  呢句直頭聽到我把火。

CBY0710

首詞的確填得有幾多問題...
我覺得林生填詞好文雅..不過有時詞不達意

kwanie

早期既林生確實係堆砌王黎既又

~蛋撻~

我一向都極為討厭閣下既點評,好多時武斷又主觀.
如果填詞要用閣下既觀點黎填,出黎只會係無靈魂既殭屍文.
我建議你睇多d書,加強一下對文字既感應,學下咩叫修辭.

hiraoka

我一向都極為討厭閣下既點評,好多時武斷又主觀.
如果填詞要用閣下既觀點黎填,出黎只會係無靈魂既殭屍文.
我 ...
~蛋撻~ 發表於 2015-3-19 00:43

首先, 中文有文法, 任何語文都有基礎, 亂用中文是客觀而簡單的問題. 若果靠錯誤文法, 亂用詞語才能填出所想, 我想也太侮辱能用正當文法及詞語, 填出有意思歌詞的填詞人.要注意, 這裏說的文法, 不是的的點點, 歌詞的抽象形態或比喻, 並不是靠亂用字而來. 若果你認為有關詞組合理, 不妨解釋一下.  看書, 大家都要看, 而我看的書, 都有中文文法.
至於本人的點評, 的確非常主觀, 若果發表個人意見都左右而言他, 按閣下的言語, 「出黎只會係無靈魂既殭屍文」. 而若果無個人意見, 其實我share別人的也可以.  
但我多謝你的主觀意見.

Kyle_

講明點評.....評就緊係主觀嫁喇

~蛋撻~

首先, 中文有文法, 任何語文都有基礎, 亂用中文是客觀而簡單的問題. 若果靠錯誤文法, 亂用詞語才能填出所 ...
hiraoka 發表於 2015-3-19 01:00

對人既意見我可以無限主觀,但係對創作我可以無限容納
就係紅字呢一句,就可以玩死你.
窗含西嶺千秋雪,一個窗點含住雪,仲要千秋?
有d修辭唔係單靠字面,係要用聯想.
響你角度黎講,可不可以說
一株檸檬茶
一雙大力水手
一頓雪糕蘇打
一畝阿華田？

星勤

其實我傾向同意樓主
呢首歌好多位似塞字多過有特別含意
當然樓主果篇有啲位其實未至於咁解唔通
但呢首詞寫得唔好，我係同意嘅

John

早期既林生確實係堆砌王黎既又
kwanie 發表於 2015-3-19 00:22

其實而家都係
尤其近兩年再增產之後, 又差番

Bluejays

我係好得 一千零一次人生 嗰種堆砌的，
因為格式統一，世界亦好統一，
實唔實際根本唔重要。

但今次呢份詞，係令我跟唔到啲 意象 嘅 串連關係，
飛嚟飛去唔知去左邊，令我腦裡面嘅畫面變得好零亂。
當份詞嘅意圖係想要畫面，而啲畫面又未能組織出一個完整嘅世界，
咁就只會得翻零碎嘅片段而唔係一個整體。

全份詞中，我最有感覺係「木結他依偎生銹的線」呢個意象
（我唔 care 佢有冇文法或邏輯，總之能夠描繪出一個完整畫面就足夠），
但對我嚟講，呢個意象係獨立存在而未能同份詞嘅其他意象串連嘅。

所以今次未必係因為 堆砌 出左問題，而係啲 意象 嘅思路唔夠清晰。

bagfgfcde

事實上素描又真係唔會有人用不會變遷形容佢喎
如果可以完全唔理撘配 我可唔可以話辛辣的手袋?? 廣闊的面條??

根本評野係主觀架啦
你覺得自己評得好客觀果陣 其實都係寫緊自己既主觀感受
樂評唔係就係互相交流 令大家可以用唔同角度去思考歌曲架咩

thecool123

感謝樓主寫了這篇文章, 我有點覺得這篇文為我出了口怨氣, 只因我亦為林生交了這樣的詞作為Mag的主打十分的失望。

首先我十分同意你例舉亂塞詞的例子。"青澀"會"上漲"? 真係O嘴。還有"令記憶更見鏗鏘", 記憶點樣鏗鏘?  OK, 有人話呢D係修辭, 但不通順沒有effect的修辭就是失敗。 最大問題係每段東講一弗, 西講一弗, 加埋就變成沒有重點。還有chorus"理想"一詞實在重覆得太多次。點解監製會收貨架?

星勤

我係好得 一千零一次人生 嗰種堆砌的，
因為格式統一，世界亦好統一，
實唔實際根本唔重要。

但今次呢份詞 ...
Bluejays 發表於 2015-3-19 02:54

反而覺得呢句主副語調轉左
弦係結他一部分
結他弦可以換，但結他唔要就只可以丟棄
所以「生銹的線依偎木結他」反而有畫面有道理

Bluejays

反而覺得呢句主副語調轉左
弦係結他一部分
結他弦可以換，但結他唔要就只可以丟棄
所以「生銹的線依偎木結 ...
星勤 發表於 2015-3-19 14:03

我得到嘅意象係，裡面經已有部份腐壞，
還未腐壞的外面，仍在依偎着它。
是放不開也好，是唇寒齒亡也好，
木結他仍會跟生銹的線共存。

如我前面所說，雖然這個意象我好有感覺，但同全份詞拉不上關係。

mrshadowll

是曲難入耳

kevinlai1621

聽多幾次都覺得d詞字硬係怪怪地
樓主太細緻分析個人覺得又未免太執著, 始終流行曲都未至於需要太合乎文法
總括黎講整體d詞又係真係怪左d嘅, 不過曲就真係好有感覺

hiraoka

對人既意見我可以無限主觀,但係對創作我可以無限容納
就係紅字呢一句,就可以玩死你.
窗含西嶺千秋雪,一個 ...
~蛋撻~ 發表於 2015-3-19 01:18

由於「含」字本身有包藏的意義, 當年讀《絕句》, 理解並無困難. 而加上前兩句, 「兩個黃鸝鳴翠柳 一行白鷺上青天」已有意境, 環環相扣, 構圖清晰.


回歸這首歌, 以「木結他依偎生銹的線　素描像氣質不會變遷  舊舞衣風姿不要收斂」 為例, 第一句與後兩句, 無論句子結構及意境都不同, 我實在無法將他們一同理解.
無法將他們連成一線, 而單獨去看 「木結他依偎生銹的線」, 我不認同它是適當的擬人法. 若果我未能聯想, 被認為是我理解能力低, 又或者對文字認識膚淺, 我不介意大家有這種睇法.


若果單純講一詞多義, 以「青澀」配「上漲」為例, 我未能理解這兩詞如何有多重意義, 可以將這裏的用法合理化.
文字當然可以有聯想, 但前文後理不夾, 要聯想, 對我有困難.  　
   

ape

曲也不好聽

蘿莉愛蜜莉

其實佢既詞，我一直覺得逐尐拆開黎睇好似好華麗，但成堆咁睇既時候就爛爛地~
我自己都叫識識地填或改編歌詞咁，其實樓主都理解，林生果尐用字不當最大原因係因為佢要填啱音同押返個韻~ 如果係因為多產的話咁呢樣野都冇乎，否則如果要慢工出細貨，佢係可以慢慢思考下有冇第二種寫法可以達至同一意思~

我見上面有尐火藥味，咁我都講下自己少少個人意見~
冇錯，填詞的確係會有多少藝術成分在內，的確存在一點偏離一般文法既空間
但係呢我十分認為就算係一尐超現實幻想都好，呢尐唔係平常正路既寫法都唔應該過於氾濫~
咩野係亂填，咩野係藝術，其實最終都係聽歌既人會聽得出~

老實講，其實填詞人好應該選擇以最簡單既文字去完成佢要表達既意思~
霑叔當年就做到呢樣野，文字睇落去簡簡單單、平實淡泊，但卻係意味深長，佢有"鬼才"既稱號絕對係實至名歸~
唔講咁前輩級既，就講而家林夕，其實你都唔難見到佢地在整體實力上既分野
都得罪咁講句，我希望林生日後要知道詞呢樣野唔係用一尐天花龍鳳既字質晒入去就係勁，質得太多有時會適得其反 =.=

失憶蝴蝶

林若寧的詞一向喜歡堆砌詞藻

看起來很華麗 實際不實

K先生

林若寧的詞一向喜歡堆砌詞藻

看起來很華麗 實際不實
失憶蝴蝶 發表於 2015-3-20 13:33

    看來 我杯茶 算得上是他數一數二的作品

616.1314

其實呢首林小姐唱都好有問題好似逐隻字凳出泥
曲好悶...
份詞我同意係幾唔惦下
一開始我以為係獨家村 2.0
講「我們」點樣係「長大」期間堅守自己
甚至有衝動俾至尊
點知第二句已經 O 晒 T
舊日回憶的山丘 ? 囍帖街 ? 想點 ?
「膨脹」、「上漲」、「鏗鏘」呢堆用得超核突

lemontea1069

份詞真係差得緊要
曲都唔見得好

ps 支持樓主中文要有文法論

rainbowdash

但聽完live版對個曲改飌，安安靜靜去聽又幾有feel。

lemontea1069

其實新一代詞人最大問題係水準太飄忽
林若寧 CWH唔係冇好詞, 但噴詞仲多
本身好唔鍾意CWH, 因為太噴, 但而家林好似想追過佢咁

disappoint

其實新一代詞人最大問題係水準太飄忽
林若寧 CWH唔係冇好詞, 但噴詞仲多
本身好唔鍾意CWH, 因為太噴, 但而 ...
lemontea1069 發表於 2015-3-26 12:43

    小克

kelvinho726

其實又未去到真係咁差